zomi aw lung lau ken!

NEWS Tongsan News
BLUE GREY RED

Warning: Attempt to modify property of non-object in /home/tongsan/public_html/archive/components/com_jomcomment/mambots.php on line 142
Tongsan News

President Thein Sein Pahtawina Kipia

PDFPrintE-mail

Monday, 16 April 2012 13:32

alt

England gam London khuapi a om Kawlte phungzi sang minthang khat ahi " Tattamah Zanti phongyi sangpi " in kum sim aneih uh a (11) veina Kawl ngeina tuibuihpawi (kum khen pawi) pen April 14,2012 (Saturday) ni-in, London khuapi Innpi (Ealing Hall) ah thupitak kibawlin mipi 1000 val kihel thei ci hi. Tua Phungzi Sangte in Kawl kumthak ( Tuibuah pawi) hun sungah pahtawi huai mi thupite kumsim in pahtawina thupitak nei zel uh hi. Abeisa hunin suahtakna lam tawh kisai pahtawina kipia in, tukum ading in kilemna lam asem mite pahtawina piak dingin President U Thein Sein teelkhia cih kiza hi.

U Thein Sein in Kawlgam President hong ngah akipan Thau tawi mualtungmi (Ethnic groups) te le Daw Aung San Suh Kyi tawh kipawlkhawm in, gam sungah daihna le kilemna om theihna ding lunggulhna tawhnasiatak ahanciamna hangin, hih bang pahtawina kipia ahi hi ci-in, London khaupi a om Tattamah Zanti Phungzi Sang pan Phungzi makai khat ahi U Auh Tarah in BBC News te kiangah genkhia hi. Kawlgam ah President sem khempeuh lakah Kilemna lam Pahtawina ( Peace Award ) a ngah pen U Thein Sein bek mah hi dingin kilamen hi.

Tua banah Thein Sein kumpi in Kawlgam sungah mualmi thau tawi tuamtuamte tawh kilemna ( Ceasefire) abawl zawh hangin,  Kachin State ah kidona tuni dong khawl zo nai lo hi. A hi zongin a mau deih bang danin, thakhat thu tawh kilemna a om zawhloh hangin, Thauvui thautang le thatang hatna suang lo a, kilemna om zawhna dingin President U Thein Sein in hong hanciam zawh semsemna ding deihna lianpi tawh hih bang Pahtawina kipia hi ci in, Phungzi sangpi ah thunei uliante in genbeh uh hi.

President U Thein Sein pahtawina akipiakna ding tawh kisai Zaksakna lai zong England gam London khuapi a om Kawlgam Sikzum (Myanmar Embassy) panin kipuak in, a lai tungah President Thein Sein min mah kigelh ngiat ci hi. Tua bek tham loin, Tattamah Zanti Phongyi Sang te' makaihna tawh kibawl tua Kawlngeina tuibuah pawi ah England gam a om Kawlgam Sikzum Vaisaipi (Ambassador) pa zong lawp takin kihelthei ci hi.

Source: BBC,News
Translated: Pa Kham Khan Suan (Tongsan Translator)

 

Singlamteh Susiate thukibawl Ding

PDFPrintE-mail

Saturday, 14 April 2012 19:03

alt

Zogam (Chin State), Khalkha khuapi leilu lam a om Rung kici mual tungah abeisa March 2011 sungin Khristian Singlamteh (Cross) lianpi khat kiphut a, February 2012 sungin kibotkhia / kiphuktan in, a botkhia mite tuni ciang dong kitheikhia zo nai lo cih kiza hi. Tua Singlamteh pen tulaitak Khalkha mite' sungah Pasian thugensiam minthang ahi Tluangzawh group le Pasian nasem Rev.Dr. Vam Ram Uk ( Gam le minam ading Thungen Pawlte) kicite makaihna tawh Rung mualtung galkapte omna (Camp) tawh kigamla lo munah kiphut ahi hi.

Tua singlamteh pen kua sawlna/ thupiakna tawh kiphuk a, kua in phuk/ susia cih tawh kisai Chin State Parliaments te le Biakna lam kipawlna tuamtuam pan makaite in kansan mahmah laitak uh hi ci in, Chin State Hlutdaw Representative khatin gen hi. Hih bang a Khristian te' Singlamteh kisuksiatsakna pen Kumpite thukhun tawh kituaklo bek tham loin, a susiate akitheih zawhna ding le nasiatak a Thubawlna (Action) neih dingin Hlutdaw ah thupuak ding cih kiza hi. A beisa February 11,2012 ni akibawl akhatveihna (Chin Sate Hluatdaw athumvei Regular Meeting) ah Chin National Party pan thunei khatin State Parliament ah athusunna ah, " Kampalet Myone sung ah abisa July 28,2011 ni-in, Singlamteh kisuksiatna hangin Kumpi zum (Court) ah khiatna thu om ngei khin ahihna tungtawn in, Chin State Kumpi thuneite in awlmawh lo/ thusim loin, khiatna laite atuna banna zong kitheilo " hih tuak ci in gen hi.

Tua Singlamteh pen Myone Police Officer Captain Aris (sikhin) in atheih hun a singlamteh abawlpa Khalkha khuapi, Pyidawta Quarter ateng Pu Biak Chawn samin, apuahsak kik ahi hi ci in gen uh hi. Tua ahih manin, Zogam ah Khristian biakna zui 100% ( hundred percent) ki om hangin, suahtakna taktak kinei zo nai tuan lo suak ahih manin, Zomi Tapidawte in Thungen in Topa tha tawh i gal ahi Dawi mangpa dokhawm ding kisam semsem hi. Topa aw, Zogam thupha hong pia in.

Source : Chin World Media
Translated :  Pa Kham Khan Suan (Tongsan Translator)

 
 

Tongsan pan Lungdamkohna le Thuzaksakna

PDFPrintE-mail

Last Updated on Wednesday, 28 March 2012 12:22 Wednesday, 28 March 2012 12:12

Zomite sungah gam le nam tawh kisai tangthu le thupi tuamtuam sulkanna lam ah mi muanhuai khat ahi Pu J. Thang Lian Pau (Zolawkta) in New Delhi, India pansan in amau innkuan hanciamna tawh abawl uh Zomite' teena gamlim (Zogam Map) kician mahmah khat Laidal (Copies) 30, Minam le lai itna tawh Tongsan huhna sumbul (Fund) ding hong piakhia ahimanin Tongsan Media Group pan lungdamna i pulak hi. Pu J. Thang Lian Pau (Zolawkta) te innkuan Topan nuntak nopna le khasauna thupha tawh hong makaihsak hen.

Hih hong piak Zogam Lim (Zogam Map) pen Tongsan Zumpi, Kawlpi pan kihawmkhia dinga, dalkhat Ks. 1000/- tawh kizuak dingin J. Pau in gen hi. Dal (Copy) 30 bek ahih manin, a lei masa a ngah masa suak ding hi. Tua Zogam lim pen abeisa 2007 kum a abawl masak pen apuahphat kik hi-in, kicing zaw le hoih zaw lai hi. Zomite' neihsa leitang le teenna mun le mual gamgi khempeuh kiciantak kihel kim hi. Gam dang lam Australia, Tulsa (USA) le mun tuamtuam zongah kihawmkhia laitak ahih manin Zomi, Zogam le Zoleitang a it peuh mahin thapia a, i lei ciat ding i kihanthawn phapha hi.

Thusuah: Tongsan tanute

 
 

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 94

Warning: Illegal string offset 'active' in /home/tongsan/public_html/archive/templates/TONGSAN/html/pagination.php on line 100

Page 10 of 242

TONGSAN Video

TONGSAN Photo Gallery

TONGSAN Weekly Journal

Who's Online

We have 63 guests online
Joomla Templates and Joomla Extensions by ZooTemplate.com