zomi aw lung lau ken!

NEWS Tongsan News
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142
Tongsan News

US le Kawlgam Sumbawlkhop Ding Thukimna Nei

PDFPrintE-mail

Written by Tongsan Admin Friday, 24 May 2013 07:53

Demetrios-and-Dr-Pwint-SanKawlgam President Thein Sein in Washington, USA ah a ciaptehhuai khualzinna a neih hun sung pen gam pawlkhat kipawl in adang gamte' sipuazi kiamsak na ding vaihawmna a thahatloh hun sung zong hi a, US kumpi lam pan a tawm penpen agency nih in Kawlgam tawh van kikhek sumbawlna akibang/ akikim in neih ding thukimna letmat thuh uh hi.
 
Nung May 21, 2013 ni-in, US Trade Council in Myanmar-US Trade Council kici Kawlgam le US van kikhek sumbawlna kipawlna thak phut khia uh a, Washington, New York le Yangon khuapite ah US-Myanmar Trade laptohna ding zumpite hong ta ding uh hi. Tua banah May 22,2013 ni-in, Trade and Investment Framework Agreement (TIFA) kici vankikhek sumbawlna le sum le paai tawh nasep zia ding thukimna lai khat bawl leuleu uh a, Acting US Trade te' taangmi Demetrios Marantis le Kawlgam kumpi' Deputy Commerce Minister Dr.Pwint San te in sumbawlna lam tawh kisai holimna le suaikaihna nei uh hi.
 
Hih kipawlna Council thak i tu le tu a, tavuan lak pah dingte in, US in Kawlgam tungah sumbawlna lam a khaktanna /guhgawinate a hep khiatna ding le Generalized System of Preferences (GSP) cih dan thak khat tawh kituak in, US ah akilutpih Kawlgam van zuakkhiatte tungah siah (tax) akilak lohna dingin, Council Chairman Mr. Bart S. Fisher leh Washington DC le New York te ah phualpi anei vankikhek sumbawlna le sumvai advisory firm i Omni Advisors LLC te' Chairman pa in ngetna nei hi.  A ma genna ah, "Eite in, a suakta vankikhek sumbawlna leh suakta taka vanzuak theihna ding mun (market )te abeisa sang, in nasia zaw a, laihtohna-in Kawlgam sung democracy gam tawh a kibat semsem theih nading gelnate hong huhin, lamsang semsem hi cih i um hi." ci in gen hi.
 
Ambassador Marantis i genna ah, "Sum bawlna lamah kilam kiknate le vankikhek sumbawlna cihte pen khat le khat kipanpih tuak uh hi. A thahatzaw kipawlna, sunglam pailet a sepsate muhtheihna, le thukham tawh ki-ukna cihte in vankikhek sumbawlna, sumkhekna le sum le paai tawh nasepna cihte ading, a thahat zaw dinmunte piangsak hi." ci hi. Hih thu pen abeisa hun khat lai akipan Kawlgam ai le tanh ding tawh kisai khauhtak apanpih den ahi US Senator Mr. Mitch McConnell tung pan hong piangkhia hi a, Thein Sein i US a zinna tungtang tawh kisai, a ciahkik dong ama muhna agenkhiatna ah, US in Kawlgam tungah sumbawlna lam akhaktanna hong kihonkik theih nading lamsialna ahi hi." ci-n gen hi.
 
Tua banah "Kawlgam ai le tanh dingte kikhak suak lai hi mawk leh Kawlgam akikhelsak nuamte ading in paangbet piak tawh kibang dinga, Kawlgam kikhel ding adeihlote thapiakna tawh kibang ding hi cih ka um hi." ci in genbeh hi. Gamnih a kikim vankhek sumbawlna  neih ding vai neukha bek mah hi a, ahi zongin hong khang toto thei ding ci hi. Tukum amasa kha 3 sungin vankhek sumbawlna ah kizangh sum vekpi US dollar awn 90 (US$90 million ) pha khin ta hi.


Translated by Prof.Dr.David Ngin Sian Pau
_________________________________
 

Sihkohna le Dahpihna Thupuak

PDFPrintE-mail

Last Updated on Thursday, 02 May 2013 13:10 Written by Tongsan Admin Thursday, 02 May 2013 12:03

WRTtuscan08 PFZogam, Tonzang gam huam Kansauzang khuami Pinlong (9), Kawlpi ateeng Sia Kham Do Dal @ Sia Daltawng (General Secretary of ZOFA) i pianna pa Pu Am Za Khen (Kum 68),Ngaihte beh in May 2,2013 ( 3:00Pm) hunin, a teenna inn pan hong nusia in, May 3,2013 ni-in Dowaichaung Khristian hanmual ah Emmanuel Baptist Churchte' makaihna tawh kivui ding cih Tongsan Reporter, Yangon pan kiza hi. A nusiat a zi le ata atute akipan pawlpi mite khempeuh le US lam a om a ta a tute khempeuh Topa Khasiang tho in hehnepna kicing na tungsak hen thungetna i neihpih kawmin, Tongsan Media pan dahpihna i pulak hi.

Tongsan International Media Group

Headquarters

Kalaymyo, Zogam

 

 
 

Sihkohna le Dahpihna Thupuak

PDFPrintE-mail

Last Updated on Monday, 15 April 2013 16:08 Written by Tongsan Admin Monday, 15 April 2013 16:06

WRTtuscan08 PFZogam, Tonzang gamhuam Luangel khuami Kawlpi- Tahan veng ateng Pu Hil Khaw Zam, Suante beh (Kum 73), Pi Thuam Khaw Man it mahmah a pasal, Pa Vial Khan Do (ZOF President) i pianna pa in tuni April 15,2013,(7:30 Am) hunin a teenna Inn Tahan pan hong nusia cih thu Tongsan Reporter, Yangon tungtawn in kiza ahih manin, a nusiat a zi atate le a tute tawh kibangin Tongsan Media pan Dahpihna i pulak hi.

Pu Zam i luanghawm pen April 17,2013 ( Wednesday) ni ciangin Tahan Baptist Church te vaipuakna tawh Tahan Khritsian hankhuk ah kivui ding ci hi. A pa luang tawh a om khawm theilo a tate ahi; Pa En Lian Pau ( Founder of Zomi World Cup, USA) te innkuan, Pa Thang Muan Pau ( Thailand)te' innkuan, Rev. Dr. Thang Suan Piang ( Pastor of Mandalay Zomi Baptist Church)te innkuan, Yangon, Mandalay lam a om sanggamte khempeuh tungah Khasiang tho in hehnepna kicing na tungsak hen. 
 
Tua banah Mandalay a om a tapa Rev. Dr. Thang Suan Piang ( Pastor of Mandalay Zomi Baptist Church)te innkuan le Yangon ah zato kilak a om laitak ahi a tapa Upen Pa Vial Khan Do ( ZOFA President) te zong zing ciangin vanleng tawh Kawlpi-Tahan zuanto ding uh cih kiza ahih manin, cidamin pa luanghawm a lapna theihna ding le akisam vaite a hawm theihna dingun thungetnna ah phawk ciat ni.
 
Pu Zam pen mi citak le Pasian a it tinten  bek tham loin, atate maban limci vive a deihsak mahmah Pa Hoih khat ahih manin, a tate le tute bek tham loin, Zomi sungah Pa hoih khat kisumh ahi hi. Hong nusiatna tawh kisai akizakna ah abeisa 2007 akipan sikhum le zunkhum natna ngahin, zatui hoih nono tawh akibawl tohtoh hang Pasian geelsakna ni le hun hong tung ahih manin, a nopzawkna mun ah hong paisan ta hi. Pu Zam in a nopna Topa Pasian angsung ah a tawntung tawldam den ta ding hi. 
 
Dahpihna tawh,
 
Tongsan International Media Group
Headquarters, Kawlpi
 
 

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 5 of 242

TONGSAN Video

TONGSAN Photo Gallery

TONGSAN Weekly Journal

Who's Online

We have 55 guests online
Joomla Templates and Joomla Extensions by ZooTemplate.com