zomi aw lung lau ken!

NEWS Tongsan News
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142
Tongsan News

Tongsan Conference le Reporter Award 2012 Kipia

PDFPrintE-mail

Last Updated on Monday, 21 January 2013 13:47 Monday, 21 January 2013 13:28

 

Photo

Leitung Zomite' Nipi kalsim Thukizaktuahna tukal a kihawmkhia " Tongsan Weekly Newsletter", Lom (8), Hawm (3), na pen kumsim a i neih zel Tongsan palaite kimuhkhopna " Tongsan Agent Conference " le Tongsan thupuak hat pente Pahtawi piakna " Tongsan Reporters Award 2012" hun tawh hong kituakto thei ahih manin, Tongsan Editorial sungah Tongsan Conference Thukonghonna hong kisuaksak hi.

Tongsan Conference hungeelna bangin tuni January 19,2013 ni-in Pa Pau Lian Mung ( Tongsan sumkempi) inn, Pinlong 5, Bogyoke Road, Kawlpi ah nuamtak kineithei ahih manin Pasian min i phat hi. Mun tuamtuam le pawlpi tuamtuam pan hong pai khawm Tongsan Palai ahithei zahzah tawh thukikupna le pahtawi piaknate nuamtak akineih khit ciangin Aksa le Bawngsa meh lim mahmah tawh ankuang umkhopna kinei hi.

Tongsan Award Committee i teelkhiatna omsa mah bangin Lic. Dai Suan Kham @Peter Khampu, Kawlpi in abeisa kum 2012 ading Tongsan thupuak Hat pen Pahtawina " Tongsan Reporters Award 2012" hong ngah ahih manin, Pahtawina Laipi le sumtang Ks. 20000/- (Tulsawm nih lian) kipiakhia hi. Khawmpi hun sungah Tongsan Agentte' tungtawn in kumkhat sung laihawmna le Tongsan maban kalsuan zia ding cihte akipan amau mimal muhna ciat pulakna nei uh a, tha kingah thei mahmah hi.

Tongsan International Media Group (TIMG) nuaiah hiang tuamtuamte ahi; (1) Tongsan Weekly Newsletters, (2) Tongsan Mailing Group,(3) Tongsan Official Website le (4) Tongsan Facebook etc.. ah malaknate abeisa sangin hanciam semsem dingin Palai khatciat in thasannopna nei uh ahih manin, Tongsan tanute khempeuh in thangahna lianpi kineibeh hi. Mai lamah zong minam le Zolai lapsangna ahi Tongsan Media nasepna in pahtawi huaite pahtawi in, a guallelte domsang theihna ding hanciamna le thuletpi ahi semsem dingin thukimna kinei hi.

Tua bek tham loin, kumsim mah akinei zel ahi Tongsan Group sungah laigelh siam le laigelh hat pente pahtawina " Tongsan Pen Award 2012" zong hong tung ding Zomi Nam Ni - February 20 ni ciangin kinei leuleu dinga, Tongsan  Award Committee in geelna a neih laitak ahi hi. A sawt loin Internet Online Poll System tawh mipite teelsak dingin hong kitangko khia ding ahih manin mipi lam pan i teelsiam ding kong zasakkhol uh hi. Tongsan Media khansau in minamte' kipumkhatna le khantohna apian semsem nading mapang khawm suak lai dingin i kizawn phapha hi.

Tongsan Award Committee
Tongsan International Media Group (TIMG)
Headquaters, Kawlpi- Zogam

Photo

 

 

Tongsan Conference le Reporter Award 2012 Kinei Ding

PDFPrintE-mail

Last Updated on Thursday, 17 January 2013 00:45 Monday, 14 January 2013 14:47

 

Photo

 

TONGSAN AGENT CONFERENCE & TONGSAN REPORTER AWARD 2012

Zolai / Zopau ngiat tawh Leitungbup Zomite' Thukizaktuahna " Tongsan International Media Group " i nasepna hiang khat ahi Kawlpi pan Nipi kalsim a kihawmkhia " Tongsan Weekly Newsletter " in kumsim a kinei den Tongsan Palaite Kimuhkhopna " Tongsan Agent Conference " pen January 19,2013 (Saturday) ni ciangin Pa Pau Cin Lian, Tongsan Advisor, (Nawarat Home), Bogyoke Road, Pinlong (9), Kawlpi ah thupitak kinei ding hi.

Tua laiah kum sim akipia zel ahi Tongsan thupuak hat pahtawina " Tongsan Reporter Award " kinei dinga, pahtawina ngah dingte tawh kisai Award Committee le Tongsan Tanute in teelna a kineih ciangin Peter Dai Suan Kham ( Sia Peter Khampu), Kawlpi pen 2012 kum Tongsan Thupuak Hat pen Pahtawina " Tongsan Reporter Award 2012 " piak ding khensatna kinei hi.

Hih Pahtawi piakna pen gam sung le gam pua huamin kiteel ahih mah bangin, leitungbup a huam Zomite kipahtawina khat zong ahi hi. Pahtawina hong ngah Sia Peter Khampu le innkuanpihte Tongsan International Media pan lungdampihna i pulak phapha hi. Pahtawi huaite Pahtawi siamna le domtoh huaite domto ding cih Tongsan International Media Group in thuletbulpi khatin kinei hi.

Pahtawina laipi le vante Tongsan Agent Conference hunpi sungah piakkhiatna kinei ding ahih manin, thuciamtehna Video / Photo te a sawt loin Tongsan Official website le Media Group pan hong kitangko khia kik ding cih thuthak kong zasak uh hi.

Tongsan Reporter Award Committee

 
 

DKBA Day leh Zomite

PDFPrintE-mail

Last Updated on Wednesday, 26 December 2012 20:18 Wednesday, 26 December 2012 20:17

Democratic Karen Benevolent Army kiphuh zawh kum 18 ci'nna pawipi, Karen gam Myawaddy township sung, Sonesee Myaing phualpi ah december 21, 2012 ni in thupi leh nopci takin  kibawl cih kiza hi. Hungeelna pen zingsang nai 7 in kipan a, DKBA makai Senior General Saw La Pwe in military parade column 10 te  kiang pan zahtak piakna tawh hun ki hong a , tua khit ciangin Myangyingu Siampupa leh DKBA political wing ahi Kaloo-htoo-baw Karen Organization-KKO pawllutang huh Pu Mosi in thugenna leh hanthawnna pia  ci hi. General Saw La Pwe in KKO/DKBA pen Karen minam bek hilo in, mualmi khempeuh a ding nasem kipawlna hi in, mailam ah zong tuabang mah in dingto lai ding  ci in gen hi.
Tua banah DKBA Tactical Commander Brigg. Kyaw Thet in " DKBA pen Kawl kumpi bek hilo in, kipawlna dang khenkhat in zong abei leh asiat nangin panlala om hi. Ahihhangin gam leh nam a dinga nasepnate khawl tuanlo a kizom toto lai ding hi." ci in gen hi. Politics tawh kisai Col. San Aung in " Politics ah bel phualpi KNU policy zui in ka kalsuan ding uh hi." ci in KIC News te kiang ah gen  hi. Tutung DKBA kumci'n pawipi ah Shan, Rakhine, Kayah, KNU/KNLA, NLD leh Yangon pan Pu Nay Myo Zin va kihel thei in,  mipi bel 4000 val in uap uh ci hi.
Zomi te zong pawisiim dingin hong cial uh a, Zomi Independence Army palaite va kihel thei cih kiza hi . Zolam zong lunggulh uh ahihmanin, ZOMUS te zong Zo ngeina leh lam lak dingin WZC in request a, ahih hangin ahun toi lua banah, lungdambawl hun leh siamsinte sang kihong kik hun ahihmanin, ami ding lem pak thei lo a,Zo ngeina leh lamte va kilak theilo cih kiza hi.
Source by: Zokhup's Blog
 
 

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 8 of 242

TONGSAN Video

TONGSAN Photo Gallery

TONGSAN Weekly Journal

Who's Online

We have 64 guests online
Joomla Templates and Joomla Extensions by ZooTemplate.com