zomi aw lung lau ken!

ARTICLES
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Articles

Kawlgam Zomite le Sim lam Zogam

PDFPrintE-mail

Written by Tongsan Admin Monday, 27 April 2015 22:46

Chin State 1

Zomi Innkuan Singapore malaakna leh Zomi Language and Literature Society panlaakna in nisim April 13, 2015 in Vaigam Zomite mitnauta Lamka khopi nusia in Kawlgam Zomite lungtang Tedim khopi ah siamsin naupangte Mangkam (English) sinsak dingin Zomi tuailai 21 kikuankhia hi. Tedim leh Kawlgam buppi galkaap pawlte vaihawmna nuai a om ahihna ah imi-isa tamzote omna himahleh Vaigam Zomite lakah Tedim kia gentaklouh Kawlgam sung ava siikkha leh Kawlgam a i Zomi pihte omnate leh khosakziate ava mukha kitam hetlou ding hi. Hiai ziak mahin tampite’n Kawlgam Zomite leh Simlam Zogam apan thute kitheitam lou ahihna toh Tedim khopi a Mangkam sinsak dinga ka kalsuanna ua thiltuahte pansanin Kawlgam a i minam dinmun, Zomite tenna gamte, leh i mi-le-sate nuntakzia ka muhdan hiai thugelh tungtawnin taklat i sawm ding.

Kawlgam Zomite Nuntakzia leh Lungput:

Kawlgam a Zomite'n tulai teknologi zanga khawl leh set tuamtuamte toh nna a sep hang un, i Zo ngeinate, Zo values, leh tangthu tampite kemcing uh a, Vaigam Zomite mah bangin siamna thak leh thil thakte pakta mahle uh van lui leh thil luite manphatdan mangngilh lou in tampi tak ana keemcing lai uh hi. Ipu-ipate’n ana thupingaih mahmah uh zindousiamna tunitan in Kawlgam Zomite’n ana hinpih mahmah lai uh ahihdan Lamka apan Mangkam sinsak dinga kuate'n ka tuak toutou uh hi. Tamu, Kawlpi/Kaleymyo, Tedim le Cikha ka omsung ua ka giahna, ann nekna leh vaak kawikawina lam peuh uah Zomi Youth Association (ZYA) min hiam, ahihkeh mimal in hitaleh, a zindousiamna uh muhtheih leh khoihkhaktheih phial a phawk theih dingin om mawk hi. Ka omna leh hohna lam peuh uah mahni inn a om banga ka kingaihsuttheih ding khop hial un zindousiam uh ka sa hi.

Kawlgam Zomite a vek phial un Khristian himah le uh i khanglui pawi (festival) leh hun poimoh tuamtuamte ana zuih lai uh tampi om a, tuate lakah haici/khaici tuh zoh cianga pawi kibawl, Lawm Ann Nek pawi bang pibawl mahmah lai uh a, kou Mangkam sinsak dinga zinte zong hiai pawi siim in ka va kuan kha uh hi. Hiai pawi siimna hun ah kou kia hilouin tuailai dang hong paite kiangah hiai pawi omzia gencetna inntek lam apan om a, tua khit in kou Lamka lama pan Mangkam sinsak dinga kuante hiai anuai bangin khanglui lakaih in ladawng khat inntekte apan Nu Ngem Khan Man in hon sakkhum hi.

A gam vangla hih tan a khaubang ciah ding,

Lumsuang dawh ding tulta nah phah nuam veng e;

Lumsuang dawh ding tulta nah phah nuam veng e,

Taangni kaat ding lummei in sung nuam veng e!

Ahon sak zoh in hiai lavui omdan hon hilhcian a, kou lak apan mit hul heuhhauh a ana omthei lou bang ka om hial uh hi.

Kawlgam Zomite aneu-alian in lungkimna leh kipahna a neihte uh lahkhiak ding a kidaam hetkei ua, Mangkam sinsakna class ka neihzoh teng bangun naupangte’n, “Lungdam ing ei, Sia. Zing teh kimukiik ni maw,” ci kawm in hong cibai sauhsauh thei zeel uh hi. Hiai banga kipahthu genna pen aneulam (Class III apan Class V kikal) ah uang diak hi!

Hun saulou cik sunga kho tuamtuam leh inn tuamtuam ka phakkhakna uapan Kawlgam Zomite'n siamsinna ngaina leh ngaisang mahmah uh ahihdan muhtheih mai hi; inn ka phakkhakna khempeuh ah, khota neucik a innte leng tel in, limlak kitakte ah graduation limlak lukhu neelkai toh a kilaknate uh omlouhna ka mu kei hi! Pilna leh nekzonna hoihzaw zongin tuailai tampite Kawlgam khopite leh gamdang (foreign) tanpha a kitheihdalh uh a; hiai ziak mah ahi ding e, Tedim khopi sung mahmah ah zong tuailai muh ding tawm ka sa mai. Inn cih apan khat beek in gamdang a siamsin ahihkeh nekzonna nei mah abang ua, Malaysia ngial ah houh min khumluut Zomi milip 30,000 vaal om cih hitel ei!

Kawlgam kivaihawmna pen mipi vaihawmna (democracy) kiciantak ahih nailouh manin Vaigam Zomite'n ngeinadan a i koih khenkhatte Kawlgam Zomite ading in thil lamdang leh theihsiam haksa khat suak thei hi. Etsakna: Mangkam sinsakna neih sungin siamsin naupang Pawl VII apan Pawl X kikalte lak ah 'social' leh 'public opinion' cih kammalte etsakna tawh ka hilhcet dek ciangin theihsiam baih a sa hetkei mawk uh hi! Hiai naupangte mah a hinkhua ua a tup uh (aim in life) ka dot ciangin engineerahihkeh daktor a ci tangpi ua, galkaap/sepaih a ci khat leng ka tuakkha kei hi.

Kawlgam Kumpi (Government) in naupangte siamsinna ah Kawlpau ngen a sinsak atup ahi a, Mangkam (English) pen Vaigam a Hindi subject i neihdan in subject khat in nei lel uh hi. Ei Zokam bel a Kawl Kumpi in siamsinte sin ding deih vetlou hih tuak. Hiaite khawng puaknat a nei mimal bangzahhiamte'n naupangte' Nipi Khawl (summer holiday) sungin Maths, Science, English leh i Zolai sinsakna mun tuamtuam ah pan uh a, lohcing mahmah a theih in om hi. Hiai panlaaknate ziak ahi ngei dinga, naupangte'n Maths, Science leh English a thubulpite (fundamentals) ei Zokam mah in hilhcetna hon pe thei mawk uh hi. Himahleh galkaapte opkhum ahih ziaka a ngaihtuahna uh suakta zou ciahlou ahi diam ka ci a, class a Mangkam a thu i dot ciangin mimala dawnna piak ding pen haksa sa mahmah uh hi. English Grammar sang mah in Spoken English lam ah naupangte'n taksapna lianzaw nei uh hi in muhtheih hi.

Tuabang kawmkaal lakah Vaigam (adiak in Manipur) sangin Kawlgam pen muanna leh bitna lamah ana thovengzaw tham ci le'ng kigenkhial lolou ding hi; Kawlgam ka luut uapan Vaigam kong luutkiik dong uh kaal khat sungin Kawl galkaap khat zong ka muh lam ka theikei hi. Kawlgam sung ah army check post icihte khat leng ka muh lam ka theikei a, ei Manipur sungah bel tua check post-te cimtakhuai khop dingin tam hi.

Minam Itna:

Kawlgam Zomite lakah minam itna leh Zomi mina nna hoih sep utna uang ahihdan ka va ciam kha uh hi. Thupi ka sak mahmah khat, Kawlpi/Kalaymyo ah hilhkhol lou pi a Zomi Youth Association (ZYA) ofis ah ka va luut mawk uleh Minam vaai a zin ka hi uh cih a theih phet un a makaite mobile phone tungtawna hong kisam kual vengvung uh a, minit 15 sungin President leh Secretary cihlouh hong kim thrap uh, kikhopna hon neihpih ngal uh hi. (President leh Secretary bel New York, USA a United Nations khawmpi a va tel ahih ziak ua hong hoh theilou uh ahihdan makai dangte'n hon hilh uh hi). Khentuam neilou a sisan hopna leh panpih ngaite panpih a kipei ahihdan uh ZYA makaite'n genna nei uh a, tua khitin tulel a project lian mahmah aneih uh, Kawlpi khopi sunga Zomi Hall & Stadium khat Kawlgam sum Ks.55,50,00,000 bei a bawlkhiak dinga pan la lellel ahihdan uh zong gen uh hi.

Proposed Zomi Hall & Stadium, Kawlpi/Kalaymyo:

Tulai a Kawlgam Zomite laka gamdang NGO-te toh pangkhawm a minam khantouhna ding vaai nasem hoih mahmahte laka khat a muhtheih Zomi Development Foundation (ZDF) hi ding hi. Hiai pen Tedim khopi pansan a Sia Cin Lam Pau @ Zomi Paul Pau in a makaih Zomi NGO khat hi a, gamdang apan huhna amuhte ama hamphatna dinga azatlouh pen a Zomi pih khenkhatte'n pilsa law khollo uh hih tuak hi! Tulel in ZDF in Tedim, Tonzang leh Cikha township-te (ei lam a sub-division i cih toh kibang) a mun khat ciat ah Tedim Zatopi/Tedim Damdawi Innpi naih phaloute a dingin health center hong uh a, maban ah mun tamzaw ah hon touh sawm lai uh hi. Minam picing hihna dinga ceptehna a kineite laka khat laimal (script/alphabet) ahi a, Zomite'n zong i Zotuallai (Pau Cin Hau script) nei ihihna uah Zomi tuailaite lakah hiai laimalte zatdan sinsakna nna ZDF in Tedim khopi ah tu April kha in ana panta hi. Hiai pen tua i Zolai gelhna dinga kizang Roman/English alphabet-te khekkhe ding cihna hilou-in, ei a icih theih om ahih ngalleh a zatdan beek theih sawm ni, ci a pan la uh ahi hi. 

Minam vaai toh kisai a kalsuante Kawlgam Zomite laka pawl/kipawlna (organization) makaite kia in ana aangvan ahihlouhdan theihtheih in om hi. Tedim khopi a ka om sung un lawmte van lei/bawlsak dinga a kuanna khenkhat uah dawr neitute'n sum ana la utlou, cih bang zong om hi. Minam itna ziaka gam hiaitan a hong kalsuan, na kipiakzohna uh thupi lua, ci a sum ana la utlou uh ahi hi. Kawlgam ka om sung ua minam it a ka theih ka tuahkhakte'n a Zomi pihte mahmah uh it uh hi in ka mu a, mahni innlum taisan zena a Zomi pihte uh nopsak zawkna dinga motor sunga giah leng poi salou uh ahihdan ka mit ngei in ka mu hi. Tuabang kawmkal lakah Vaigam Zomite mah bangin Kawlgam Zomite lak mah ah zong Kumpi pompih minte (Government-recognized names) a kiciamteh suk maimai a, tulel a i omdan bangbang a om suk ding a deih pawl zong omlou hituanlou hi.

Kawlgam Zomite khopi poimoh khenkhat:

Kawlpi/Kalaymyo Khopi, Sagiang Division: Kawlpi/Kalaymyo khopi ah milip 3,00,000 bang om dinga tuat hi a, tuate lakah Zomi 1,50,000 vaal pha dinga gintak ahi. Zomi minam hihna ciantak a pomte a lom a tampen i teenkhopna uh Kawlpi/Kalaymyo khopi hi ding hi.

Kawlpi Khuapi a om Kalay University:

Kawlgam Zomite adinga khopi poimoh pen ci leng i genkhial kholkei ding a, hiai khopi pen Zomi Council of Myanmar, Zomi Youth Association of Myanmar, Zomi Christian Literature Society leh Kawlgam sunga Zomite kipawlkhawmna tuamtuamte adinga a phualpi uh leng ahi hi. Hiai khopi ah Zomite tampen ihihna ah ki-inntek mahmah a, Tahan a kicihna veng a Zomite kilomten deuh hi. Khopi sunga lampite lian leh tang thei mahmah a, singkung zong tam hi. Hiai khopi galmuang mahmah ahihna ah zaan sawt hak mahmah hi. Tulel a Kawlgam a khopi khangtou haatpen nga (5) teelkhiatna ah Kawlpi/Kalaymyo zong tel pha hi.

Tedim, Zogam/Chin State: Tedim khopi ah milip 26,000 bang om dinga tuat hi a, Phaipi/Imphal apan kipan Tedim Road icih a tawpna mun ahi. Lampi khat zuul a khopi kiphah ahihna ah a khua dung asaau mahmah hi. A khopi pen veng tuamtuam in kikhen a, tuate Leitawhtan, Leilum, Lawibual, Myoma (Tedim venglai) leh Sakkollam cihte ahi uh hi. Khopi siangthou mahmah cih ding ahi dia, ka omsung un lampi ah nektheih hawng kipai ka muh lam ka thei kha kei hi. Mun sang leh zou mahmah ahihna ah khopi sunga mun khenkhat ah ngeisok pak pou muh ding om zezeuh hi.

Tedim Khuapi:

Tedim khopi leh a kiim naicikcik ah mun etnophuai tam mahmah a, hiai khopi a ka omsung in Zomite khanglui tangthute ahuih a diik kha bang mai in ka kingaihtuah hi. Tedim khopi apan a gamla loua om mun etnophuaite:

  1. Siangsawn Khua: Tedim khopi toh kizom a khua ahi a, hiai mun ah Pau Cin Hau in a phuan biakna zuite amau ginna toh kituaka khua a bawl uh ahi. Mun lungluuthuai mahmah ahi a, Zomite tualsuak biakna zui mi 300 khawngte tenna mun ahihna ah, amau biakna toh kisai kia hilouin Zomi namte inn lamdan (Zo inn) bang zong ettheih dingin om hi.
  2. Lamzaang Khua: Tedim khopi apan khe a tun phak ding khua ahi a, Lamka lama Lamzaang pau icih hong kipatkhiakna khua ahi, ci uh hi. Hiai khua ah 1912 a amau haaltawm teeklei/leiseek (brick) a kibawl Lamzaang Hausapa Kulh (Lamzaang Fort) tuni tan in ettheih dingin omlai a, tua kia hilouin Zomi Salpha Thualzen' inn zong hiai khua mah ah ettheih dingin omlai hi.

Lamzaang Kulh leh Thangmual/Fort White :

  1. I Zomi khangthu a mun-le-mual poimoh mahmah a kigen Ciimnuai, Geeltui, Khawvaiphei, Laitui cihte Tedim khopi apan gamlalou ah om uh a, tua kia hilouin i khanglui tangthu a kigen Thanghou leh Liandou, leh Naantal-te haan zong muh theih in omlai hi.
  2. Thangmual/Fort White: Kawlpi apan Tedim khopi zotna lampi a mun etnophuai mahmah ahi a, February 4, 1889 a British Imperial Army - Upper Burma a Major General George White nuai a Kulh (Fort) kibawlna mun ahi. Hiai Kulh pansan in Zomite'n British Imperial Army i daalna ua a panmun poimoh uh Siallum Kulh kici May 4, 1889 in la zou uh a, tua hun apan British Imperial Army in Zogam pumpi uk suak zou hi. Hiai Thangmual apan in Zomite pawlkhat in meipi ana zap uh ahihdan zong khangthu suutte'n gen uh hi.
  3. Tedim Golf Course: Tedim khopi apan mallam gamla lou ah golf kimawlna mun (golf course) mun nuamtak khat om a, a lungluut khempeuh va kimawl thei zeel uh hi. Hiai golf course sung ah mawng kung bangzahhiam a kivual a pou om a, khangthu suutte'n hiai pen nidanglai a Khuangnung khua hi ding hi, ci uh hi.
  4. Cope Topa tenna inn: Tedim khopi laizang a Cope Memorial Baptist Church huangsung ah Kawlgam Zomite laka Tangthupha pawluuttu J.H. Cope (Cope Topa) tenna in leh ama vanzatte tuni tana ettheih dingin om hi.
  5. Suangsua’ng suangpi: Tedim khopel Teeklui khonuai ah suangpi khat om a, hiai pen i khet ciangin a gin tuam mahmah hi. Khanglui tangthu ah hiai suangpi tungah Zogam sim dinga Meitei Guun tawna hong kuan Meitei Lengpa a din laitak in Zomi Salpha General Za Tual in ana kaaplum kici hi. Tua lai in Zomite'n Tedim kiim a taksing omte a naai pawt theihna dingin saat uh a, khomial nuai ah tua taksing naaite a baan haal ciangun a gaal a Meiteite'n amau dou sawma Zomite meiphual mun tampi a sem zena kisa uh hi ding, ci in a Lengpa uh a sih toh laau in taizaak uh, kici hi. Hiai ziakin Zomite'n meithal tampi leh Meitei be (beans) kineihlawh kici hi.
  6. Lih Diil: Tedim khopi apan tumlam a kilehphakna mun ah Lih Dil om a, Zogam a mihing bawltawm hilou diil lianpen hi ding hi.

Thukhitna:

Tedim khopi zuan dinga Lamka ka nutsiat tan un ka lungsim ah gamdang/foreign hoh ding dan in ka kingaihtuah a, himahleh Tamu ka tun uapan Behiang ka luutkik tan un ei pau, i Zokam kia mah kiza den ahihna a ka cipih-sapihte kiang va hoh ana hi ka hihlam ka theician thakthak hi. Vaigam Zomite'n i min tawpna uah i behmin uh i koih pahpah ziak uh ahi diam, Kawlgam Zomite'n beh ngaina di hon sa pahpah ua, amau leh amau ahong kipulaak ciangun a beh uh leng hong gen zeel uh hi. Tuabang hunte ah behmin lamdang deuh om hiam ci a ka na ngaih ciangin Lamka khopi leh a kiim a i behmin teng kaan uh adang zakbeh ka ve nei hetkei a, unau khat ihihna uh ka va cian semsem hi.

Zomite gam kivaihawmna dan tuamtuam (mipi vaihawmna leh galkaapte vaihawmna) a kikhosa ahihna ah i khanglui tangthu leh khanggui pen kibang mahleh tu ciangin leitung pilna-siamna zonna leh khosakzia ah kilamdanna tam mahmah hi. Vaigam Zomite hihtheih leh sepsiamte Kawlgam Zomite a dinga haksa pi hithei a, tua mah bangin Kawlgam Zomite adinga a baihlam mahmah thil khenkhat Vaigam Zomite a dinga haksa pi zong hithei hi. I tempaina lam leh i tenna gam toh kituaka i septheihte kitheituah a, i haatlouhna lamte ah kihuhtuah dinga Zomi tuailaite i kisak thak uh hun mahmah ta hi. Gam khat vaihawmna nuaia Zomite omkhawm vek ding cih pen a baihlampen hong hi khollou ding ahihna ah, political re-unification kia cih pah sangin emotional re-unification i bawl phot uh poimoh ka sa; tua Mangkam sinsakna hun bang hiai kizopna dinga kalbi manpha hong suah ngei leng ka lamen hi.

Khangthak Zomi tuailaite'n i gam omna uh dinmun paulap in kithazoisak nawnkei ni, Kawlgam leh Vaigam a om Zomite lungtang a kizopna hoihtak toh kalsuan thei hita hang, i pilna-siamnate uh kihawmtuah kawma kalsuankhawm dingin hanciam thak ni. Zomite hihhaatpa Khrist tungtawnin hihtheihlouh neilou ihi (Filipite 4:13), Amah ah i muanna nga peuhle, cih phawk kawmin kisathak ni. Hon daaltu bangmah omlou, i lungsim ngaihtuahna lel ahi ahon daal thei cih thei ni. 

By: Nang Muan Sang Lethil, General Secretary of Siamsin Pawlpi, Lamka

Source: Phualva Times

Posted: Tongsan Media Group

 

AIDS Tawh Kibang MIDS Natna Thak

PDFPrintE-mail

Last Updated on Monday, 27 April 2015 23:57 Written by Tongsan Admin Monday, 27 April 2015 18:53

19913 10151692798725831 478610607 n

Tulai khuahun thak sungah natna MIDS kici natna lamdang khat hong omin, a nei kitam mahmah hi. Sumzon paizonna le gamvai vailianpi nasemte sungah tam phadiak hi. Tua natna pen MIDS ( Microchip Immune Defeciency Syndrome) kici hi. Microchip zui zolo si le sa tha kiam natna cih ding dan khat ahi hi.Microchip tungtawna thupiang le khantohnate zui zolo ahih manin lungmang lungkia thanem natna nam ahi hi.

Hih natna amu khia pa pen New York Time journalist khat ahi Thomas L Friedman ahi hi. MIDS natna tawh kisai in a ma gen na ah “ A bawk, a pawm, a sakbekbak, a ngot .., company te le gamvai panmun nei te ( politic ) in hih natna ngah nuam phadiak hi ci hi. Company khat peuhpeuh akl gamkhat peuhpeuh in ama van le nate a behlap zawh nawn loh ciangin, gammite le nasemte’ nisim nuntakna a lapsang zawh nawn loh ciangin, pilna thak tuamtuamte a zuih zawh nawn loh ciangin ahi zongin, amanlang mahmah leitung kikhelnate a zuih zawh nawn loh ciang ahi zongin hih natna ong piang thei hi. Hih natna a ngah ciangin khantohna kici khempeuh bing pah a,kum sawtpi zawngkhal lawh thei hi.” ci in gen hi.
MIDS natna pen kipawlna lianpipi te sangin mimal thu ngaihsutzia tungtawnin kilang zaw hi ci hi. Hih natna namte pen Idea Sclerosis zong kici hi. Thu ngaihsutzia khel nuamlo, kigenpih theilo cih dan nam ahi hi. Ei kamin bel “ Ngawng-khauh natna” cih ding ahi hi. Bang hang hiam cihleh hih natna aveite pen Ngawngkhauh te tawh kibang hi. Ngawngkhauh veite pen a ngawng khauh cip a, vei le tak, a tung a nuai a lu hei theilo hi. Idea Ngawngkhauh I vei zenzen leh I lutang kihei thei nawnlo dinga, I thumuh dan zong langkai pah ding hi. Nam khat bekin pai thei ding hi.

Ngawng khauhte om zia:

(1) Tang taka pai thungaihsuhzia ( Linear thinking ):

1 khit ciang 2 . 2 khit ciang 3 cih bangin a kizom diitdeet a thungaihsutzia ahi hi. Theihsa le apiangkhinsa thute siksan a thungaihsutzia ahi hi. “ Zani in hih dan thu piang a, tu ni in zong piang leuleu hi. Zingciang zong hih dan mah piang tektek ding hi.” ci in lenkip pah hi. Hih thungaihsutzia pen hun khat lai in a kizat theih hangin tu hun ciangin lem nawn hetlo hi. Gtn: Mi 200,000 val a sihna Tsuhnami huihpi a nun ding pen thunei lamte in ni nih ma in thei khol sak hi. Ahi zongin mipite in kium lo hi. A hang tampi lakah thuthei papi nupi tampite in “ ka suah ka khan in tua bang piang ngei kei” ci lel uh ci hi.

Tu hun ciangin “ Tang taka pai thungaihsutzia ( Linear thinking ) sangin “ Tang taka pailo thungaihsutzia ( non linear thinking) lam ki hoi zaw ta a “ Akitat akizom mello khuahun” ( Age of discontinuity ) ci in min kivawh hi. Tu hun ciangin muh-ngei, theih-ngei ( experience ) le a piang ngeisa thute sangin pilna kibulphuh zaw ta hi. Tua ahih manin a kizom ditdet Tang taka pai thungaihsutzia mah nuamzaw na sak zenzen leh Ngawngkhuah natna a nei na hih lam kithei pah in.

(2) Vot maw sa,Vom maw kang ( either –or logic):

Mi pawl khatte leuleu in na khat peuhpeuh nam 2 ta bek om sak hi. Hoih le hoihlo. Vom le kang. Vot le sa…, cih bangin khen linlian uh hi. Ataktak in cileng avom le a kang kikal ah color tampi om thei veve hi. Khuamial le khua vak kikal ah sanggam melmak hun cih bangin khuahun tampi om lai hi. Avot le a sa kikal ah a lum pian, a lum phalo,…, cih bangin dinmun tampi om thei hi. Gtn: Tu laitaka leitungin a kibuai pih mahmah IS ( Muslim ngongtat pawl ) te in hih thupomzia a bulphuh mah ahi hi. Amau tawh a kizom teng amau pawl hi saka amau tawh a kizom lo khempeuh gal in ngaihsun uh hi. That mang dingin ngaihsun lel uh hi. Ka pawl na hih kei leh ka gal hi teh a ci lian hi zen hi.

Ahi zongin mihingte thungaihsutzia limlimin a laihawl thungaihsutzia le thupomzia pen kipakta lua khollo citciat hi. 1 ahih keileh 2. A vom keileh kang. A vot keileh sa. Ka lawm na hih keileh ka lang. ka pawl na hih keileh ka gal cih bang ngaihsutna ahi hi. Hih bangin na khat peuhpeuh na khentat lianlian leh Ngawngkhauh natna a nei na hih lam kithei in.

(3 )Nunlui sial natna ( nostalgia ):

Mihingte in hun thupi 3 kinei tek hi. Abeisa, tu laitak le Mailam hun ding cih a hi hi. Mi khat peuhpeuh in mailam hun ding thudon man lo liangin abei sa thute sungah akidiah luatleh tua pen Nunlui sial natna nei kici hi. Hih natna nei mite in na khat peuhpeuh lem a sak om mello hi. Lungtom thei hamtang hi. Thu khat peuhpeuh a om ciangin “ Ko hun lai in tua bang om kei. Kei hun lai in ken tua bangin gamta ing. Ni dangin tua bang thu za ngei khang…,” ci in apiangsa thute gen kikkik nuam se hi. Hunlui le nunlui hunte mah anuam hi mawk ei ci in thumthum hi. Thuhaksa khatpeuh a sin khak ciangin mainawk ding sangin nungkin ding ut zaw hi. Hih dan thungaihsutzia na neih zenzen leh ngawngkhauh natna a nei na hi gige hi.

(4) A kikhak cip thungaihsutzia ( closed minded thinking ):

Thu khempeuh thei a kisa mahmah apil laklawh lai tan laklawh ( half educated ) te hi phadiak hi. Thuman thutak le pilna khempeuh ama khuak sungah om khin ahih manin bangmah theih beh ding kisam sa nawnlo hi. Athak khat peuhpeuh akigen ciangin bangmah sang theilo hi. Amuh ngeihloh ahih nakleh hoih sa loin lem sa lo pong hi. Alungsim kongkhak khak cip hi. Thungaihsutzia khat peuh a kigen ciangin ama ngaihsutzia tawh tehkak a, ama a tawh a kituah leh “ kimang thei tei leh kilawm sam e” ci a, ama deihna tawh a kituah keizenzen leh “ hai na mahmah om kei” ci in nehpiksan lel hi. Hih bangin nang le nang thei pen siam pen kisa in a kigen khempeuh hoih na sak a om kei zenzenleh Ngawngkhauh a nei na hi zaw kha ding hi.

(5) Pello piang ding hi.( For certain approach ):

“ Gualzawhna I ngah pelmawh ding hi.” ci in khat le khat tha kipiakna le hanciamnate tampi i za ngei tek ding hi. Ataktak ciangin “Pello ding” akici thutampite lakah a kipelh veve tampi mah om hi. “ Hi teitei ding hi. Piang taktak ding hi. Pello ding hi.” cih kammal te pen I deihluat man, I ut luat man leh I kitawsawn nop man a kizang ahi hi. “Pello in” cih kammal I zat ciangin a kigen khol theilo thu tampite a kitheihmawh bawl I ta hi hi. Adiak in bangmah a kigen khol theilo hun ( uncertainty ) le a genhak mahmah ( fragilaity) khuahun ahi I T ( information& technology ) hunpi sungah “ pelhloh in ong tangtung ding hi ei” cih dan thupomzia pen khuahun tawh a ton khalo thungaihsutzia ahi hi. Hih bangin “ pello in” cih thungaihsutzia tawh a kalsuan na hih zezen leh ngawngkhauh a nei na hi kha thei ding hi.

Kibawlzia ding:

Naupangte ngawngkhauh a vei leh zato kipaipih lian hi. Pailoh phamawh hi. Khangluite in Ngauhkhauh na vei leh na lukham nisa ah pho in la ciang tawh vat in cih dan khat om sak hi. Idea ngawngkhauh pen bang cih leng hoih mawk ding.

Thomas L Friedman in Idea Ngawngkhauh kibawlzia ding nam khat na gen hi. Ama gen dan hileh midangte in ong bawl theilo dinga ei le ei a kibawl tawm ding I hi hi. Ei le ei hanciam a kisin ding ahi hi. Tua in “ Ei le ei kisit telna” ( introspection ) ci hi. Ei le ei kiet kikna pen amawkmawk bang hi loin hangsan tak le thuman takin et kul a, ei le ei kingek bawl kidop bawl hetloh ding thupi hi ci hi. Hih kibawlzia ading ngaihsutna khat ong pia beh lai a, tua in amau gam sunga A.A ( Alcoholics anonymous ) kici zu kideknuamte kipawlna dan tampi neih ding ahi hi.

Banghang hiam cih leh A.A pen zu kideknuamte kikholh theihna dinga kibawl kipawlna ahi hi. Amau le amau kikhawl in lungsim tuam neilo uh a, lungsim khempeuh tawh kizom in zu kidek ding hanciam khawm uh hi. Lawhciang mahmah ci hi. Tua kipawlna ah mi thak khat peuhpeuh a lut sim in mipite mai pan “ Kei ka min Paupu hi. Zu nene khat ka hi hi…. ,” cih bangin amah le amah kipulak hi.
Idea Ngawngkhuah natna pan damna a ngah kik nuam te in zong atunga bangin ama hihna bangbang, amah mah in hangsan takin kimu in kipulak ding thupi ding hi. ( 27April 2015 )

( Note: U Kyaw Win’ gelh Trialectics Laibu, Laimai 93 thului pen akhiatna kibang le asim nop thei dingin a kilet hi.)

 

 

By: Pa Lian Tuang , Kawlpi (Tongsan Tanupi lui)

 

A Hoih Zaw Ngaihsutna

PDFPrintE-mail

Written by Tongsan Admin Friday, 24 April 2015 22:31

10697381 4699586503132 18338557028296367 oKhatvei vasa kizuakna sai khat-ah vasa nam tampi bawm tuamtuam ah kikhum-in kizuak zihziah hi. Tua a kizuak vasate`n bawm sungpan suahtak theihtheih nading hanciam tek uhhi. Vasa pawlkhatte`n ka suahtak mateng ci-in a bawm pumphut uhhi. Ahi zongin siktawh khauhtak-in kibawl bawm a hih man-in liam gawpin si zaw uhhi. Vasa pawl khat leuleu lah, `sih ding veve a nuam thei penpen in omning` cih ngaihsutna tawh a pute` an piak zahzah khamtak-in nephial lel-in thau iueu, dawng thihthiah mahmah pah uh a, ithuai pahmawk a hih man-un mite`n lei masa lianlian uhhi. A kilei hangin buk dangkhat ah sih dong kikhum mah ongsuak lelhi.

Tua lakah kikhum vasa no khat inzong phatakin ngaihsut mahmah hi. Hih bawm thatang phut leng adangte dan mahin gim-le-tawl tawh kasih lawh dinghi. Ki lungnuam sak-in an kipia teng nek eueu lel ding lah thu kasa keihi, cih ngaihsut-in tua a kipan an bangbang kipia taleh ne nawn vetlo, a vasa bawm lah phu langlang se lohi. Ong om hithiat, dai khinkhian ahih manin a sawt pianteh a pu lungnuam nawnlo-in, hih vasa a cina hiam?, a liam hiam?, natna gil neihiam?, cih theinopna tawh a buk pan dawm takin lakhia khiankhian hi. Bawm pan a lakkhiat laitak-in tua vasa-in a tha neihkhempeuh tawh kitom khia vatin lenkhiat san ziauhi. Suakta kik hi.

Hih vasa pen tuhun kampau in lo lehang critical thinking a nei mahmah vasa a hihi. Pilna tawh a tha neihte sit khinkhian sehi. Tu hun gam makai, minam makai ah hih dan ngaihsun siam miciim tam pipi ih kisam hi. Critical thinking cih kammal mikim-in letkul lo-in ih theihsa hi. Deihna bul zaw-in en lehang thinking outside of the box cihna hi-in, a ki ciangtan, a kikhak, huang, ngeina lui, zia-le-tong, dante pailet, khengkhia-in ngaihsut theihna, cihna ahihi. Kuama phawkkhak loh, ngaihsut khakloh, muh kholhloh lampi hoih, geelna hoih a nei giahgiah theite pawl cihna a hihi. Midangte ngaihsutna tawh kibanglo den ding cih ciang hilo-in a dangte phawkkhak loh ngaihsutna dangte sang hoihzaw neihna cihna ahihi.

Myanmar gamsung ka zin khak sunsunna munte-ah mi tampi tak-in critical thinking cihtawh kisai hita leh, ngaihsut theihna, thugil theihcianna tawh kisai-in, tuhun khangnote hawmthawh mahmah uh a, pawlkhat in lah mipi bup ngiatin thu theilo ki hailua hi, cih bangin kiphun ziahziah hi. Tua bang kazak teh ka lungsim sungah tua thu taktak meel theilo, a hi milmel na cih uhte midang hilo-in nang-le-kei ih hipah lelhi, ka cisim gige denhi. Kei mahmah a kipan ih gamah critical thinking zangin thugenna, thu khensatna lamah kinang mahmah hi. Gambup sang pilna (education system) ki mawhsak mun pen a, ahi zongin tua zah khatmah-in ei ngiat zong khuak zang nuamlo, laisim zolo, laisim hatlo ih hih hang na hilel hi.

Tukum, 2015 kum, pen Myanmar gam suahtakna ngah nading a a makai General Aung San suahzawh kum 100 cinkum hi-in ama thu kilim gen mahmah hi. Tua hun laitak General Aung San ka zahtak mahmah san thu khat-in a ma neih critical thinking a hihi. Kum 30 khawngbek pha pan khangmoi khat hilel, Political Science cih khawng a kah kha man tadih lah hilo na pin ki-ukna tawh kisai ama pom thugilte (political philosophy) te na khauhpai mahmah khin mawkhi. Ahang kanle hang thudang hi masa lo-in laisim na hat tuak mahmah a, anne manlo liangin lai nasimsim hi.

Tua hih man-in critical thinking cih na neipahhi. Thugil napom, thuthuk na mu, thuman khauhtak-in na dinpih a khangmoi mahmah tase leh mipi bup na makaih zohi. General Aung San danin a zahtak huai mahmah Philippines te gam makai Jose Rizal zong gam suahtakna ngah nading mapanna tawh kum 35 a phakteh ki thatlum khat a hihi. Tu dongmah ama thu Philipines gambup hita leh gam tuamtuam ah ama makaih ziate kisin, kikan mahmah hi. Jose Rizal zong laisim a uk mahmah, laipil, laisiam, laigelh siam khat na hi-in kum tawm lai mah tase leh a mipih te makaih zo khat suak hi.

India te makai Mahatma Gandhi-in a sih madeuh a gen thute lakah, leitung ah mi a nawngkai sak, siatna piangsak thu 7 cih na gen a, tuate lakah `Dinpih thugil neilo politic` (Politic without Principle) cihzong thukhat-in na helhi. Politic bek ah hilo-in milipte` nisim nuntakna-ah dinpih thugil, ngaihsut ciantheihna khuak, ngaihsut hoih neihtheihna khuak kisam a, tuate neih theih nading-in a thu lam mahmah ih zawh masak ding kul limlim phot hi.

By: Pau Sian Lian (Tongsan Columnist, Japan)

 
Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 1 of 220

TONGSAN Video

TONGSAN Photo Gallery

TONGSAN Weekly Journal

Who's Online

We have 148 guests online
Joomla Templates and Joomla Extensions by ZooTemplate.com