zomi aw lung lau ken!

ARTICLES Interview Pa Khuppu @ Kyaw Khine tawh Holimna
BLUE GREY RED

Pa Khuppu @ Kyaw Khine tawh Holimna

PDFPrintE-mail

Manipur Zomite sungah Lamka Music Scene lamah Pasian in hong zatsak bek tham loin, ama nuai ah mi tampi'n Music lam phattuamna le khantohna hong ngah lawhna ahi Pa Khuppu@ Kyaw Khine tawh Lamka Huihkhi te in holimpihna (Interview) limcitak neihpih thei uh hi.  Amintak ahihleh Thang Za Khup hi a, Khuppu ahihkeileh Kyaw Khine chi'n kisam hi. Kyaw Khine pen a Kawl min hi a, "Chaw Khaai" cih awsuah tawh kisam hi.
 
Pa Khuppu @ Kyaw Khai pen abeisa April 18, 1976 in Kawlgam leilaw lam Tahnintari Division, tuikulh Beith khuapi ah piang hi. Tulaitak in Pasian piak a zi leh tapa nih tawh Lamka khuapi, India ah teng uh hi. A zi min Esther Cing Khan Lun Buansing hi in, atapa lian pen Ethan Nang Sian Cin le a neu zaw pen Rechab Mung Sian Lian ahi uh hi.  Pa Khuppu @Kyawkhine in tulaitak a inn pan leh Awkhumna  R.R. Studio ah ahunhun in music tum kawm le hun awngte ah music hilhna (Teaching/music workshop) nei-in, ahun tamzaw la phuahna leh music phuahna in zang hi. Tua bek tham loin, Pa Khuppu @Kyaw Khine pen Music kia hi loin, Lakam (poem) leh Tangthu tom gelh le sim (novel) zong lunglut mahmah khat ahi hi.
 
Pa Khuppu (Kyawkhine) in midangte' music kia abawlsak bek hi loin, amahmah in zong Album hong bawl le maw.. ci in mipi lam pan akilungulh kawm kal pan, Tu in " Vontawi Zaideih " kici Album hoih mahmah khat mai May 2012 sungin hawmkhia thei ding cih kiza hi. Hih Album sungah late khempeuh amahmah gelh le sak hi-in, Music zong amahmah tum ngiat ahi hi.  Hih bangin lagelh/ lasak kawm le Music tum tawh athuah khawm pen Zomite sungah a om ngei mengmeng nai lo ding ci leng kikhial lo kha ding ahi hi. Khuppu le a innkuanpihte Topan thupha hong piasak zel hen.
 
 
 
Tu in Lamka Huihkhi te makaihna tawh Khuppu Holimpihna a tomkim cingin anaui abangin neihpih uh hi.
 
 
 
[ LH: Lamka Huihkhi. KP: Khuppu]
 
 
 
LH: Music genre bangbang na tum tangpi a? Bang genre lunglut deuh hi'n na kithei a?
KP: Music genre lam ah bel a ki sam bangbang in na tum zel ing. Studio ah Ballad leh Country lam tam tum deuh ing. Kei kia ka om ciang Blues /Jazz leh Classical te tum thei ing. Rock/Heavy/Punk/ a tuamtuam te zong a sa ding a om leh zong tum nuam sem ing. Ka lung lut deuh bel Jazz lam hi.
 
 
 
LH: Studio koikoi ah a seem/tum kha a?
KP: December Studio (Yangon), Studio D ( Yangon), M M C Studio (Music Ministry Centre) Kalemyo, R.R.Studio (Lamka), Gibeon Recording (Lamka) teng hi.
 
 
 
LH: Laa bangzah mawngmawng nana tumkhe kha ta dia (recordings - album bangzah, album hilou single bangzah veel?
KP: Album pi cing tak tak 100 cing ta ding in ki um ing. Single lam ah zong tam sim ding hi, thei lian zo keng.
 
 
 
LH: Laa bangzah nana phuak?
KP: Laphuah sa Zola/kawlla/Mangla a ki gawm in sawm guk (60) val ta hi.
 
 
 
LH: Bang chidan laa khawng phuah deuh?
KP: Kibang kei. A paisa kum tamzaw te ah Rock lam tam phuak deuh ing. Tulai hun ciang Ballad/Blues leh Jazz lam ah pai deuh ing. A kisap bang in Choir leh Anthem zong phuak zel ing.
 
 
 
LH: Lamka music dinmun na muhdan.
KP: Lamka music dinmun khangto sa mahmah ing. Speed lam zong gen ding om kei, ahih hang slow lam Basics lam i nuai siah khak ding lauhuai sa ing. A hun dungzui in kikhel na om ding cih lam enlai ing.
 
 
 
LH: Maban a na plan hong kum ve.
KP: Maban ah Music Ministry lam lung lut ing, a taktak in bel olsam kei in teh. Ahi zong in a dang ka hih theih tamlo a hih ciang ka maban Music mah hong suak ding hi. 
 
 
 
LH: Leitung hinkhua toh kisai, na gindan, na paidan, khatpeuh hon gen ve.
KP: Leitung ah a siam sa aa a suak kua mah om lo hi, lunglutna taktak tawh lungkia lo a i hanciam leh a piang thei lo tam lo ding hi. Mi khempeuh i mailam a liimci/hoihkim ding in i biak Pasian in hong gel sak sa hi. Han lung ciam ni, kei zong han lung ciam ing.
 
 
 
LH: Maban a na "Vontawi Zaideih" album thak bawl toh kisai, bang gentheih n'on nei a?
KP: Hih album ahihleh keibek in haksatna tampite' lak pan ka bawl khiat ahi a, Zomi mimal khat ciat in n'ong thapiak ding, n'ong hamphat pih ding ut lua ing. May kha sung in hawm khiat ding lam en ing, Topa’n lem a sak leh maw.
 
 
 
LH: Houlim theihna din na hun manphatak nong pia a, kipak mahmah ung ei..
KP: Kei zong lung dam mahmah ing ei . Topa’ thupha!
 
 
 
A LA SAKSA TE:
 
HONG IT ZAW NING TOUPA
Album: Thupha Ngah Minam
December Studio | 1997,
 
N'ONG ITNA LIAN
Album: Topa Hang Bek
M M C Studio | 2005
 
THA HONG PIAN TOPA
TOUPA HANG BEK
BANG DANG OMLOU (duet with Deborah)
THEI SEN NAUBANG (duet with Biaklun)
R.R. Studio | 2001-2002
 
SEN TUNNU
Album: Ciam Pel Lo
R R Studio | 2009-2010 
 
LISTEN:
Khuppu - Hong it zaw ning
 
Source by : Lamka huihkhi (Zomi facebook group)
Comments/Ngaihsutnate (1)add comment
...
written by replica omega speedmaster moon watch , May 07, 2012

Thanks for sharing this, Are you interested in here ,please have a look ! omega seamaster 007 fake replica omega speedmaster
report abuse
vote down
vote up

Votes: +0


Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 111 guests online
Joomla Templates and Joomla Extensions by ZooTemplate.com