zomi aw lung lau ken!

ARTICLES
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Articles

Zolai / Zopau Kei Ngaihsutna

PDFPrintE-mail

Last Updated on Tuesday, 10 March 2015 23:20 Written by Tongsan Admin Wednesday, 04 March 2015 10:58

2015-03-09 08.44.56-1Leitunga nam leh gam khangto i cihte khempeuh amau neihsa le lamsa bek tawh khangto hilo in, gamtuam leh minam tuamtuamte' neihsate amau' neihsa bangin azang siamte ahi hi. A diakdiak in Pau le lai lamah pau bukim anei kitam peuhmah lo hi. Mangkangte'n zong Europe gam sunga paute guk sakin aphuahtawm vive tawh a gelh/ zangh uh hi. Minam khangto masate' kampau ei a banga i laklut siam leh ei zong pau lamah i khangto pah ding hi. Mivom (Kala) ten zong Urdu le Sanskrit te' pau tampi laksak uh a, lai leh pau ah bucingh mahmah uh hi. Hindi pau zangte’n Hindi pau bang danin a zat uh QURBAN (sacrifice) i cih zong Urdu pau pan alak uh ahi hi.

Ei Zotate lakah zong unau Luseite in akim leh pam a om minam tuamtuamte pau leh ngeina banah tangthute a laksak/ guksak minam hi kha ding uh hi. I Zomi tangthu ahi Cing Khup leh Ngambawm, Thangho leh Liando tangthu i cihte zong amau a suaksak ta uh hi. Guwahati AIR panin a kipatna dingin Liando te unau cih daktal tawh tum zel uh a, a za mi khempeuh in Luseite' neihsa tangthu mah kisa lel hi. Tua banga mite a kalsuan laitak Zomite pen mi aa valak peuhmah a za nuam lote i hih man tuni ciang dong i khantoh ding bangin kikhangto zolo pah hi. Thu dang tuamtuamte ah manawtna a om sam hangin, lai lam etphat/ puahphat huai pawl khat enkhawm nuam hi hang:

Tuni ciang dong ei Zomi Tedim kampau zangte in laibul (alphabet) i neih nai loh pen i kim le pam a om i Zosuan pihte' neihsa laimal bang danin i ngaihsut khakna / zawhgawpna (influence) bang dan a i ngaihsut man hi kha ding hi. Tua bang ahih laitak i kim le pamte' lai i lak le zong lakdan i siam ding thupi hi. I theihsa mah bangin PLS te laibu bawl masa Tiannem cih bangte a kibawl lai-in ‘o’ zat dan pen Tedim lai tawh kibang hi. A sawt loin unau Kuki/Thado te a la in ‘o’ pen a sim dan ‘ou’ tawh hong gelh khawm ciangin Tedim lai / pau tawh kituak nawn loin mi tampite’n sim thadah lawh liang uh hi. A taktak in Zolai diktak a zang ki omlo a, Roman Script mah tawh ei kam i gelh kisam ahih manin ei ‘aw’ suah bangin i laibul (alphabet)te zong puah leng a ci nuam ka hihi.

I Zolaibul te in a,b,c,d,e,f,g,h,i,k,l,m,n,o,p,s,t,u,v,w,z kizangh hi a, tuate Mangkangte lai ‘abc’...etc ci-in i sim a, mal khat zong i awsuah i laigelh tawh kituakkha peuhmah lo hi. “A”(e) i cih hang i gelh ciangin, “A”(An,Ak ..etc mah i ci hi. C (si) i gelh ciangin ‘ci,’ ‘cih’ in i gingsak leuleu hi. Kilehbulh lian ahih man i Zosuanpihte' awsuah in hong zogawp (influence) hi i cih le zong en a tuamin bawl pah leng hoih ding hi. A diakin i pau tawh kizomlo lah i gelh mun mahmah khat ahi ”G” pen Ji ahih kei leh Eg i ci a, aw man taktak suak thei peuhmah lo hi. Gi/Go cih bang danin alphabet ah bawl leng a nunga vowel kikoihte in tua laimal awsuah /awgin mangsak suak ahih manin, ama gin banglian in asuah /agin theihna dingin laimal (g,n,h,l,m) tengin amau awsuah man tak tawh kilam lo hi. Lalmal dangte ‘awsuah’ i ginsak kisam masa hi. Adangte (a ,b,d,e,k,p) te amau hihna mah tawh kilam a, laimal danga nungah kibelh selo hi. ak,bawng,dak,eng,khai,pai’ etc cih bang danin ama awsuah tawh kigelh thei a, i laimal gawm (spelling) hangin laimal dang ‘aw’ i suah / ginsak kul masa selo hi.

A dangte bel a patna dingin laimal dang aw i ginsak masak kisam sese hi. Gentehna.. ‘g’ bang (eg or ji ‘) i ci a, ahi zongin ‘e & j’ ging masa mawk hi. Hindi lai ah (k, ‘kh’ ‘g’ ‘gh’)etc ci-in gelh uh a, a sim ciang un (Ko, Khaw, Gaw, Ghaw) etc ci-in sim uh hi. Amai lam a vowel om bang bangin a laimal awsuah nusia loin gingsak uh hi. Tua mah bangin i Zolai zong Roman Script pen Mikangte a lase loin ei awsuah tawh bawl leng Zosuante lak pan eimau awsuah tawh laibul (Alphabet) anei masa pen hilo ding i hiam cih peuh kei mimal ngaihsutna hong pulakkhia ka hi hi. Nang bangci ngaihsut ?

Pu Kham Do Pau ( Aizawl, Mizoram)

 

Zogam Khuapi Suahsakna

PDFPrintE-mail

Last Updated on Wednesday, 04 March 2015 02:15 Written by Tongsan Admin Wednesday, 04 March 2015 00:45

10697381 4699586503132 18338557028296367 oAphazah kician taktak lian ka theihloh hang ih Zogam Tedim khua ki-ukna sungah khuanoteng kigawm siangleh 80 val pha-in Tongzang a hih leh 30 val dingin ka tuathi. Tua sang tamzaw tham dinghi. Cikha lam bel tuatthei ngiat keng. Tua khuate lakah ka neu lai-a kipan nungkum ciangdong dong kazin teng gawmleng 18 ciangbang phakhinta hi. Ka zin kawikawi na lak-ah lamdang sa-in ka dot kiaukiau det khat-in banghang peuhmah in khua omnate tawng mahmah, gamla, mualkawm, ken kawm suanglak ah kiteenghiam? Khua tam, mi tawm, sum omlo cih hi mawkhi. Leitang hoih ci-in ong genuh khua om lualo hi.

Tua ahih leh bang hangin hih zahta-in kithehthang ziazua ihhiam cih ka dotleh, khanglui ih pu-le-pate kilem lo, kitawng, kinuak, ki do, gal lau, galtai, cihna hi pipen hi. Hih ki lemlohna thu gen ta dih dingbel hikei-in, Zogam khantoh nading lam tampi tak sungpan ka ngaihsutteh hih ki thehthang ziazua khua neuneute limtak geelsiam-in gawmkhawm theileng cih hi mai hi. Tua hih zole hang phatuamna, hamphatna tampitak ong om kha dingin ka lamen hi.

1.Khuanoteng khawmthei-in, milip limlim ong tam semsem leh sumbawlna phual (market) ong zai zaw dinghi. Sumzuak sumleina(trade) ong khauhpai semsem dinghi. Inn 40 a pha khua 4 kigawm leh inn 150 val ong pha ek dingin, huan pan piang mehteh mehgah ciang nangawn a kipan kizuak kileina ong khang semsem dinghi. Sumbuk zong ong tam thei dinghi. Tua lo sumbawl theih nading lampi tampi om lai-in teh.

2.Kumpi lampan, ki-ukna tawh kisai hamphatna kingah beh dinghi. Khua neuneu(village) teng gawmkhawng thei lehang khuapi-meng(sub-town) khat ongsuak-in, khuano neu khat’ ngahtheih hamphatna pan khuapi-neu khat ngahtheih hamphatnate kingah beh dinghi. Gentehna-in, milip ong tam limlim leh lampi, lei, pilsin sang, zato, siavuan siamah cih bangin mipi phazah tawh kituat, khua dinmun ciangtan na tawh kituak a kipia hamphatnate ong nawh zaw deuh dinghi.

3.Gam tuamtuam pan huhna ong lutdan lemin, honlut, honzat theih ong om zaw dinghi. NGO zum te mahmah zong khua dinmun tawh kizui-in a ki tusak hi-in ih khua-ah mipi ong tam-in khuano pan khuapi-meng, khuapi meng pan khuapi suakto mawk lehang amau zong tua tawh kituak zum le huhnate ong piathei pah ding uhhi. Gamdang tungsa ih mipihte mahmah in zong khua-le-tui khantohna ding ong panpih nate-uh kigawm khawm theileh vai lianpipi, na lianpipi kizo khia dingin ka lamen hi.

A dang hamphatna tampi om lai dingin ka um hi. Hihteng pen ommuan in ka lungngaih khak teng hi. Khuano (village)teng pan khuapi-neu(sub-town) suaksak in, tua khuapi neu ong tam sesem leh,pawlkhatte khuapi taktak(town) ong suak dinghi. Tua khuapi teng gawm khawm thei lehang ki-ukna phualpi (district office), tua pan state cih nangawn ki zomto thei zawdeuh dinghi. Ngaihsut dingkhat-ah, thunei’ khatpeuh pianna khua thupit bawltuan cih omlo-in, a leitang hoihna zuidan, lampi sial lemzia cihdan tehna (criteria) hoih neihmasak huaihi. Tua lo in thuzawh na peuh tawh hih ding hoihlo hi. Mipi makai, biakna maikaite le thunei zawdeuhte hih khuapi suahsakna nasep (process) limtak tel sitset masak huaihi. Khuapi suahsakna' hamphatnate amau ih telsiang sak (convince) sak zawhkeh ong lem lo dinghi.

Hih khuate a gawmkhawm hile hang pu-lepate phuhsa khua, neihsa leitang, ka lam kiatna ci-in nusiat ding haksa kisa mahmah dinghi. Pau-le-awkaih vai, beh-le-phung vai-in zong a teengkhawm theilo phial tampi om dinghi. Tua mun ah, ih veksik-in ih kibatna ahi Zeisu Khazih sungah innkuan khathihna le Zomi ah pumkhat hihna cih dinmun kibatnate mah siksan in hanciam huai hi.

Tua bangmah-in hih pen a thu-in gen a baih hang sepna taktak lam-ah baihngial lo dinghi. Kumpi lamtemahmah zong hih urbanization lam kiva tawm-in ka um lelhi. Tua hih man-in kha 1 sung in kikhin hamtang ding cihdan, sun khatthu zan khat thu-in hih biangbuang lopthop hih theih hilo-in hih khuapi lamzia a sin taktak, a siamte tawh kum 3,5,7 planning kigin masak huaihi. A kinusia khua a om leitang zatdan vai zong buaipi khat ong om dinghi. Kumpi-in mihau, sum nei khatpeuh zuakziau cih bang, thautawi kipawlna khatpeuh buk tomsak cihbang, mipite’ upna tawh kituak lo biakna dangte’ sang le innmun ding peuh in a zatsim loh ding ong thupi mahmah dinghi.

By: Pau Sian Lian ( Tongsan Columnist-Japan)

 

Zozum (Zomi White House) Yangon

PDFPrintE-mail

Last Updated on Friday, 27 February 2015 05:26 Written by Tongsan Admin Wednesday, 25 February 2015 22:05

2013-03-02 10.38.54-1Ka nasepna inn sung hong lut khempeuh phial in bizu pangh a ka lim suan mu uh hi. Pawl khat in ‘bang ahiam’ hong ci in pawlkhat te leuleu in ‘thupi kei lua ei’ hong cihsan uh hi. Tua ka limsuan pen Yangon a Zozum akicihna mun a hihi. Bang ahiam hong cite kiangah “Hih pen Yangon khuasunga ih Zomite zumpi Zozum a hihi. Hih mun panin Zomite minam leh gamvai ah khuaphawk ih kipatcilna ahihi” ka cih ciangin lamdangsa uh hi. Amau upmawhna ah Zozum cia a minthang vangvang khat pen hibang dingin lamen het lo ding uh ahihman in lamdang a sak uh pen mawhsak huai lo hi. Ahizongin amun leh amual a thupi masa hi lo zaw in, tua Zozum a kicihna munah kuateng tu a bang thu teng kikum uh, bang teng kisem khia, bangzah ciangin Zomite lungsim sungah mun ngah cihte a thupi hizaw hi.

Mi tampi takin Zozum ih cihpen a zum dangte bangin a nasia mahmah dingin ngaihsun uh hi. Zozum sunga nasemte pen Coat leh Necktie tawh Aircon omna sungah Laptop leh van zat hoihnono te tawh a buai den dingin ngaihsutna kinei kha ciat hi. Zum sung lutna kongkhak naleng zong Automatic Door hi phial dingin ih um mawh hi. Kei zong tuabang ding mah ka sak manin Pu Cin Sian Thang Malaysia ah hong pai tungin “Pu Thang aw Yangon a Zozum a kicici pen a takpi mah ahiam, a nasia hiam?” cia ka dot leh “Om bel om mah e. A nasia lua bel hikei. Kalate niangtuisai a singkung nuai khat hi lel. En Zozum cia ih minthansak keei sam hangin Saineipa in ama sai sungah Zozum a om lam zong thei kha ken teh” hong cihsan hi. Tua laitakin a geiah Lengtong Kamkhen na zol nuih piaupuou hi. bang bang ahizongin Zozum nei ih hihman in angtan huaiin hampha kisa ingh.

Hih Zozum ah zumkah pen mi  kitatsat ngei lo ci hi. Zingsang sai kihon a kipan akikhak dongin mi dim den hi. Namdangte in mun ngah lo bek hi lo in, tua Zozum sungah paudang kizangh ngiat lo hi. Lengtong Kamkhen in a genna ah“Zozum pen leitung level a nasepna hi. UN tawh a kizakim ahihi” acih pen ahi lua ding mah ahihi. Gamdang pai ding Passport bawl Zomi peuhmah in tua ih Zozum na pha hamtang uh hi. Tua bek hi lo, Zomi sungah minam avei, Politics lam asem, Zogam aa ding deihsakna anei teng kituahkhopna mun zong hi in, Pasian thu sungah a thahat tampi tak zong Zozum a pha lo kitawm mahmah ding hi. A tomin cilehang Zomi sungah a teitang leh a pilvaang khempeuh  atamzaw in Zozum na pha ciatciat uh hi. Tua ahihman in UNO leh Leitung bup in ih Zozum hong theihpih sese loh hangin ei Zomite aa dingin vai tampi a kihawmna ih Zozum pen Zomi Parliament House hong suak hi.

Zomite Politics (Gam leh minam vai) lamah ih mit khua hong vaak kipatna mun pen ih Zozum hi cilehang 80% maan ding hi. Bang hang hiam cileh hih Zozum ah a tu phadiak teng pen mi maimai om lo uh hi. Pu Gin Kam Lian, Lengtong Pauno, Khup Mung, Lengtong Kamkhen, T.S. Khai(Zogam lapu), Zogam Lalpu, Khen Za Sian (adang tampi omlai) te zumkah denna Zozum pen mite aa dingin niangtuisai singnuai khat a hih lel hangin ei Zomite aa dingin mundang tawh teh theih loh mun thupi Zomi White House zong ahihi. Zozum ih cih hangin a mun thupi kei lua ci kha ken Pasian tapa Zeisu hong suahna zong bawng ankuang sung hi lel hi. A bawng ankuang sung a thupi hi lo in, a sunga hong suak Zeisu a thupi hizaw hi. Tuamah bangin Zozum ih cih zong amun a thupit loh hangin Zozum sunga tu Cabinet Ministers teng a thupi uh ahihi. Budha in Budhism biakna hong pat khiat theihna dingin Bodhi singkung nuaiah pianthakna a ngah masak mah bangin ei Zomite’n zong hizah ciang Zomi tawh ma ih pankhopnate ah ih lawhcin theihna pen Singkung nuai Zozum pan hong kipan hi kici thei hi.

Kei lian in Zozum ka sikkhak nai loh hangin a thupisa ka hihman in ka nasepna inn sunga bizu pangh ah ong hawh peuh muh theih dingin Zozum lim a suang ka hihi. Ih Zozum pen Zomite a zawng a hau, a pil a siam, nautang leh ulian a neu pen pan a lian pen dong in minam leh gam thu a kipan thu tuamtuam ih kikupna mun ahihman in Zomite lungsim sungah cikmah hunin mang ngei nawn lo ding hi.

Zo Sunni pa'n,

Francis Lamthang (Zomi Quavadis)

 

 
Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 7 of 220

TONGSAN Video

TONGSAN Photo Gallery

TONGSAN Weekly Journal

Who's Online

We have 176 guests online
Joomla Templates and Joomla Extensions by ZooTemplate.com