zomi aw lung lau ken!

NEWS Tongsan News
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142
Tongsan News

Pa Thang Do Hang USA Cidam in Tung Kik

PDFPrintE-mail

Last Updated on Thursday, 21 March 2013 14:45 Written by Tongsan Admin Thursday, 21 March 2013 14:19

DSC03431USA, Florida, Miami ah kum 15 sung bang a om khit nungah Kawlgam le Zogam a pianna Tungzang khua dongah a ciah kik pan ahi Pa Thang Do Hang (International Tongsan Consultant of  Florida-USA) pen abeisa February-March 2013 (khakhat val) sung Kawlgam va ciahin Tungzang khuazang bupin Kongpi bawlin, Thau lawn ziahziah in vaidawnna nasiatak nei uh cih kiza hi.
 
Tua bek tham loin, hausate vaihawmna tawh vaitun Sagawhna le holimpihna zong thupitak nei uh hi. Kum tampi sung inn lam om loh kalin a pianna Pa Kham Cin Kap in nusia mah le a it mahmah a Nu le a zi banah pawlpi mi, u le naute tawh cidamtak kimuthei kik ahih manin Tongsan Media pan lungdampih hi hang. Khua lam vaite khempeuh a zawh khit nungah March 16,2013 ni-in Malaysia lam zuankik in Kuala Lumpur Airport ah Malaysia Tungzang Innkuan makaite in vaidawnna nei uh hi. Hun tam ngahlo ahih manin, Airport pan ZAM zumpi lutsuak in ZAM makaite le ZSM makaite tawh holimna nei thei cih kiza hi. 
 
Tua holimna ah Malaysia a om Zomite' kilawmtatna thupi khat ahi ZOMI CUP ading Pa Hangpi in sum le paii a piakkhiatnate hangin ZAM makaite in lungdamkohna nei uh a, Pa Hangpi in zong ZAM nasepnate Tongsan Media tungtawn in a zaksawnna le a thangahna thute pulakkik hi. ZAM zumah Coffee dawnkhopna a neih kawmun, ZAM makaite tawh phawkna Lim (Photo) kilakna zong nei uh hi. 
 
Tua banah March 17,2013 (Sunday) ni zingsang in Rev. Pau Cin Thang makaih ahi CMF pawlpi ah thugenna hun zangh in," Upna tawh kalsuanna " cih thulu tawh ama nuntakna tungtawn in thugenna nei-in, adiakdiak in Sawm a khat piakna a thupit zia a genna-ah mipite'n thangah thei mahmah cih kiza hi. Pasian makaihna hang mah tawh March 19,2013 ( 9:00PM) hunin Kuala Lumpur airport pan US lam zuanin ciah kik ta cih kiza hi.
 
Pa Thang Do Hang pen Mandalay University pan B.A (English, Hons)., M.A (English) tawh sang zo hi. Mikang lai/ pau siam ahih manin, Sang kah kawm mahin Mandalaly Taungzalat Hotel ah Manager sem hi. Pasian lam honsakna tawh 1997 kumin US Visa ngahin tuni dong USA ah teeng suak hi. Minam le Pasian it khat ahihna tawh a pawlpi Tungzang UPC biakinn Taih (Building) tawh lamsak hi.
 
Tua bek tham loin,tulaitak Tungzang Global Assoction (General Secretary), LZI Member le Florida Zomi Innkuan makaipi panmun cihte ah minam itna tawh mapanna nei kawikawi hi. Pa Hangpi i maban khempeuh ah Topan cidamna le gualzawhna tawh na makaih suaksuak lai hen cih Tongsan International Media Group pan deihsakna i pulak hi.
 
Lungdampihna tawh,
 
Tongsan International Media group
 
 
 

Tongsan Media pan Lungdampihna Thupuak

PDFPrintE-mail

Last Updated on Monday, 18 March 2013 22:44 Written by Admin Monday, 18 March 2013 09:39

Family 490x640Tongsan International Media Group nasepna Lai let (Tongsan Translator), panmun len kician mahmah ahi Pa Kham Khan Suan, Kawlgam level ah Zosuan limsuai siam minthang (Artist Kyaw Kyaw Oo) zong akici innkuante in, Malaysia ah kum bangzah hiam sung a om khitteh amau innkuan ading Pasian deihsakna mun le gam ahi USA leitang ah March 18, 2013 Monday, (11:00AM) hunin Malaysia gam Kuala Lumpur International Airport pan USA gam zuanin leng theita uh ahih manin, Tongsan International Media Group pan lungdampihna i puak hi.

Pa Kham Khan Suan (Tongsan Translator) in tapa 2, le tanu 2 nei-in, amau nupa tawh mi 6 cidam takin lengkhia thei uh hi. Kuala Lumpur khuapi pan mundang kawm kul nawn loin, Los Angeles khuapi tungsuak pah ding uh a, Los Angeles International Airport pan ateenna ding mun uh Texas State, Dallas-Fort Worth khuapi zuan ding uh hi.  

Minam kipumkhatna ding le i Zolai khantohna ding a lunggulh mahmah Pa Kham Khan Suan te' innkuan a maban vaite khempeuh ah minam a bawl le a zuun Pasian in thupha hong piaksak semsem hen ci-in Tongsan Internationa Media Group pan naseppih khempeuh in thupha i paih hi. Tua bek tham loin, a tuntunna gam le leitang pan Zomite le Khrist ading a tangzai zaw semin mapang suaksuak zo ding Topa'n thupha hong piaksak ta peuh hen.

Tongsan International Media Group

 

 
 

Tongsan Editor Kilaih Ta

PDFPrintE-mail

Last Updated on Wednesday, 13 March 2013 17:31 Written by Tongsan Admin Wednesday, 13 March 2013 15:46

228446 209280929112150 6708619 nZomi sungah Thukizakna laihawm tuamtuam i nei a, Kawlpi pansan in abeisa 2006 kum kipan i hawmkhiat Tongsan Weekly Newsletter pen amasapen le tuni ciangciang Nipisim manman akihawmkhia zo pen hi dingin i lamen hi. Tongsan Weekly Newstter nasepna-ah adiakdiak in Tanu (Editor) te in mimal le innkuan hamphatna ding lamen loin minam le Zolai itna bek tawh kipumpiak in nasem uh ahi hi. Khasum sangloin nasemte ahih mah bangun Innkuan vai tuamtuam hang tawh ahun zui-in, kilaih to zel hi. 

Abeisa July, 2011-March 13, 2013 sung Tg. Langh Do Lian (Lianpi) in, minam le lai itna tawh Tongsan tanu (Editor) hong sepsak in, innkuan vai manlahna tuamtuam tawh tukha March 2013 akipan hong tawlnga kik hi. Hih bangin kum 1 le kha 7 sung citak le hanciamtak a minam ading hong semkhia Tg. Lianpi tungah Tongsan Internation Media Group pan lungdamna le pahtawina lianpi i pulak hi. A mah le innkuan maban nuntakna ah minam a bawl Pasian mahin thupha hong piaksak lai hen.

Tg. Lianpi hong tawlngak ciangin a maban zom dingin minam le Zolai a it mahmah Tg. Vungh Pian Thang, tulaitak Zomi Siamsin Kipawlna makaipi (Kalay) in March 2013 akipan Tongsan Tanupi (Editor) hong sem ta ding ahih manin, lungdamna tawh i muak hi. Tongsan editor alui le Editor thakte Panmun /vaipuak kipiakna zong March 13,2013 ni (Wednesday) 7:58 AM hun-in, Tongsan zumpi-Kawlpi ah nuamtak  kinei thei hi. Tua panmun ki-apna hunah Pa Pau Lian Mung (Tongsan sumkempi), Pa Pau Cin Lian (Tongsan Consultant), Tg. Langh Do Lian (Tongsan Editor lui) le Tg. Vungh Pian Thang (Editor thak)te kihelthei uh a, Pa Pau Cin Lian in Taungpyataan Niangtuisai ah Zing niangtui le Moh khamtak vaak ziahziah hi.

Tua banah Editor lui Tg. Lianpi in zong Zomi le Zolai itna tawh Tongsan Media nasepna-ah Kum 1 le kha 7 sung tawntung a mapannate pulakna le lungdamkoh thugenna nei-in, Editor thak pa-in zong Zomi Zolai mit suanin, ma hong pannopna thute pulakna nei in, vekpi in lungkim le tha kingah mahmah hi. Pa Pau Lian Mung ( Sumkkempi) in Editor thakpa Tg. Vungh Pian Thang muakna le Pasian tungah apna nei-in Zingsang nai (90:00 AM) hunin Vaipuak ki-apna hunte kizawh bawl hi.Tongsan Media group nasepna khansawt hen.

 

Tongsan International Media Group

Headquarters, 

Kawlpi- Zogam

 
 

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 6 of 242

TONGSAN Video

TONGSAN Photo Gallery

TONGSAN Weekly Journal

Who's Online

We have 139 guests online
Joomla Templates and Joomla Extensions by ZooTemplate.com