zomi aw lung lau ken!

ARTICLES Interview Lasiam Dr. Mangsan Tawh Holimna
BLUE GREY RED

Lasiam Dr. Mangsan Tawh Holimna

PDFPrintE-mail

10599191 684234421645908 6688757305565733611 nZomite' sungah a hunhun, akhangkhang in lasa siam kibehlap zel a, Zogam ah adiakin Pasian phatna la tampi phuak bek tham loin, Series 10 val a bawl khin Rev. Dr. Sian Za Lal @ Zogam Lalpu i tapa nihna Zomi sungah khangno Siavuan sem laitak Tg. Dr. Mangsan in " Thupha Ngah Minam (The Blessed Nation) cih Album thak liklek khat a bawl khaitna tawh kisai Zomi akua maciat i theihpih ding deihsakna tawh Tedim PostTanute tawh Holimna (Interview) tomkim Tongsan Media Group pan kong suahkhia kik uh hi.

Tedim Post- TDP;  Mangsan - Mangsan:

TDP: A masa penin na nu le pa min, na unau sanggam teng uh hong gen dih o U Mangsan?
Mangsan:  Ka pa bel Rev. Dr. Sian Za Lal (Zogam Lalpu) leh ka nu pen Nu Lam Za Cing hi. Unau 4 pha ung. Ka u Tuatuang (Stephen Vocal Band) leh ka naute numei 2 hi in sang kah lai uh. A u zaw B.E (Civil), a nau Economics University akah laitak uh hi.

TDP: Koi ah suak a, tu laitak koi ah teng na hia?
Mangsan: Tedim ah suak ing. Tulaitak pen Yangon ah teng ung.

TDP: Sang koi ah kah na hia?
Mangsan:  University of Medicine, Magwe pan 2009 kumin M.B.B.S tawh sang na man ing.

TDP:  Music lam na kipat cilna hong gen dih ve?
Mangsan: Ka neu tung pan hi mai, 1996 kum ka tan 5 lai khawngin Drum leh Guitar khawng na tum khin ing. Sang kah sung 2009 kumin zong Kawlla khat lawm te 4 tawh kipawlin “?????????” ci-in khui khat na thoh ngei ung. Tuateh “ZOMI EXODUS” ah tum leh sak, “Van Daitui Ciim” ah zong tum leh sak thuahin na kihel ngei ing.

TDP: Tu a na lakhum Album thak pen hong pian khiat dan koici bang e U Mangsan?
Mangsan:  A masa penpenin ka gen nop ah hih khui sunga late pen ka pa la phuah masak penpente lak pan hoih ka sak teng ka sak kik hi a, tua lo “Sansiip” khui sunga ka sak a thak dawng 2 leh a dang a thak dawng 2 ka beh lap kik hi in a thulu ding bel “THUPHA NGAH MINAM-The Blessed Nation” na ci ing.

Tulaitak mite in sum nei paai neite pen mi nuamsa ci-in mu uh a, kei muhna ah bel Topa pen Pasian a anei mite pen “THUPHA NGAH MINAM” hi, ci-in mu ing. A diakdiakin a dangdangte sang ei Zomite pen Pasian in Khristian dinga hong tel ahih manin tua in Thupha ngah minam i hihna hi, ci-in ngaihsun ing. Tua ahih manin ka album min pen “THUPHA NGAH MINAM” ci-in min na pia ing.

TDP:  Ei Zomi sungah music tawh kisai ahuampi-in bang cin na mu a?
Mangsan:  Minam lian, minam neu sungah ei pen minam neu hi lai i hih manin Modern Rock khawng bel tua zah pi-in kideih zo nai tak kei sa ing. Country Style a i la phuah i lasakte mah kideih den zaw pian lai, Country Style bel kitaisan thei kenteh, zong kipaisan thei tuan ken teh ci ing. La bel bang bangin i bawl zong a zaknop dingin kibawl leh hoih sa ing.

TDP:  Siavuan lasa cih tungtawnin mi-in bangci hong muh ahia?
Mangsan:  Kei bel ka neu lai pek pan music tawh a khangkhia hing. Ka gen samah bangin tan 5, tan 6 pekin Guitar, Drum khawng tum khin ci mai o. Tan 9, tan 10 bel boarder ah om ing. Lai zong a pil hi keng e. Ka mark in Siavuan kah theih nading cin ahih manin Siavuan akah hi mai ing. Mite’n bel Siavuan mahin hong mu uh, ahih hang ka sung a om kei hihna taktak bel music hi zaw.

MBBS ka uk masak loh hangin kah phot ka hih manin hanciam suak veve ing. Khangno pawlkhat pen uk lo, cih paulam uh in adang lah lawhcinna nei tuan lo. Tua ahih manin i uk loh khat munah i om phial zongin zawh teitei ding leh i ukna mah zong khahsuah tuan loh ding hoih sa ing.

TDP:  Mai lamah bang sep sawm na hia U Mangsan?
Mangsan:  Music Ministry khat tawh lasa in Pasian na sem nuam ing.

TDP: Lungdam ei leh, TEDIM POST e leh bang ci muh na hia?
Mangsan:  Ka lai thupi peuh mah ei. A kisam cih sang sep loh phamawh ding khat a sem hi uh cei, hoih sa peuhmah ing. Gam leh minam a ding hong hanciam toto lai vo. Lungdam mahmah ei…

 

Ref: Tedim Post

Posted; Tongsan Media Group

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 317 guests online
Joomla Templates and Joomla Extensions by ZooTemplate.com