zomi aw lung lau ken!

ARTICLES
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Articles

Zozumpi te' Thu

PDFPrintE-mail

Last Updated on Wednesday, 18 February 2015 01:24 Written by Tongsan Admin Wednesday, 18 February 2015 00:02

(1) Mangkang te hun lai (British colony hun)

Mangkang te in Zomite pen kum 1896 pan 1947 hun sung hong uk uh hi. Tua hunlai Zogam hong ki ukna zum te pen commissioner zum kici hi. Falam a om commissioner zum pan in Tedim, Tozang, Hakha, Thantlang kuam teng hong uk uh hi. Pakokku a om commissioner zum pan in Mindat, Kanpelet le Matupi kuam teng uk uh a, Sittwe a om commissioner zum in Paletwa kuam teng huam hi.

(2) Kawlgam suahtak hun (Parliament democracy hun)

Kawlgam in suahtakna a ngah hun, kum 1948 pan 1962 hun sung pen Zogam ukpite in Kawlgam makaite tawh vaihawm khawm uh hi. Zogam ukpipa zum pen Yangoon ah kiphut a, Chin Affair Ministry zong kici hi. Democracy ki-ukna ahihna tawh kizui in Zomite in mipi ai-awh ding kitelna om a, tua mipi ai-awh te' zumpi pen Falam khua ah kiphut hi.

(3) Pu Ne Win thuneih hun

Kum 1962 hun ciangin, galkap mangpipa Pu Ne Win in Democracy ki-ukna phiat in, ama thu tawh Kawlgam uk dingin hong kipan hi. Yangoon a om Zozumpi zong phiatsak ahih manin Kawlpi khua ah kituahto hi. Kawlte in Kawlpi khua ah Zozumpi kiphut ding deihlohna nasia takin lungphona nei uh ahih manin, Khalkha khuami Pu Van Kulh leh Pu Ngun To te' vaihawmna tawh, Zozumpi pen 1964 kum in Kawlpi khua pan Khalkha khua ah kituahto hi.

(4) Zogam khuapi Khalkha

Zozumpi pen Kawlpi pan Khalkha ah a kituahtohna hangin, kilungkim lohna tampi om hi. Bang hang hiam cih leh, tua hun lai a Zogam ukpipa a sem (Chairman of Chin Affair Council) Pu Son Kho Lian thuneihna palsat in sanggam Khalkha te in a vaihawm sim uh ahi hi. Pu Son Kho Lian in, Zozumpi pen Vuibulah, Gangaw le Sing Unau khua mun khat teitei ah a phut sawm hi a, sanggam Khalkhate' angsungngaih luatna hangin Zozumpi pen Khalkha ah a ki tuahto hi ki ci hi. Tu hun ciangin, Khalkha pen Zogam khuapi (capital city of Chin State) ki ci ta hi.

Teihsakna: Hih thu tawh kisai khangsawn Zomi te theih ding kilawmsa ka hih manin hong hawmsawn ka hi a, pil ing siam ing ci-in lai hong gelh ka hi kei hi. Pu Vumson ii "How Chin Capital was moved" cih laigelh ka simna tungtawn in kong gen kik hi a, a kitel lo, a dik lo thu a om leh, hong theisak kik ta un. Lungdam.

Eng Mang(Zolei Vontawi)

 

Zomi Nam Ni -Hong Piankhiat Zia

PDFPrintE-mail

Last Updated on Wednesday, 18 February 2015 02:15 Written by Tongsan Admin Tuesday, 17 February 2015 23:54

Vungh Za Pau - ZNC- Momno - Chin Sian Thang - Zomi - Zogam - Taangthu - Khangno- mOMNOZomi Nam Ni pen Tuunkha (February) 20 ni-in kiciamteh hi. Hih ni in muhna toi tawh hong piangkhia vat hilo-in minam leh gam itna lianpi tawh hong kipan khia ahi hi. Hih Zomi Nam Ni hong piankhiatna thu pen thuk-in zai-a, zong sang mahmah hi. Hih ni-in Zomite’ adingin suahtakna, ki-it kilemna, minam vai leh cikmah cianga a mangthang ngei nawnlo ding Zomite’ tangthu mungpi khat ahi hi.

Zomite’ adingin Zomi Nam Ni a hong piankhiatna thu tel taka ih theihtheihna dingin hih banga a hong piankhiatna tangthu tawmbeek ih theihloh kiphamawh hi. Mikang kumpi in ni suahna lam gamte hong keeka, India ciang hong tung ta hi. India panin Kawlgam khanglam teng 1824 kumin hong la hi. 1852 kum tak ciangin Kawlgam phellang hong laaksak khin ta uh hi. 1885 kum ciangin Kawlgam buppi hong nuaisiah uhhi.

Tua hun laitakin Zogam pen ei le ei ki-ukna India leh Kawlgam kikal-ah om hi. Zogam in Kumpi neilo-in mi khempeuh kumpi leh nautang kici hi. Ki-ukna Thukhunpi kineilo hi. Hih bangtengin gamkeek, huang-eu Mikangte in hong muh ciangun Zogam hong sim uh a, kum tampi hong sim khit 1896 ciangin Zogam hong la zo uh a, 1907 ciangin Zomite’ deihna hilo, Mikang kumpi deihna tawh ki-ukna hong bawlsakin Zomi tangpi tangta deihna donglo-a, Zomi leh Zogam uk ding Ukpi (Feudal Chief) hong guan ziau uhhi.

Tua banga hong bawlnate uh kithuak nuam tuan lo-in Kawlgam sunga om minam kimte tawh a kibangin Zomite in Mikangte ih dona tangthu ciaptehna-in Zomi Nam Ni hong piankhia ahi hi. Tua tangthu leh-et kik leng:- Abeisa1939 kum khit ciangin suahtakna ngah nanga hanciamna hong nasia semsem hi. Zomite’ khuamuhna zong hong zai semsema, Zomi Kipawlkhopna panmunlente in gamkeek Mikang kumpi’ tungah anuaia bangin nam 9 na ngen uh hi. Tuate in:-

1. Zogam in Zanggam tawh a kibanga ki-ukna lama phattuamna angah nading.

2. Zogam ki-ukna pen Zomite deihna tawh kizui-a Thukhunpi bawlnang.

3. Pilna lam, cidamna lam leh sumzuak sumleinate a khantoh nanga puahphat nang.

4. Zogam pilna sanglam aman langa puahphat nang.

5. Suakta taka Biakna zuih theih nang.

6. Zogam lampi kizopna amanlanga hong bawlsak nang.

7. Zogam leh Zanggam suakta takin kikawm kizop theih nang.

8. Zomite mimam dangte tawh liangko kikima kizop theih nang.

9. Kawlgam in suahtakna a ngah ciangin Zogam in zong a kibanga a ngah pah nang ci-in thu nam 9 na ngen uh hi.

Hih atunga ngetna nam 9 te Mikang kumpi in a piak ding sangsikin, hih kipawlna a bei nang hanciam lai hi. Makai teng zong gamvai (politics) a sep nawn loh nang uh thupia zawsop hi. Ahih hangin mipi-in Mikangte’ vaihawmna a deihlohna uh nakpi takin lakkhia uh ahih manin Kanpetlet pan Mikangte taikhia uh hi. Kawlgam in Suahtakna ih ngah cil ahi 1949 kum-a ki-at Gambup Thukhunpi tawh kizui-in Paliman (Parliament) a a dawl tungnung leh a nuainung ci-in dei nih om hi. Zomi namte adingin tua Paliman dawl nih aitang palai puak ding hong kul ta hi. Paliman ah Zomi tangpi tangtate’ lungkimna tawh a kitel palai puak ding ahih hangin Minam kim Palimante- ah gamke dangte bangin Ukpite leh Khawk-ukte’ tel palai puak ding maw- cih thu kitelkhiatna hong omta hi.

Tua thu siangsak dingin Zomite kimtaka thu kikupkhopna akhatveina Zomi Nambup Khawmpi (Zomi National Conference) Falam khua-ah 1948 kum Tuun kha (February) kha 12 ni pan 22 ni dong nasia takin kibawl hi. Tua khawmpi a ni nihni-in Tedim pana Pu Thang Khaw Kai in thusunna nei hi. Tua in Suahtakna ngah ma hun lai-in Zogamah Gamkeekte’ hong nutsiat gamah hoihlo ahi hi. Ukpite leh Khawkukte’ hong uk cipna hanga a piang mi zawng tangpi tangta’ tungah kilawm kituak lo-a siah donna, kuli vanpuate thaman pia lo-a sawlna, mizawng nautangte in khua-ul sisan luanga a thalawhsa, a sepsa tungah thuman lo-pi a laksakna, akipan a thuneihnate uh uang zatluatnate’ hangin nakpi takin gentheihna kithuak hi.

Tua ahihmanin hih Ukpi ngeina tawh ki-ukna a zung natawmin longkhia-a ei leh ei suakta taka mipi’deih ngeina tawh ki-uk na’ng cih ahi hi. Tua a thusun pen Falam khua huam Lailun khua pan palai Pu Chun mang leh Kanpetlet pan palai Pu Thang Muangte nih in thukimpih pah uhhi. Tua a thusun thukimpihna mipi vote tawh a khensak uh ciangin mipi 5000 sung pan vote sagih bek in nial-a vote 4993 in thakhat thu-in lungkimpih ahih manin kikipsak pah hi. Hih banga atamzaw thukimna tawh Ukpi ngeina a kibeisak nadingin Zomi nam khempeuh mipi’ deihna tawh ki-ukna ahi Democracy huihdam kidik kha a, khuamuhna mittang hong keuh ta hi.

Hih banga kikhopna a kibawl khit phetin thuvaihawm pawl in Ukpite a kibeisak manin liauna (compensation) dangka 500,000 piapah hi. Tua dangka pen a zaa lianpen panin a zaa neupen dong 70,000; 20,000; 5000; 1000 leh 100 cih bangin seh hawmsak uh hi. Tua pana kipanin kum tampi a kithuak ki-ukcipna, kigawtna leh Ukpite’ siahkaihna khut nuai pan kisuakta ta hi.

1. Hih banga Falam khua-a a kibawl khawmpi in gamkeekte’ hong nutsiat gam hoihlo ahi ukpi ngeina tawh ki-ukna a kibeisak bek tham lo-in, Zomite’ khang tangthu sungah kithutuah diamdiama Zomi Nam Ni bawl theih denna,

2. Mipi atamzaw deihna tawh ki-ukna ahi Democracy ngeina zatna Suahtakna a ngah cil Kawlgam sunga teeng minam tuamtuamte tawh liangko kikim a,

3. Kipumkhatna ngahin ih gam a kip den na’ng leh Zomite minam vai lampan deihta kipanpihna zong ahi hi.

Gam keekte’ hong guat gamh hoihlo Ukpi ngeina tawh ki-ukna a beina ni ciapteh nadingin Theinosih kha (February) 20 ni pen Zomi Nambup adingin ni thupi pen ni hi, cih Kawlgam sung bek thamlo leitung buppi in hong theihpih nading deihna tawh 1950 kumin Falam khua-ah Zomi Nam Ni nasia takin kibawla, tua lai-ah Kumpipa Sao Shwe Thaik leh a pawlte zong na kah uh hi. Hih bang teng ciangin “ZOMI NAM NI” hong piangkhia ahi hi. Zomi a kici peuhmah in hih ni thupi ni kumsimin bawl dena, a kip tawntung nadingin Zomi khempeuh ii mawhpuak ahi hi.

 

By: Pu Vungh Za Pau (L) Former General Secretary- (ZNC)

 

Khanna- Khantohna le Kiginna

PDFPrintE-mail

Written by Tongsan Admin Sunday, 15 February 2015 23:42

10697381 4699586503132 18338557028296367 oKhanna (growth) le khantohna(development) pen a thudan luangkhawm litlet leh kilawm mahmah na pin, a khiatna taktak kibang lo hi. Gam khat a dingin khanna cihpen nasep (job) tamzaw, gamdang mite’ sum bawlna khauh pai semsem cihna hi-in, tangpi’ a dingin na khempeuh kibangbang lel, nuntakna kilamdanna om tuan hiaulohna zong hi thei lel hi. Tua nasep tamna, gamdang mite’ sumtuhna (investment) tamnate’n tangpite’ ading teelkhuan tamsak tuan(increase choices),khuasakna khantuanlo in tangpite siamnate tawsawn tuan kei henla sepngei teng mah semsem, semtheihte bek sem thei suak leng tua pen khanna hipong-in khantohna hilo hi.

Khantohna ah “kiamna” na ngawn a om theilua hi. Innkuan tawh kigenteh le hang inntekte agen siasia lengla atam ziazua sang, kuamah hong hawh khollo dingin innkuanteng nui khawm lingling leng tua zong khantohna hipah hi. Gamdang mite’n nasepna zum tampi honghonteh kikhangto pah dingcih kamciam om tuan peuhmah lo hi. Ih neihsa leisung sum piangte, singkung lopate amau aisung meetna bek dingin a zung pan hong lot khiat sak dikdek ding mi namdangte ih gamah phual hong sa-in ei innteek te niangtui man ciang peuh tawh hong khem uh sang, ih lo le gam hoh hong thei kha vet kei zaw mai le uh kikhasia lo ding cih dan hi.  

Khanna omlo-in khantohna om thei in, khantohna-ah khanna zong kul masa pelmawh lo hi. Tua ahih manin khanna(growth) pen a phazah(quantity) tawh kisai phadiakin khantohna (development) pen a muibun taktakna (quality) tawh kizawi tawn pha diak hi. Project tam keei pong, plan a hon amangin suai den cih sim zong lungdam huai tuan lo hi.

Kawlgam ahbang gam tuamtuamle a diakdiakin Sen gam lampan project a bawl uh hon khatte etsak le hang nasia thei mahmah napi, Kawlgam mi, tangpi phattuam nang a ommeel lo nasep na dil mahmah thei hi. Myitsone dam project bang etsak pak lehang, meitha a kingah zah 90% pen amau gam lamah puak ding hiziau mawkin, a mun, a gam, akhua a suplawh pen Kawlgam mite hong hilel hi. Tua project a dingin nasem nangawn Kawlgam mi tam khollo-in amau Sente tengmahin nasep ngah hi laihi. Ih theihloh tuadan project zong tamtuak mahmah lai hi.

Hlutdaw chairman U Thura Shwe Man le Dr U Myintte’n a thugenna uhleh a laigelhna te uhah a kisemsa projectte enpha kikin tangpi’ ading phattuam na a om dinghiam cih sittel huaihi cih hahgen mahmah uhhi. Tu lianlaitak, Kawlgam ah sum bawlnuam, sum tuhnuamte’n Kawlgam’ Foreign Direct Investment law le zuih ding thugil (rules and regulations) a lunglut mahmah laitak uhhi. Hon khat zong ong lutlut khin uhin, hong lut lai ding zong honkhat mah omhi. Tua hun ciangin, amau nasepna-in khanna bek omsak pongin khantohna a piangsak mahhiam cih sittel huaimahmah hi.

Thu khat leuleuah, khantohna adding nasepnate-ah tangpi-in ihhamphat nopleh ei mahmah zong ih kigin kulhi. Pilna siamna ih na neih limlim phot ding kisam hi. Tu hunteh “?” ????????cihpen lai simtheih, pautheih, gelhtheihna ciang bek hi nawnlo-in “Internet”, “English” le “IT” hong hita mawkhi. A tawm penpen tuate ihsiam limlim keileh nasep hong kipiak nop, khasum hoih, za hoih hong ki-ap nop hang hong lem tuan peuhmah lo dinghi.

Dr Nay Win Maung(Egress) gendan cilehang pilna siamna ihneih kholhkeileh ih gamah zumtampi, company tampi gamdang mite’n hong hon uhhangin, ei Kawlgam mite’ a dingin sawl tangzang nasep (general worker) leh kongkhak ngak, gate cing (security guard) peuh bek ih septheih hong suak lel mawk dinghi. Asean gamsungteng suakta takin van zuakna (Asean Free Trade Area) cihbang limtak ong kisem pilna siamna ih neihkeh leh ei gam sungah gamdang mite’ sila peuh kisuak thei lel dinghi.  

Tuhun teh mikang, mivom a kuakua tawh liangko kikimin na ih sepnop, ih kidem nopleh siamna theihna nihta bang ihkop ding kisam ta hi. Mikanglai bek, computer bek, accountancy bek cih bangin namkhat bek pumsiam hi nawnlo-in, Mikang lai (TOEFL,IELTS) le LCCI, Manglai le Senlai, Senlai le IT, IT le LCCI, LCCI le mikang lai cih danin namnihta helh dimdiamin ihsiam mahmah kulhi. Tua lo-in midangte kidem zolo dinghi.

Tua bang khat mahin ei Zomite phadiak bang gamlevai huihnun dan hong kikhel mahmahin, gamvai(politic) ah zong suak tatakin kihel theihun hong tung ahihmanin midangte’ ukna nuai, zawhthawhna nuai, nopnehna nuaiah ih ki pekpek nop kei a leh Political Science pilnate zong sang kician mah-ah limtakin sinhuai mahmah ta hi. Tua hikeileh tu mahmah zongin hong ki nopnehna tam mahmah tahi. Tuhun pen thatang tawh kidemna, thatang’ vangneihna “hard power” hun hi nawnlo-in, pil kiukiauna, ciim khinkhian na, khuak taina “smart power” hun hita hi.

Hunhoih hunpha (opportunity) cihpen hong pai thithe lohi. Mitphiat kalin mangziau thei-in, khatkhate kum (20) bang kingak kik theihi. Khatkhatte lah khatvei zong hong kuadawk nawnlo thei lai hi. Khanna le khantohna khen siamin, hun hoihte adingin pilvang takin kigin siamni.

By: Pau Sian Lian ( Tongsan Columnist, Japan)

 
Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 9 of 220

TONGSAN Video

TONGSAN Photo Gallery

TONGSAN Weekly Journal

Who's Online

We have 128 guests online
Joomla Templates and Joomla Extensions by ZooTemplate.com