zomi aw lung lau ken!

ARTICLES
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Articles

Akipeipei Leitung

PDFPrintE-mail

Written by Tongsan Admin Saturday, 28 March 2015 21:45

59982 1396477475566 2581394 n1892 lai-a, Stanford University ah thu piang takpi ahi hi. Kum 18 apha tangvalno khat in, a Sang saap piak ding sum hong nei nawn lo hi. Tagah hi sawnsawn ahih manin sumlepaii a ngetna ding mel thei lo-in hong cimawh lua peuhmah hi. Ahi zongin, ngaihsutna hoih khat hong nei thei-in, a lawmpa khat tawh musical concert khat a sang huang sung vuah bawlin sum zong ding, tua tawh a pilna sin zom ding cih ahi hi. Concert a ding piano tumsiam minthang Ignacy Jan Paderewski cial theih dingin hong kiho thei uh hi. Ahi zongin, piano tumsiampa cial man dingin, a manager pa in $2000 piak dingin ngen hi. Tangvalno nihte zong thukimin concert limcitak khat bawl zawh ding hong kipan uh hi.
 
Pawi bawl ni hong tung petmah hi. Paderewski zong piano tumin Stanford Sangah hong kihel takpi hi. Kamsiatna ci ding i hiam, tangval gel in, a concert ticket zuak uh a tup zah un khawng lo uh ahih manin $1600 bek hong ngah mawk uh hi. Lungkiat huaipi mahin, Paderewski kiangah hong pai uh a, a haksatnate hong gen tamai uh hi. A sum ngah sunsun uh $1600 pia-in, a kisam lai $400 pen check at sa-in pia uh hi. "A manlang thei penin hih check na thoh theih dingin hong hanciam nung, ahi zongin, tawmvei bel hong ngak in"  ci-in kamciam pia-in hong thum uh hi.
 
Paderewski in "Hi thei lo ee, tua bang ngeina om lo hi" a cih kawmin tua check balkekin, sum tang $1600 zong leh piakkik kawmin, "pawi a ding na sum bat tenguh lohkik un la, na Sang saap piak ding kisamte na piak khit uh teh a val lai leh tua a val teng kei hong pia un" ci-in gen hi. Tangval nihte zong um ngam lo phialin lamdang sa kawmin, lungdam thu hong ko uh hi. Paderewski a dingin a cihtak het lo huhna khat himah tase leh a picing mihing khat ii sep ding, a kilawm thu khat a sem khia kha na higige mawk hi. Bang dinga, cikmah a, meltheih ngei loh tangvalno nih huh kha ahizen tam maw?
 
Eite in zong, hi bang dan thute tuak kha ngei ciat ding hi hang. Eite a tam zaw in, "Hunna pia zenzen hi leng, kei bang ka sup lawh tam?" cih lam bek i ngaihsun kha ding hi. A picing lungsim tawh kidim mite in ahih leh, "Ken hun kei mawk leng hite bang suak mawk ding?" cih lungsim nei uh hi. Ngahkik ding khat peuh lamen masa lo zawin, sep ding a kilawm thumaan khat a semin kingaihsun zaw uh hi.
 
Piano tum siam, Paderewski a gam ahi, Poland ah ciahkikin Prime Minister hong suak hi. Makai picing khat hi sam napi, kamsiatna ci ding hiam, leitung galpi khatna in, Poland gam zong hong nawk kha citciat hi. Poland gammi 1.5 million bang a gam sungah  dongtuakin, sum nei lo, an nek ding nei lo-in hong om uh hi. Paderewski huhna ngetna ding thei lo-in, hong cimawh lua peuhmah hi. US gam an le dongtuak huhna lam thu saipi (US Food and Relief Administration) kiangah huhna hong gal nget hi. Tua mun san ah a lian pen thusaipi pa Herbert Hoover -- (a sawt lo a US President a suak to pa) na hi hi. Hoover in zong Poland gam cimawh dongtuakte huhna piak ding thukim pahin, nek theih tampi puak pah lian hi.
 
Huhna kicing takin hong tung ahih manin, Paderewski a van gikpi hong zang pah hi. Lungdam lua ahih manin, US Food and Relief Administration a makaipipa tawh kimuh ding, lungdam koh dingin vaihawm pah hi. Hong kimuh phet un Paderewski in zahtakna pia in, a mai ah kun phial a lungdam thu a gen sawm laitak, Hoover in nawh satakin, na nial aa, "Kei tungah nang lungdam nong koh ding om lo hi, a zahtakhuai Prime Minister aw! Nang' bel zong phawk kha nawn khol lo ding hi teh. Ahih hangin, tuma kum tamkhin sim lai-in, US gamah mi nih college sang kah a zop suak theih na dinguh, na huh ngei hi, tua mi nih lakah kei zong khat hing".
 
By: Khat Thang (USA)
 

Sum Tawh Kileitheilo

PDFPrintE-mail

Written by Tongsan Admin Saturday, 21 March 2015 23:01

10697381 4699586503132 18338557028296367 oZomite'n ih kampau zatmun mahmah khat pen “Ih zawn in ong haisak” cih ahihi. Hih kammal Zomite sungah a khiatna gencian a kullo, phen kikkik kisam lohi. Sum neihloh man-in nahoih khatpeuh ih theihhang, ih ki theihmawh bawlhi. Ih deihte ih ki deihmawh bawl a, ih duhte ih kiduh mawh bawlhi. Sum nei keilehang, sang pilna ih sinnop hang kikah zolo-in, ih ci a nat hang zatui zaha lei zolo-in ih kibawl zokei hi. Zawnna tawh kisai haksatna Zomite kiang hilhcian kul peuhmah lohi. Mi pawlkhate bangin sum pen pasian nihna (second god of this world) ci uh a, laigelh siam Mark Twain in, “Sum neihlohna-in siatna khempeuh zungpi hi” ci liang hi.

Ahi zongin sum tawh kisai ngaihsut huai mahmah thu phawl khat ong omhi. Harvard University a professor sem, thuman na, dik tatna(justice, morality) cih thute a hilhcian Michael Sandel in sum tawh kisai khenkakna khat neihi. Tuate nih-in market economy le market society cih a hihi. Sum metbawlna le mihon kithuahna-ah metbawlna cihdan a hihi. Market economy cih sum metbawlna a hih leh gam khat peuhpeuh khantohna, hauhna, cihtheih nopsakna a ngah na dingin zatloh phamawh vanzat(tool) khat a hihi. Vanlei-vanzuakna hi-in gam khat-in sum-le-pai a hauh nopleh a dang gam tuamtuamte tawh kizom kikawm-in summet a bawlkulhi.

Tua lo market society ih cih teh mihingte kizop kithuahna-ah ong omthak ngaihsutna zia khat hi-in nisim nuntakna ah sum-lei sumzuakna mittawh nakhem peuh etna ahihi. Vanzat (tool) hi nawnlo-in mipite` tenna(place) hi ta-in na khempeuh a meet ngahnang etna tawh nuntakna ong suakta hi. Mihingte nuntakzia kilaihna tawh kisai a ki cian et-teh hih market economy a kizat kawmkawm mah-in tuma kum 30 khit lam a kipan market society cihna lam-ah mihingte nuntakna ong kilaih mangta, ci uhhi. Sum-in zawhlah, neihlah, leilah nei khollo a hih man-in na khempeuh a man ki ciangtan kha pahpah tahi.

Ei mite mahmah zong ih haksat luat man-in lampi tuamtuam tawh nuntakna a lem zaw deuhna, gam thumna lam kizin, kiteeng in na va kisem ngeingai hi. Kuamah mawhsak theih hilo hi. A hi zongin a patauh huai khat-ah sum-le-pai ih zon kawmkawm-in u-le- nau kikal ah, innkuan vai-ah, tanau meeltheih kithuahna-ah sum mit bektawh en-in, supna meetna ngaihsutna lam bekbek tawh thu ih khensat khakleh ong diklo dinghi. Vai khat peuhpeuh met nading bek en in lawm-le-gual teelna, zi/pasal ding teelna, sung/mak ding teelna, pawlpi kihel nading teelna, nasep teelna, pilna sang teelna, makai ding teelna, pawlpi sia/upa ding teelna, cihte a kipan mihing te kithuah na sungah sum metna dingbek 100% mitsuan kawm sa-in thu ih khensat khak loh ding thupi hi.

Banghang hiam cihleh sum tawh a kilei theilo, sum tawh man a kiciangtan theilo pawlkhat na omhi. Summet bawlna (market economy) lam ah bel demand and supply, incentive cih theory tuamtuam te thupi mah hi. Ahi zongin mipi kithuahna ah tuate lem den lohi. Kikhial theihi. Hih vai tawh kisai thu piang taktak pawlkhat enni. Switzerland gamah mei tha lakna nuclear power a neihna hangun buaina khat tuak uh a, nuclear setzung pan pai khia ninte a paih nading uh mun mulo-in buai mahmah uhhi. Mihingte` ci damna susia thei ahih manin kua mah-in amau huangah paih ding phallo hi. A tawpna-ah kumpite`n tua ninte paih nading a tamzawte adding patauh tawm pen leh mun lempen ding a zon uhteh mualtung khat a om khua neu khat mu khia-uh hi.

Tua ahih man-in khua mite` phalna a nget uh leh tua khua mite`n altruism (midangte ading khualna) lungsim tawh amau ading patauh huai mah taleh khua mibup lak pan 51% in phal uhhi. Tua laitak-in thuneite`n khua mite` thukimna a ngah beh nading cih ngimna tawh ninbuak man liauna sum mihing khat-in kumkhat in EU dollar 6000 ta kipia ding ci-in, sum tawh na zol(money incentive) uhhi.

A tungin khuami 51% in a phalsa pen 25% ah kiamsuk zaw mawk a summet bawlna pilna tawh a ki-et teh lamdang kisa mahmah hi. Ahang a kidot leh khuamite`n, ko pen gam-le-minam ka it man uh hi-in, sum deihna hi masa lohi. Tua sum tawh nong zolna uh in ka gamit na lungsim-uh golh guknekna(bribe) bang ahihi, ci-in na dawng kik uhhi. Israel gam-ah mi gentheite huhna (charity) kipawlna khat omin, khangno sang naupang tampi kihel uhhi. Khatvei sumbawlna lam siam mipilte`n mihingte` zia theih nop man-in tua sang naupangnote khen thum suah uhhi. Khen masate kiang mi gentheite huhna a thupitna ciantak-in a gen khitteh khuasung inn lusi-ah huhna va dong un ci-in sawlkhia uhhi. Khen nihna te zong tua bangmah lian-in thu a hilh khitteh sawlkhia uh a, a hih hang-in sum na ngah zahzah lakuh pan 1% no ong ki piakik ding hi, ci-uh hi.

Khen thumnate zong tua bang lianmah han thohtna a piakkhit uhteh na ngah zahzahlakuh pan 10% pen thaman in ong kipia kik dinghi, ci-in sawl uhhi. Tua tengin inn sim-ah huhna va dong kawikawi uh a, a man uhteh a ngahzah uh ki simkik pahhi. Tua khen thum lakpan sum tawh a kizol kilkel lo groupte-in sum tam zongzo pen mawk uhhi. 10% commission ngahte`n bel 1% ngah dingte sangin tam zong zo zaw sam uh a, a hi zongin met nading khat zong om kilkel lo a ki pumpiak group masate ngahzah sang tawm ngah zaw veve uhhi.

Philippines gam a uk ngei kumpi gilo khat-in a minthang Marcos uk hun lai-in, a mah kumpi a hihna pan a sawnkhia nuam, gam adding vei honkhat training a pia ngei Philippines te sia khattawh ka kiho kha ngeihi. Ama ong genna ah Marcos kumpi pan lakkhiat zawh nading in minam it a kipia khia nuam mi 100 val, gammang tulak a om mual khat ah kha khat val training ka pia uh a, lungsim lam ki pattahna hita leh siamna tuamtuam ka hilh uhhi. A tungin mi 100 bang ong kihel na pi sum nei zawdeuh, nasep hoihnei cihte pawl patauh lungkiatna tawh khat khit khat ciah uh a, a tawpna-ah mizawng daipam pawlkhat bek cian lai-in tuate tawh ma ka zom uha gam a ding ka ki phiakhia uhhi, ci-in ong gen hi. Gam hoihkhat lam nading hih mi zawngte ki piakhiatna zong neu lo hi, singam hingiat uhhi.

Mihing kithuah kikholkhopna-ah sum mittawh ih et denkei khak leh kikhial mahmah theihi. Itna, deihsak na, veina, lai natna, kipiakkhiat na, ki pumpiakna, cihte cikmah hun-in sum bawlna pilna tawh ki tuat theilo, leitung sum man zah tawh ki ciangtan theilo a hih lam mangngilh kha kei ni.

By: Tg. Pau Sian Lian (Tongsan Columnist, Japan)

 

Kikimlohna

PDFPrintE-mail

Written by Tongsan Admin Friday, 20 March 2015 15:07

1401547 651504858205062 387754273 oKikimlo ahih manin buaina piang hi. Kikimlo ahih manin mite lungkimlo hi. Kikimlo ahih manin a ngah ding zah uh ngahlo uh hi. Kikimlo ahih manin mite gilkial uh hi. Kikimlo ahih manin Stephen nangawn in sih lawh hi. Kikimlo ahih manin Pasian nasepna ah bahlawh uh hi. Kikimlo ahih manin mite muanna kiam hi. Kikimlo ahih manin mite lametna kiam hi.

Kikim hileh bang a ci tam?

Leitung ah tan kikimlohna hangin buaina tam mahmah hi. Lai Siangtho hun lai pek in zong ngahzah a kikimloh manin pawlpi sung nangawn ah buaina pianga, Pasian thu um masate nangawn in na thuaklawh uh hi. Leitung pian pan tuni dong tua bang buaina om den lai hih tuak hi. Nek ding ngahzah a kikimloh manin mite a gil uh kial ahih manin a thangpai uh hi. A thangpaih uh ciangin a hehna uh ip zolo in mawhsak ding zong uh a, mawhsakna a om ciangin kitotna pianga, kitotna a pian ciangin kikhenna pianga, kikhenna piang leh vai tam ahih manin nasep ding tam a, vangik kiguan suak ahih manin buaina tawh kizomto hi. Buaina hangin kipawlkhawm kimlai kikhen in semkhawm nawnlo uh ahih manin a thahat zah dingun thahat nawnlo uh hi. Thahatna a nei nawnlo Humpinelkai nangawn ui leh ngiate in a utut un nak in zawhthawh ta lel uh hi. A hatte kisimmawh theilo a, a hatlote kisimmawh in kizawhthawh hi.

Nasep kibang ciatciat khat in pek khat ngah in khat in pek nih ngah leh a thaman uh kikimlo ahih manin a sawtna ciangin kilemlohna hong piang ding hi. I satan a kikimloh ciangin a sem tetek, a thapai tetek, a gim tetek pen kinopmawhna hong piang hamtang hi. A diklo ahih manin a diklohna a pulak ngamlo ahih leh bel a meidawi hi a, thudik a genkhia ngamlo; thudik thuman a gum ngamlo, a dinpih ngamlo mi hi cihna hi. Thudik thuman dinpih ngamlote leitungah kithupi muh ngeilo a, thudik thuman tawh a kalsuan ngamte kizahtak in kisimmawh theilo hi. Zomite in Vaphual itna leh Vaphual cihtakna, thumanna, ciampellohna a dinpih minam i hih manin i dikna hangsan sema i dinpih den ding a kisam ahi hi. Minam leh gam a khantohna dingin thudik thuman dinpih a, kalsuana, phulsuak ding a kisam ahi hi.

Sangkah ciangin sangsiate in sangnaupang deihsak tuam a neih leh a dangte in theipah hi. A deihsakna ding 'a hang' om ahih leh bel kihaza theilo a, a hang om keeilo a pum deihsak tuam, satan lianzaw pia den cih pen thudik a theite in zadah pah lian ding uh hi. A zadah peuhmah in dinkhiatpih in siate tungah pulak in gen ngam ding uh hi. Kumpi nasepna ah siamna kibang, zakhanna ding a kibang linlian pen a khatzaw kideihsak in kikhangsak den henla a dang khat pen zakhang ngeilo in dinkhawl den leh kuamah in kipakta hetlo in a zakhang ngeilopa adingin satan kikimlo ahih manin hehna piangsak ding hi. Tuucingpa khat in a tuute lak ah deihsak tuam nei in vil tuam nei leh a dangte sangin thauzaw dinga, a dangte gawng ding hi. Ngaihsutna nei thei mihing khempeuh in 'a kikimlo' satan a om ciangin lungkimlohna piangsak hi cih tel ding uh hi.

Christian masate in a neih khempeuh uh sungkhawm in nekhawm, dawnkhawm, zeekkhawm in na om uh hi. A neih leh lam uh tawh na kidon uh a, a ki itna uh zong na khangin na kingai mahmah uh hi. A up a muan uh thei in zong thupi hi cih thei uh ahih manin tua bang lungdamna thu mi khempeuh in a theih ding uh deihsak in gen kawikawi, puak kawikawi in ngaat takin sem uh hi. Tua bang a sep uh ciangin a Thu bek tawh kalsuan hitheilo ahih manin mihing hihna tawh nek leh dawn zong na kisam uh hi. Tua nek leh dawn dingte a zeek khop uh ciangin a ne ding mi hong tam a, a nek ding hong tawm ciangin Zomite banga "Hawmsem nungta, nebum si" cih mah bangin a kikimin na kihawm diamdiam uh hi. A ciil in tuaci himah leh a sawtna ciang a hawmte ginatlohna hang maw, a van kicinglo ahih manin a tam ngah deuh, a tawm ngah deuh cih bang hong omta hi. Tua bang hong om ciangin pawlkhat lungkimlo in kinopmawhna hong piang hi. Sawltakte in zong a cihna ding uh theilo uh ahih manin a pil, a siam, Pasian a zahtak penpen Stephen leh a lawmte a hawm ding, a zeek dingin na tel uh hi.

Leitung nuntakna ah a kikimlo thu khat peuh na phut khak ciangin a pil pen, a siam pen a ngaihsun zo pen mah in sem leh tangzai pen hi cih theihsa hi. Ahi zongin ki itna, kimaisakna, kilawmtatna leh sepkhawm utna a liat mahmah kei leh kikhenna leh kituambawlna piangin - kei Paul pawl, kei Apollo pawl cih bangin pawl neihna hong om hi. Tua bang ahih ciangin kilomkhat a pumkhat ahih lai zahin thahat zo nawnlo in bah lawh thei hi. Ahi zongin tua bang zeetna a om ciangin pangkhawm in dingkhawm in pumkhat suak den leh gualzo in vaihawm uh a, a deih uh ngah in a deih uh sem thei a, mite tungah kilamto in khangto uh hi.

Zomite in zong a kikimlo i nuntakna ah a om leh tuate i dal ding ahi hi. Zomite in zong midangte tungah a kikimlo vaihawmna i neih leh piangsakpa deihna ahi itna nei in a kikim in vai i hawm ding ahi hi. Mimal nuntak ah hi in, minam nuntakna ah hitaleh a kikim, a kibang, a kituak satan ciat i ngah ding a ngeina hi a tua ahih kei leh bel thudik thuman a theilo i hiam, thei napi dinpih ngamlo hiam hiding hi. Leitungah thudik thuman mah kippen a, kho pen ahi hi. Topa in thudik thuman a dinpih zo dente hong hi sak ta hen. Zomi Khangnote ading a kong at hi.

By: Dr. Hau Za Cin

 
Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 4 of 220

TONGSAN Video

TONGSAN Photo Gallery

TONGSAN Weekly Journal

Who's Online

We have 148 guests online
Joomla Templates and Joomla Extensions by ZooTemplate.com