zomi aw lung lau ken!

ARTICLES
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Articles

Zomi Nam Ni Maban (Post Zomi Nam Ni)

PDFPrintE-mail

Last Updated on Monday, 23 February 2015 23:04 Written by Tongsan Admin Monday, 23 February 2015 22:45

kpA (67) cinna Zomi Nam Ni (Zomi National Day)-2015 pen Kawlgam, Zogam, India gam le leitung gam tuamtuam a om Zomite' teenna mun khempeuh ah nuamtak le thupitak zangh thei ciat dingin i kilamen i hih manin hong gualzosak Zomite' Pasian min i phat khawm hi. Tukum pen kum dangte' sangin kilawpzaw le athupi theithei in kibawl ciat cih zong kiza ahih manin, minam itna lamah khantohna le picinna khat hi dingin i lamen hi. Ahi zongin Zomi Nam Ni bawlzia tawh kisai-in, teenna mun le gam, nasep silbawl manlahna tuamtuam hangin a ni  le hunte kituakkim theilo ahih hangin a tamzaw in February 20 ni mahin kibawl thei cih Media tungtawn in kizasawn hi. Tua mah bangin Min zatzia zong ngaihsutzia, pomzia, teenna mun le mual, kampau zui-in; Zomi Nam Ni (Zomi National Day), Zo/Zou Minam Ni, Zomi Nampi Ni, Nampi Ni, Chin National Day, Chin Phunpi Ni, Chin Minam Ni etc...laimal zatzia kilamdang hi. A tawpna ah bangbang akici phial zongin a piankhiatzia le a deihna bulpi gennate ah kibat ding thupi hi. 

Tua bang bilbial kawmlak pan a etteh huai le a picing i ci zaw diam..Manipur State a om i sanggamte ahi; Zomi (Paite) -Thahdo (Kuki)-Mizo (Lushai)-Vaiphei- Gangte, Hmar- Kom- Ralte-Simte-Zo/Zou cihte kipawl khawmin Zomi Nam Ni cih min mah zanghin thupitak bawl thei bek tham loin, Zosuante' namhiang kipawlna tuamtuam pan makaipite khempeuh zong kihel thei uh cih kiza ahih manin, hih pen Zomite' minam kipumkhatna dinga kaal thak suanna khat hi dingin kiciamteh hi. Tua Zosuan makaipite' sungah adiakdiak in cikmah a tukhawm ngeilo le tukhawm ngei dinga kilamen ngamlo Pu Thang Lian Pau Guite (President of Zomi Re-Unification Organisation-ZRO) le PS Haokip (President of Kuki National Organisation-KNO)te tukhawm hilhial uh a, ZRO/ZRA Cadre-te le KNO nuai a om Armed wing tuamtuam pan Cadre te'n zong a makaipite tuak uh cing/ veeng akimuh ciangin, mipi lungsim ah lungdamna le lungmuanna tawh kidim uh hi. Hih bangin kikalsuan toto le a sawt loin sim le maal Zomi/Zosuante in i thungetna le i ngaklah den ahi Tuibang gawmna (Re-Unification) le mapankhopna hong piang taktak ding cih mipi'n lametna lianpi kinei ta hi.

Hih hunpi sungah Pu Thang Lian Pau (President of ZRO Hqtrs) in thugenna nei a, a thugenna kipat ma-in Burma, India, Europe, USA, Australia, Singapore, Malaysia leh leitung mun tuamtuam a Zomi Nam Ni abawl/ a zanghte khempeuh khutletna le hopihna pulak masa hi. Tua banah Kum 50 val hun beisa akipan Zomite kigawmkhopna dinga vaihawm mualliamsate le adam lai makai tuamtuamte zahtak piakna zong nei hi. Sia Pau in thugenna ah, "Zomi nampi masawnna ding leh khantohna ding pen Zomi mimal khat ciat panin nampi kipumkhatna tungtawn in gualzawlna hong om thei bek ding ahihna gen hi. Manipur State ah Meitei, Naga, Zosuan-Zomite thuk thum (Suangthu) bang a om khawm liliai i hi a, hih teng 3 hangin  Manipur piangkhia thei ahihnate gen hi. Zomi Nam Ni pianzia tomno agenna ah Burma/ Myanmar in Jan 1948 kumin Independence ngah mah leh Zosuante ei le ei thuneihna /kivaipuakna suahtakna omlo hi. Tua bangin ei le ei kimakaih /Suahtakna bucing a kingahna dingin Zosuan mipi 5000 valte in Zogam, Falam khuapi  ah Feb 18-20, 1948 sung Conference nei uh a, tua lai thupulakna nei uh hi. Tua a thusuahna dung zui-in Feb 20, 1948 in mimal , innkuan ciatin Mikang kumpi ukcipna pan ei le ei kimakaihna /suahtakna kinei ta hen cih akipulak zawh tu-in kum 67 veina akizangh thei ahi hi cih gen hi. 

India-Myanmar-Bangladesh gamgi kawmtuah a tengte Zosuan hi uh a  Zosuante pen Chin, Kuki, Lushai, leh adangdang chi mahleng Fort William, Calcutta a Chin-Lushai Conference apan Zosuante ahi uh ci’n pomna om a, tua laiah kitheihsiamlohnate hangin deih bangin kilawhcing zolo ahihna gen hi. Kum 1940 kim akipan Khul Union, Mizo Union, Kuki National Assembly (KNA) leh Chin Liberation Front/CLA, ZoRO kicite hong piangkhia a, tua hun akipan Zosuante lakah nam itna tawh kisai khanlawhna hong kipan khia ahi hi. Tua zomin abeisa 1993 in Zomi Re-unification Organisation (ZRO) kiphutkhia in, tu in UPF nuai ah Autonomous Tribal State (ATS) ngetna kinei laitak ahihna gen hi. UPF in Manipur singtang mite mun khat a gawmkhawmna ding ATS ngen a, kigawmkhawm phot lehang maban hoih ding cih deihna ahi hi. Zosuante lakah pau (dialect) tampi om mah leh khat le khat kitheituah/ pauthei vek i hihman in, kipumkhatna a nasepkhopna ding haksa lo le panlak mahmah hunta ahihna gen hi. A diakdiak in tulaitak a Zosuante sunga pilna, siamna sangpipi anei Khangno tuailaite in minam ading mapanthak mahmah ding kisam ahihna limgen penpen hi.

Tua banah Zinmangpi akisamte' sung pan Naga minam ahi Manipur Chief Minister (Retired), le India gam ading politician minthang khat banah Rajya Sabha MP term 2 kizom asem Rishang Keishing zong kihelthei-in aman a thugenna ah, " Gam ading bek hiloin Khrist sungah Unau i hi hang.. khat le khat kitottot, kilangpanpan hun hi nawn loin, khuamial pan khuavak ah i lutta ding hi " ci-in, Khristian khat ahihna tawh Khrist hanga kipumkhatna ding thu bekbek genpi in nei hi. Tua bek hi loin Zomi Nam Ni maban (Post Zomi Nam Ni) ah i sep masak ding thu tampi omte' sung pan Zosuante khempeuh i kipumkhat theihna dingin kiniamkhiatna kisam masa ahihna nasiatak genkhia hi.

Tua mah bangin thupitak a kibawlna mun khat mah ahi Zogam (Chin State) zongah Chin National Day min pua in thupitak kibawl a, Myanmar President U Thein Sein le Ulian makaite banah India gam Mizoram Chief Minister Pu Lalthanhawla, le Manipur lam pan Ulian pawl khat zong pai cih kiza hi.  Tua bek hi loin, Hakha khuapi a om Zomite' palaite ahi; Minister Pu Cin Lian Pau, Pu Nang Lian Mung, Pu ZoZam te zong kihel uh ci hi. Tua banah gam pua lam Zomite lom omna ahi Malaysia le Tulsa (USA) zongah thupitak kibawl in, Tulsa ah Dr. Pum Khan Pau zinmangpi in kicial a, Malaysia ah Dr. Go Cin Zam (AGS/GZA) thugenpi in kisam hi. Hih munah thugen makaipite in Zomi Nam Ni tawh kizom in, Zomite' maban ding muhna saupi tawh thugenna nasiatak nei ciat uh hi. Zomite akikhual/ kihuai, a kimuang,a thumaan, akithumang, mawh kimaisak le mipil, misiam minam hihnate limgen phadiak uh a, hihte pen Zomi Nam Ni maban ah makaite le khangthakte' mawhpuak hi dingin pulak uh hi.

Thukhupna:

Minam kician khat i hihna pen Zomi Nam Ni i neihna le i bawl/zatna in hong kilanghsak ahi hi. Chin le Zomi min tawh i buai thapaih mah bangin minam ni bawlna zongah amin mah tawh abuai thapai ki om lai hi. Zomite sung nangawn ah Zomi le Zo/Zou tawh kibuai leuleu in, minam ni zatna zongah kipumkhatna om theilo hi. I tangthu sut le hang lah "Tuun sung khat piang Ciimnuai tate" Kawlgam vaigam simle Hmar ah Zomi / Zosuan i hi ci-in, a thu genin, a la in i sakhawm luailuai zel hi. A diakdiak in Kawlgam le India gam (Sim le Hmar) a om Zomite sungah kipumkhatna om masa loin, Kawlgam sunga Chin le Zomi buainate kisuveng zo ngeilo ding hi. Kawlgam Zomite dinmun en leuleu hi leng Kawl kumpite in "ZOMI om mah hi " cih theihpihna ciang hong nei uh a, kipsakna taktak pen Myanmar Census result tungtawn in akipthei takpi mah ding hiam cih dinmun ah om lai hi. A hi zongin ei le ei pen i pu i pate' khang akipan ZOMI akikhin tuni dong mah a dinkippih i hi hi. Tua teng kawm kalah i sanggam Zo/Zou te zong Zomi deihlo in Census tungtang ah Code dang khat mah tawh sihpan leuleu zel uh hi.

Tua ahih manin kumsim in Zomi Nam Ni i bawl zelnate thupisak mahmah i hih le i bawl theihna dingin a sunga om minam/ mihingte Unau khat le nam khat taktak i suah ding thupi zawlai lo ding hiam?  Zomi Nam Ni bawl simin kigawmkhopna ding le kipumkhatna ding bekbek i limgen mahmah a, tua sangin a thupi zaw lai Zomi Nam Ni zawh i maban Kalsuanzia ding i thupit ngaihsut nawn kei zel hi. Zomite kipumkhatna ding mahmah i hanciam kei a, Minam ni bekbek thupitak i bawlbawl leh " Sial-Ek Den Kek" cih Paunak i neih mah bangin, Zomite i maban lungzin huai semsem hilo hiam i ci nuam hi. Zosuan/ Zomite Kaitui bang Kigawm veve dingin Tung Siammang in hong Siam hen ci-in Tongsan Weekly Journal in upna le lametna i nei hi.

By: Sia Khampeek 

 

Zomi Nam Ni-Seminar Lawhcing

PDFPrintE-mail

Written by Tongsan Admin Friday, 20 February 2015 23:42

10987628 793035884118804 268049543333460931 n

67th Zomi Nam Ni (Zomi National Day-2015) pen gamsung gampua Zomite omna khempeuh ah kibawl a, Zomi gambel lompi omna Malaysia gam Kualalumpur khuapi zongah Feb.19-20,2015 ninih sung Seminar le Nam pawipi muakna nasiatak bawl uh cih kiza hi. tuni 20 Feb ni in zomto in Zomi National Day ni in Seminar nasiatak bawl uh hi. Feb.20 ni Zomi Seminar hun (11:00Am- 4:00Pm) sungah Kawlgam pan apai Dr Go Cin Zam (GS-GZA), Singapore pan Dr Hau Za Cin (President-ZIS), Dr Chinkhanlun Guite leh Pu Hang Khan Lian te in thusinna pia uh a, mipite in thangah mahmah cih kiza hi.

Dr. Go Cin Zam Thugenna: (Zomi leh Biakna)

Zomite sungah nasep ding amasa pen in lam kiang lam gei ah atuuk Zomite kiphong ding hi hang. Lam gei ah atuuk Zomi tampi i om manin i gam leh i minam kimangngilh bek tham loin mimal, Innkuante, Pianna, khua le tui Unau laizom sungah i thupha san ding tampi kipelh khin ta hi. Tua ahih manin atuuk apuuk Zomi te kiphawngto ni. Hih bang i cih ciangin Kong lak a zukham an kham a lumte bek a tuuk ahi kei hi. Zomi Siamsin sang kahna ding anei lote zong a kituuk ahi hi. Zogam khialpi tungin anlak ding omlo neek ding a neihlote zong lam kiangah atuuk mah i hi hi.

Khat le khat kikhasiasak/ kilungsiasak kei ni. Tate aw pian nu leh pa khasia sak kei ni. Papite in na zite khasia sak kei ni. Zite in na pasal khasia sak kei ni. Kikhasiatsakna hanga khitui luan ciangin hong bawl Pasian tung pan i ngah ding thupha hong luang theilo hi. Kilungdamsakna in AIDS natna anei mi khat nangawn lungdam/ lungnuam sakin cidam sak zo ahih manin, kilungdamsakna pen Zatui zaha sangin aman phazaw ahi hi. Tua ahih man in kilungdam sakna in a thanem mite le apuuk mite kiphotkikna ahi hi. Zogam sung a om singkungte lamkim lampaam ah tuuk hi . Tua atuuk siingkungte hang in khuahun hoih kingah lo a, i vawh khaicite ading khasiatsakna lianpi ahi hi. Tua manin singkung lopate it in, kemin hahin thupha pia in nungtasak ni.

Zogam ah akikhawi inn sa gamsate thupha pia ni. Zogam ah Sial,Bawng, Lawi,Vok le Ak, Uite kigo/ mundangah kizuak khinin om nawnlo hi. Pasian in i Zogam ah Zomite ading i duh i mal i khamkhop ding tampi hong piaksa hi-in, tu in bei mang khin ta in Zogam gilkial mahmah khin  ta hi hang. Tu in Zogam ah Atui tangkhat bek zong muh hak mahmah hi. Zomi leh Zogam zong gilkhial in lam ngei ah a tuuk ta ahi hi. Ganhing te thupha pia in it ni. Pupa hun azat lokhawhna tu khek sawm ni. JCB bek tawh lokho mikhat in innkuan mitampi ading neih leh lam piangsak zo hi.

Gal le sa tam mat kidemnate, Tualgal kineih hun lai guute hangin Pasian mai ah mawhmai sakna ngen in Maw sut na bawl ni. Tualgal omna munte khangto ngeilo hi. Numei Pasal zulhtatna mun le khuate daupai khangto ngeilo hi. Zomi a it lote galbawl loin itna le veiina a neih theihna dng lam lakin thapia siam ni. Khat le khat i mawhna le i hehna, thangpaihnate kimaisak ni. Leitungbup Zomi sungah DONGHUU kisam hi hang. Hih donghuu i cih ciangin Zogam ah kial tun hun, Huihpi guahpite hangin inn le lo siat hunte le Khua hun hangin natpi /pulpi zavat om hun ciangin akisam zatui zaha gampua gamsung om Zomi haksatna thuak kha lote in athuak khate ahun lapin phongto in kem ding hi hang. 

Sente anliim duh mahmah uh a, amaute' anhuan siamte pen ei Zomite vive i hi ta hi. Hih bang anhuam siamnate i pu i pate' tung pan i sin/ ngah hi peuh mah loin, gampua i tun ciangin i ngah pilna ahi hi. Tua mah bangin Zogam i khua i tui i innkuan sung le ih minam sungah anliim meh liim a huan siamte ihih ding Pasian deihna ahi hi. 

Thee aw taw kik taw kik aw... Zogam sung Gun pang khawng akhuangkhuang thee te Pasian in nuntakna apiak in anung ta thei hi zen bang hiam anek kithei kei hi. Tua te damna zatui bang hi kha zen hen leitung ah nat anei mivom mikang damsak thei zatui bang hi leh Zogam ah thee khat ciang in Dollar tul khat bang in lei nuam ding uh hi. Tua damna Thee pen adeih mikaang te zogam hong pai in thee amuh hang in Thee aw taw kik tawkik aw... ci theilo ahih manin man theilo ding uh hi. Bang hiam cih leh tua mikangte in eipau theilo uh hi mawk hi. 

Eite in ihih leh tua damtheihna Thee pen man nuam hileng Thee aw tawkik tawkik ...i cih nak leh ei lamah hong kik liitliit in i man ziau thei hi. Minam leh gam damna matsiam kisam hi. Hih thee pan Damna zatui ahih lam akitheih teh Kawlte in atuh bawl in Yangon Mandaly ah dollar tul khat man pen zakhat peuh na zuak ding uhhi. Adam nuam taktak ten tua thee atuh(fack)anek khak teh asung pai zawsop ding hi. Tua hun ciangin Zogam mah a om thee pen tam mah ta leh lei nuam in hong pai teitei ding hi. Zuau aphuak ngeilo a zuau ngeilo Zomi te thumanna mu ding uh hi. Thupha ngah cihte pen a zuau ngeilo thumaan mite hi a, Pasian thupha sangte ahi hi. 

By: Dr. Go Cin Zam (AGS/ GZA)

 

Zomi Nam Ni ah Kimu Ni!

PDFPrintE-mail

Written by Tongsan Admin Friday, 20 February 2015 03:22

ZOMI NAM NI zong kum 67 bang hong cing keii ta in, a dang khatin ngaihsunleng I lungsim sungah minam dangte khutsungah I om, minamdangte’ hong ukcip kum 67 hong cingta cih theih ding hong bang leuleu hi. Tulai khangthak pawlkhat te’n Zogam leitang ei a, ahih leh ahih loh tello in Kawlte, vaite khutsung pan a thutang pek ke a, aki pusuah tawmsawm asa zong ki om khatheilai a hih manin ka lungsim sungah hong phawk a beisa thu tampite lak ah thu 7 kong phawksak kik nuam hi.

1.  Pinlong Khawmpi: Bang hangin hih khawmpi hong piang hiam, ki bawlhiam cih leh mangkangte khutsung panin kawlte leh ei mualtung mite ki suakta nuamtek ahih manin hih khawmpi hong piangkhia ahi hi. A khat veina Pinlong khawmpi pen 1946 March kha in Shan Sawbwate makaihna tawh ki bawl in ei Zogam sung aom Chin State panin mithum na ki hel uha, Tedim panin ukpi Pu. Pum Za Mang, Hakha ukpi Pu. Kio Mang, Falam ukpi Pu. Hlur Hmung te ahi uh hi. Amau pen tua hunlai tak-in ukpi(Chief) semciat uh ahi hi. A nih veina Pinlong Khawmpi pen 1947 kumin a ngeina mah ah na nei uha, Falam panin ukpi. Pu Hlur Mung, Hakha panin ukpi Pu Kio Mang leh Tedim panin ukpi Pu. Pum Za Mang a cidamlo ahih manin a matang dingin Saizang ukpi Pu. Thawng Za Khup na sawl hi.

Hih mun ah thukimna honkhat na neitheita uha, suahtakna ngahzawh ciangin Kawlzang leh Mualtung mite zong a kibangin puahding, nuntakna kikim sakding, kum 10 khitciang atuam tuak a, dingding’ cih bang dan leh a tuamtuam na nei uh hi. Suahtakna I ngahkhitteh Chin Special Division Act tawh I gam hong uk uh a, Kawlte’n lah Pinlong a I kithukimsa, I kamciamsa hong pel in amau khutsungah tuni tan mat leh hen bawlsiatna, nuai netna thuak in mi tampi I om hi. Tua ahih manin mipil mi hangsan tampi in Zogam leitang ngahkik na dingin a nuntakna uh, a sum apai uh na beilawh, na gimlawh na tawllawh uh hi.

2. Bang hang, Kawlte tawh suahtakna kingenkhawm se hiam:

Ni dangin I minam makaite, kawlte tawh ki pawl in Mangkang kumpite tungah suahtakna a nanget khop uh ana kipawl uh, kawlte khemsa in ana om uh aive maw, haitei uh-ei, ci-in ka mawhsak mahmah ngei hi. Ahi zongin Pu. Tual Khaw Mang genna leh a tuamtuamte genna I etciang in a mawhsakhuai hetlo dan thunih hong musak hi.

(a). Amau zong na ut masa hetlo uha, mautam kialpi leh kialpi khatpeuh a tun ciangin Kawlzang panin anntang na lei uh, ann na taw uh ahih manin I utta kei zongin amau tawh ki pawl keileng kialpi khatpeuh I tuahteh gentheilua khaleng ci-in ukpi Pu. Pum Za Mang in mipita ding a lauthawnna leh mipite gilkial dangtakding a khualna hangin na kipawl uh hi.

(b) Sept 29, 1932 kumin Ware khua ah Chin Hills Union Organization (CHUO) na phuan uha, mangkang kumpite khut sung panin ngetna pawlkhat nanei uh hi. A piakgen malak un Feb 20, 1938 in a sanzawh loh na uh thu zasak in hih ki pawlna a cimang nading deihtak na hanciamzaw sop uh hi. Tua thu Bogoke Aungsan in a zak ciangin amau zong suahtakna ding a nangen ngeisa ngahlo uh ahih manin bangcileng ka ngahzoding hiam cih a ngaihsutsutlai tak hih thu hong om ahih manin CHUO makaite leh pawlkhat a inn ah samkhawm in Feb 12, 1947 ni-in ki pawlkhawm a, suahtakna ngetding na thukim uh hi. Hih thute I ngaihsut ciangin I makaite tupna pen Mangkang kumpite khutsung panin suahtakna ngahding cih hiphot limlim ahih manin tua suahtakna angah theih nading uh a kalsuanpihnuam, a huhnuam, a pawlpihnuam aom leh ei hileng zong ki utmahmah khalel dingin ka ngaihsun hi. A ngimna a tupna uh taksuak takpi in Jan 4,1948 in Kawlgam in suahtakna ngahin ki pawlna min pen Union of Burma na kipsak uh hi.

3. Bang hangin Falam Khawmpi hong piang hiam:

Bang hangin hih khawmpi hong piang hiam cih leh Pinglong ah kawlte leh mualtung mite thukimna aom mah bangin suahtakna  mangkang kumpite tungah aki ngetkhopteh suahtakna ki ngah a, suahtakna ngahkhit zawh ciangin U Vuantu Mawng leh Pu. Capt. Mang Tung Nung te’ makaihna tawh Feb 19-22 ,1948 sung Falam ah Khawmpi ki bawl hi. Hih khawmpi pen I gamin Mangkang kumpite khutsung panin suahtakna angah uh lopna leh Kawlte tawh ki pawllai I hih manin Burma Parliament Upper House ah tutna(seat) guk Chin State aitan ading in  awng a, tua mun ah ukpite,hausate deih,tel hilo in mipideih mipitelcingte tusakding, mipi tawh mailam kalsuan ziading kikum khawmding cih leh etc, hi hi. Tua hun ah thu tuamtuam kikum uha, gambup in zong suahtakna ngahta ahih manin mangkang kumpite’n 1896 a hong bawlsak uh ki ukna Chin Hills Regulation Act siahtung, siahphei kaihna, tuktha, khaltha lakna leh siah(tax) tawh kisai limlim bang hangin zanglai mawk ding I hi hiam ci-in Tuithang khua pan a pai Pu. Thang Za Kai in thu a sunteh pawlkhat in na thukimpah uha, Mee alak uh leh apai mipi 5000 lak ah mi 17 bek in thukimlo in a tamzaw thamtham in na thukim uh ahih manin tua ni pen Chin Hills Regulation Acts a kiphiat ni,  a sih ni zong hong suak hi. Hih Chin Hills Regulation Acts pen Chin State sung bek ah aki zang hilo in Manipur, Nagaland,Sagai Division sunga om Sommra Hills leh tulai tak-a, Mizoram I cih Lushai Hills teng leh a gam tawlam a Cacha Chakma dong ah kizang hi.

4.  Zomi Nam Ni ding bang hunin kikhensat:

1950 kum October ni 9 ni-in Chin Affairs Council te makaihna tawh minam ni neih ding kikum uha, a ni dingin Feb 20 kipsak in a kum pen 1948 gambup suahtak kum panin  patding in na thukim uh hi. Tua ahih manin Zolai Simbute ah zong F- Feburary 20 ni ZOMI NAM NI HI, ci-in I neulai in Sang inn khawngah I awngke hi.  Bang hangin Feb ni 20 na tel uh hiam cih leh  ahang pawlkhat in 1918 Feb 20 ni-in Maymyo ah Chin National Education Upgrading cih ki pawlna na phuan uh hi. 1928 Feb 20 ni-in Mindat gam Hlih-yung khua-ah Organization for Chin Hills Unity kiphuan in, 1938 Feb 20 ni-in Kanpalet ah Mangkang galkap makaite tawh gam makaite pawlkhat kimu in a nget uh nam 9 apiak malak un a kipawlna uh susia in makaite na matsawmlai uh ahih manin makai pawlkhat zanpi in Kanpalet pan tai 18 ki gamlatna ah tai uh hi. 1939 Feb 20 ni-in Chin National Organization for Unity Makai 9 Mindat ah naman uh hi. Tua ahih manin Feb -20 pen minam ni dingin natel uh, na zang uh hih tuak hi.

 5. Banghang in Zomi Nam Ni Kumsim in kibawllo:

1951 kum Feb 20 ni-in a khatveina lopna Zomi Nam Ni Mindat khua ah ki bawl hi. 1948 kum panin kisim ahih manin tukum in kum 67 aphata hi-in kumsim a, aki bawlnop hangin Kawl galkap kumpi in hong khakzel ahih manin ki bawlzom theilo in khat veivei ki khawlzel hi. A nuai ah atom in enpakleng

(1). 1956 kumin Chin Affair makai Pu. Zahrelian in Zomi Nam Ni Feb 20 ni pen ma suahni Dec ni 4 tawh na laihsawm a, kuamah in thukimlo in laihzolo in zong ki bawllo zaw hi.

(2). 1966 kum in Kawl galkap migilote ngaihsut piak tawh Chin Special Day cih tawh makai pawlkhat in na laihsawm uha, Col.Putpa makai in a lungkim loh na uh agen uh leh daikik bilbel uh hi.

(3). 1985 kum in Kawl galkapte vaihawmna mah tawh Chin State Day cih tawh laihsawm leuleu uha, Chin State min pen 1973 kum a kingah hipan ahih manin piangtheilo leuleu hi. Zomi Nam Ni cih zatding Kawl galkap kumpi te’n deihlo mawk uh ahih manin hih tawh kisai Kawlgamsung mun tuamtuam ah buaizel hi. Tu-in gam 2,3 na aom te’n a min sit taktak pen mah tawh bawlthei zangthei I hih manin uaikai hetlo in lawptak in I omom na mun ah I nasep khawlliang a I zatding thupi mahmah hi.

6. Bang hangin Zomi Nam Niteh Vaphual kizangh hiam:

A ki lawmsakna, a zepna, a mel ahoih man hilo hi. I minam ciaptehna ahi hi. Mi nam picing, minam kician peuhmah in minam ciaptehna na neiciat uh hi. Bang hangin Zomi te’n Vaphual minam ciaptehna in nanei uh hiam? Vaphual nupa ki itna lian mahmah, ki itngiat, khat a sih leh ki sihpih ngiat, nupa kal ciampello, palhngulhlo, zuaugen kikhem cih bang om ngeilo, thuman citak ngiat uha, ei Zomi I pu I pate zong Vaphual mah bangin aki itngiat, a citak ngiat, a thuman ngiat, gal le sa mai ah aki taisanlo, liam le bai, nat le sat khat tuak leh  kitai sanlo in ahih theihtawp suah in vahuh, va panpih, khat a sih leh zong ka sih leh kasih ci-in a phula ngiat etc, ana hi uh ahih manin I minam ciapteh na in VAPHUAL a nazat uh ahi hi. Tuni-in tuaci bang lungsim na neihkei leh ZOMI sit na hikei khadinga, Zomi sit na ut leh na pianthak kul masa khading hi. I minam kiciaptehna VAPHUAL ahih manin Vaphualte nuntak khuasakzia zuai-a, Sia. Job Thawngno genmah bangin Pengpelep leh Thangkikte khawng tawh I minam ciaptehna I khek loh ding, a maute hisamlo I hih manin tuate I batkhak loh ding ZOMI NAM NI I bawlsim I kiphawk sak nuam hi.

7. Zogam leh Kawlgam atuam tuak hi:

I Zogam pen gamkek Mangkangte hong ukma in ei leh ei aki uk minam leh gam I hi hi. Zogam pen I pu I pa tenma, satma in mihing akici peuhmah nateng ngeilo, na khuasa ngeilo uh ahih manin ki ukna ki sukkhel ki tokhel in gamlim leh leitang laikung laidal tawh a utut un suksuaih tosuaihta le uh eima gam, eima leitang, eima neihsa mah ahi hi. Bang hang hiam cih leh a mite ki nawlkhin in, aki nuainet  zongin tua leitang pen kikhin ngeilo hi. Zogam leitang ah I pu I pate zu le sa tawh nuamsa in ana omlai tak uh leitung galpi in hong nawk in Mangkang te’n leitungbup a lak uhteh Zogam leh Kawlgam zong hong nawkkha, hong uk kha uh hi. Kawlgam pen Ministerial Burma ci-in na ciamteh uha, Zogam leh mualtung mite tenna gam pawlkhat pen Frontier Areas Administration ci-in nam nih in hong khentuam, hong uktuam lian uh hi. A mite nuntak khuasak zia, ngeina tawndan duhdan annhuan mehhuan dan nangawn ki banglo hi. Tuhunteh mi pawlkhat in Kawlte ukna sungah leitung pian a kipan aomsa kisa leh bang hangin gamthak satsawm I hi hiam, cih a ngaihsut ki omthei I hih manin tua bang I om khak loh na dingin aki phawksak I hi hi.

Tua ahih manin a beisa mah bangin Zogam pen Zomite mah in uk a, suaktatak in a nuntak na dinguh a lunggulh luat manun ZNC/ZCD panin Sitni.Pu. Cin Sian Thang leh a lawmte pawlkhat in Kawl galkap kumpite mat le hen vuak le sat, bawlsiatna, thongkhiatna cih bang atuamtuam thuakta leh a sun a zan cilo in tuni tan I gam le I minam ading in na nasem uh hi. Sum le pai, innhoih lohoih, mawtaw hoih leh a tuamtuamte tawh kizolta leh ka Zogam leitang suahtakna ding leh ka Zomipihta ding ci-in leitungnop sakna, minthangnate sangin a gam le amipihta ding a nuntakna lungtang a khawlmateng na sepsawm hi.

India gam ki ukna huamsung a omte in zong, ahih theihna zah uh itsitlo in Pu. Thang Lian Pau leh a seppih ZRO/ZRA, Zomi Council, ZYA etc, te’n khua-ul, sisan luangta leh zong phamawh salo in nasem den uh hi. Pu. Thang Lian Pau bang a zi a tate tawh zong omman mello in gamsung ah omden zawmahlai hi. Zeisu in ka nung hong zuinuampeuh mah in a zi ata, a innkuanpihte nunsia hen, acih bang hong phawksak hi. Zogam leitang ngahkik nading a, na asem a damlai I makaite’ zotangbang hong damin akhan uh kumkhua sawt hen. Hong nusia khin Pu. Tun Kho Pum leh a kaihzatamte a kipan Pu. Thual Zen leh a lawmte zong I phawk hi. Zomi Nam Ni I bawlsim in gam le minam ading a, aki piakhia mi hangsante mangngilh kei ni.

F - February 20 Zomi Nam Ni hi, cih tawh na khawllo in G-Gam ading nasem ding cih in na zompah a, simsuakleng a tawpna ah Z-Zomite hanglungciam khangtodiam! Cih tawh na khawl hi. Hih thute I ngaihsutteh  Zomi Nam Ni ah I gam leh I minam khantohna ding thu le la kikum in ki thutuaktak in I gam leh I minam ading I sepkhop nak leh I gam le I minam hong khangtoding hi, cih hong phawksak, hong musak hi. Tuaci bangin Zomi Nam Ni a bawlkhim theiding in Topa’n leitungbup aom Zosuantate thupha hong piakimciatta hen.  Zomi Nam Ni damsawt hen. Hong pai ou, Zomi Nam Ni Ah Kimu Ni.

By: Khaibawi, (Australia)

Laisimte:

1.       Prof. C. Thang Za Tuan; Zomi Nam Ni hong piankhiatna

2.       Pu. Chin Sian Thang; Zomi Nam Ni

3.       Rev. Dr, Khen Za Sian; Zomi Nam Ni

4.       Tg. Vungh Za Pau; Zomi Nam Ni Hong Piankhiatna

5.       Capt. Mang Tung Nung; A 7 VEINA ZOMI NAM NI, TEDIM KHUAPI AH\

6.       Pu. J. Thang Lian Pau; F- February 20 ni ZOMI NAM NI HI.

7.       Dr. Vumson; Zo History

8.       Rev. Khup Za Go; Zo Chronicle

9.       Salai.Kee Ke Awm; A BRIEF BACKGROUND HISTORY OF CHIN NATIONAL DAY

 
Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 8 of 220

TONGSAN Video

TONGSAN Photo Gallery

TONGSAN Weekly Journal

Who's Online

We have 152 guests online
Joomla Templates and Joomla Extensions by ZooTemplate.com