Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142

News

Zogam Leitaw lam Khantohna Pawlkhat

PDFPrintE-mail

Written by Tongsan Admin Tuesday, 21 April 2015 10:13

Matupi lei

Zogam(Chin State) leitaw lam Matupi-Paletwa motor lam (tai-135) honpawi pen Matupi leh Paletwa mun(2)pan kibawl aa, (6.4.2015) ni zingsang nai(9:30)AM hun-in Matupi khuanawl Kaisi mualvum ah Zogam Parliament Makaipi U Hau Khen Kham, Lam Zumpi pan Dy Minister Dr. Win Myint, Zogam kizop kikawmna lam Vuangyi U Ngun San Aung, Zogam Parliament Makaipi hun U Ohn Lwin leh Matupi gam khantohna’ng Makai lutangpi U Lian Thang ten Ribbon khau at-tanna tawh ahon khit ciangin, State Chief Miinister U Hung Ngai-in,Ciaptehna mualsuang honna tawh zomsuak cih kiza hi. Tua lampi honna-ah a kihel Makaipi tengin Ciaptehna mualsuang Thupha piakna leh tuisiang thehna nei cih kiza hi.

Lamhonna-ah akihel Makaipi te Motor (18)tawh Matupi-Paletwa lamthak zui-in maban zom uh-a, (9/0)miles pan Mudra Construction Co.,Ltd ten Sun an tawh na vaidawn-a, Company nasepna te gamlim tawh lak-in telgenna nei cih kiza hi. Tua ban-ah motor hon tawh lamthak zui-in Paletwa lam manawh uh-a, Bawili lui-ah Aya Shwe war Construction Co.,Ltd vaisai ten na vaidawn leuleu aa, BAWILI LEI lamloh a phamawhna thu Lam zum pan hongzin Makaipi te tung pulakna nei uhhi. Bawili gunsung tawn-in kikantan-in maban zom uh-a, nitaak lam nai(3:50)PM kiim in Sami khuapi thak tung-a, Khuanu khuapa Kumpi nasem mimal kim
in, kigual deudau in vaidawnna, Khumi+Yakhine+Mro ngeina lam te tawh nopci takin vadawn muakna nei uh-a, Makaipi te lungkim mahmah in tua zan Sami ah giak uh hi.

2015 April (7)ni zingsang nai(8:38)AM hun in Sami gun aa kilam Sami Sikzawl Sikkhau lei Honna kinei-a, tua honna hun ah Chief Minister U Hung Ngai-ii genna-ah hih lei pen (1050)Billion bei-in kibawl hi-a, Ton(22) gik ciang kho zo hi. Pi(440)sau in Zogam a om Sikkhau lei lakah a saupen hi-a, (1.10.2014)in “Lei nasem kipawlna(10)”ten vaipuak la nasep kipan in (27.3.2015)ni-in hong zosiang uhhi ci hi. Ciaptehna mualsuang honna a kineih khit ciangin Motor te tawh maban zomsuak uh-a, Paletwa khuapi sun (11:50)Am hun-in tung uh-a, khualum henhan lua ahih man-in tawlnga hithiat phot uhcih kiza hi.

2015 April (8)ni zingsang nai(8:30)AM hun-in, Paletwa lutna-ah MATUPI-PALETWA MOTOR LAM (Paletwa lamkhen)honna kinei-a, tua honna hun-ah State Parliament Makaipi U Hau Khen Kham, Lam Zumpi pan Dy Minister Dr. Win Myint, Zogam kizop kikawmna Vuangyi U Ngun San Aung, Zogam Gam leh Leitang kem Vuangyi U Kyaw Ngein leh Paletwa State Parliament Pu Nan Saih te Ribbon mutpuak khau attanna tawh honna nei uh cih kiza hi. Tua ban-ah ciaptehna mualsuang Pu Hung Ngai (Chief Minister)in set kipei mekkek tawh honna nei-a, Matupi-Paletwa Motor lampi tai(135)sau honna pawipi pen lawhcing takin kigualzo cih kiza hi.

Matupi-Paletwa motor lampi thak pen 2011 pan kipan lampi kekna, leineuneu bawl/thuahna, menciim dalna bawlna, leiphil dalna bawlna, kultal lampi bawlna cihbang a kumzui-in kibawl toto-a, Kawlgam lam pan Company lian (9) [Mudra Construction Co.,Ltd; Be One Construction Co.,Ltd; Ayar Shwe War Construction Co.,Ltd; Unique Enterprise Construction Co.,Ltd; Shwe Ka Son Construction Co.,Ltd; Than Naing & Brothers Construction Co.,Ltd; Best Luck Construction Co.,Ltd; Brave Tiger Construction Co.,Ltd; Myanmar Ah Hla Construction Co.,Ltd]ten vaipuak la-in, sikbilatmi tawh kibawl tuikhettna (75), mencim/leiphil
dalna (30), Pi(50)nuai lei (14) kibawlkhin-in, sum zatna pen lamhonni ciang (14382.65)Billion bei cih Chief Minister-in lam honpawi-ah pulak khia hi.

Hih lampi tungah khua(18) om-a, Tuk, Khuakhal omlo a tawntung akizin ziahziah theihna dingin, Bawili gunlei (Matupi leh Paletwa gamkikhenna-ah om)leh Kaladan gun @ Kesapahnadi gunlei bawlding kisam lai hi. Bawili gunlei pen Lam Zumpi pan hongzin Dy Minister Dr. Win Myint in tukum sungin bawl ding cih kamciam piakhin cih zong Chief Minister in gen hi. Hih lampi thak ahoih suaksuak nangin tukum (3974.15)Billion tawh kipuah kizun ding cih geelna dik omkhin ci hi. Zogam adingin Matupi-Paletwa motor lam tai(135)honna pen kep leh zuundet ding tangthu thak hoihkhat ahi hi.


Thupuak:


Tg. John Thang Za Khual @ Khual Suante
Sami Town
Paletwa Township

 

Tedim Khuapi ah English hilh ding Zinkhia uh

PDFPrintE-mail

Written by Tongsan Admin Tuesday, 14 April 2015 15:13

Zomi Language and Literature Society 9

Zogam, Tedim khuapi a kinei ding a(2)veina Zosuan Tuailai Khawmpi hun ding hong nai semsem a, pawi sim dingin sim le hmar pan Zosuan Khangnote kithawisan mahmah laitak uh a, tua khawmpi sungah hungeelna omsa bangin Mikang pau bulpi (Basic Spoken English) sinna thupitak kinei ding cih kiza hi. Tua laiah laihilh dingin India Zomite sungah lai lam khantohna ding kipawlna (Zomi Language and Literature Society-ZOLLS) te' makaihna tawh mikang lai le pau siam Sia/Siamah College/ University sangnaupang vekpi mi 26 te New Lamka khuapi, ZOLLS zumpi pan Zomi kipawlna tuamtuamte' makaipite ahi; Pu LB Sona (Chairman-Zomi Council); Pu K.Guite (Advisor- ZRO),Pu Langh Khan Pau (Chairman, Autonomous District Council, Churachandpur), Pu K. Vungzamawi (Asst.Professor & Secy, ZEPADA) pan makaipite in thugenna le kam vaikhakna aneih khit uh ciangin Rev. Dr. Luai Cin Thang (Chairman- ZOLLS) i thungetsakna le thupha piakna a neihkhit teh April 13,2015 ni zingsang (5:30 Am) hunin Kawlgam, Chin State, Tedim khuapi lam zuanin zinkhia ta cih kiza hi.

Thukizakna danah Pasian thukimpihna om le Kawlpi a om Zomi Youth Association (ZYA), zumpi ah ZYA makaite, biakna makaite le khuanu khuapate tawh kimuhkhopna nei ding uh hi. Kawlpi pan Tedim lam zuan suak ding uh a, Tuailai Khawmpi sungah Mikang lai/pau hilhna ah nasiatak panlak sawm mahmah uh hi. Laihilhna ah laibu zat dingin ZOLLS te' bawl “Mangkam Sinna Bu” cih laibu lesson-46 om zangh in Mikanglai nasiatak hilh ding uh hi. Amaute pen Sia S. Dal Sian Pau (Secretary- ZOLLS) in makaih a, Tuailai Khawmpi hun a zat khit April 27, 2015  pawlin Manipur, Lamka khuapi zuan kik ding uh cih kiza hi.

Tutung Tuailai Khawmpi tungtawn ah ZOLLS vaihawm siamna tawh India Zomite le Myanma Zomite' kika kizopna thak le nasepkhop theihna ding kalthak hi dingin kilamen ahih manin, India lam pan a kalsuankhia sanggamte pen Missionary nasem taktak hi dingin kiciamteh thei hi. Tua banah hih a (2)veina Tuailai Khawmpi-2015 ah sum le pai le vaihawmna khempeuh Zomi Innkuan Singapore (ZIS) le USA, Australia, Norway, Japan, New Zealand, Malaysia, Myanmar pan cih bangin kipawlna le mimal veina tawh mapangkhawm cih zong Dr. Hau Za Cin ( President of ZIS) tungtawn in kizasawn hi.

Source: Phualva

Posted: Tongsan Media group 

Zomi Language and Literature Society 42

 

 
 

Kawl Tuibuak Pawiah Zomite Laam

PDFPrintE-mail

Last Updated on Sunday, 19 April 2015 19:24 Written by Tongsan Admin Monday, 13 April 2015 16:27

549282 560787690730674 7430547801377281083 n

Tutum Kawlte tuibuakpawi (Water Festival) pen Kawlgam mun khempeuh phialah thupitak kibawl a, adiakdiak in Yangon khuapi laizang a om Yangon City Hall mai ah April 13,2015 ni zingsang (7:30 Am) hunin thupitak kibawlin Yangon khuapi governor U Hla Myint in pawi honna nei hi. Tua laiah Kawl ngeina lam(Dance) le mualmi nam tuamtuam pan minam lam khat ciat lak uh a, Zomi khangno pawl khatin Zongeina lam (Zomi Tranditional Dance) khat tawh kihel thei uh cih kiza hi.  Zomi khangno lam lakte lam siam le hoih kisa mahmah ahih manin, a ninih ni zongah lak kik dingin hanciamna nei bek tham loin, a khatna dinmun dong ngah zawhna ding hanciam uh cih kiza hi.

Source: Tg. Paulun (Yangon)

Posted: Tongsan Tanute

 
 

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 2 of 715

TONGSAN Video

TONGSAN Photo Gallery

TONGSAN Weekly Journal

Who's Online

We have 117 guests online
Joomla Templates and Joomla Extensions by ZooTemplate.com