zomi aw lung lau ken!

NEWS Asia Pacific News Yangon Bus Linete ah iPay Card kizangh ta ding
BLUE GREY RED

Yangon Bus Linete ah iPay Card kizangh ta ding

PDFPrintE-mail

http://7daynewsjournal.com/sites/default/files/imagecache/350x235_big_photo/2012/article/2012/03/48.jpg

Yangon khuapi sung a tai tangpi tangta tuanna Bus line te mai April,2012 sung akipan Mawtaw sap sumtang tawh pia nawn loin Katspi Nadi company te' makaihna tawh iPay Card System kizangh ta ding cih kiza hi. Tua bang a Card system zat adeihna bulpi pen mawtaw tuangte ading sumnen kikhiatna ah buaina om nawnlohna ding le Mataw neite lam pan zong supna om nawn lohna ding banah International Level tawh kalsuan ding deihna zong ahi hi.

Tua iPay Card tawh Bus tuang ding/ azangh dingte in Yangon khuapi sung a Bus khawlna (Station)te, gate neuneute le Super Market te ah kileithei ziahziah dingin Company Managing Director U Aung Kyaw in gen hi. Katspi Nadi Company in iPay Station te pen tulaitak Shwegondai, Hlawka,Tanyatkung le Sawbuagyi Tsp., Bus gate kim tengah lam khin ta hi. A kipat lam tawlkhat sung teng Yangon khuapi sung a Bus Line te ah zangh masa dinga, a sawt loin khual gamla a zin Bus te zongah kizang ding ci hi. Yangon khuapi sungah Yangon-Sule- Insein line tengah kizang masa ding ci hi.

Katspi Company in iPay Card a zatsaknop Mawtaw line khempeuh pen a phazah ciangtan om loin, amawkna tawh thuahsak ding uh hi. Ipay Card tawh mawtaw tuangte in Card a leikhit akipan Ks.500 tawh sum pia thei dinga, a tampen Ks.100000 ciang zang thei ding ci hi. Tua iPay Card sungah sum cian pen Ks.100 nuai a hih le tua Card kizangh thei lo ding ci hi. Tua Card pen a kilei ni akipan khanih sungin Ks.300 bek tawh kizuak dinga, tua hun a khenkhit (val) le Card khat i aman pen Ks.500-1000 kikal om ding hi. Card zanghte in a ma khualzinna/ hawhna gamlatna tawh kizui-in, Mawtaw line pan akiciangtanna mawtaw sap pia ding hi.

Hih iPay Card system akithuahna Mawtaw line khempeuh ah ahun (0.1 Seconds) sungin sum kipiasak dinga, khualzin mite' lam panin zong amau Card number, sum cian zah tawh tuan theihna Mawtaw line kisitcian thei ding ci hi. Card khat pen midang kizangkhawm thei lo dinga, mikhat bekin zangh thei ding ci hi. Tua i zat Card pen a muanhuaina ding selsim number kithuah khawm ding ci hi. Kawlgam ading hih International System akizatna ah Mawtaw nungzuite nasep tawldam tuam dinga, Card zanghte' lam panin Mawtaw mi dim lua leh azatna ah lem taktak thei lo ding ci in, Insein Bus Line Driver khatin gen hi.

Source: 7daynews

Translated : Tongsan Translator

Comments/Ngaihsutnate (2)add comment
...
written by paykasa , May 14, 2016

na sia ei, i gam khantohna om toto tak pi in, lungdam mahmah ing. Mipi zong tawldam tuam peuhmah ding ai ve maw, sumkepna zong lem zaw ma te, tenghkhat angip ah pua leng nakpuak mahmah ding ci leng, tua card sungah thunziau thei ding ci mawkleng. http://paykasatr.net

report abuse
vote down
vote up

Votes: +0

...
written by thangthawn , March 16, 2012

na sia ei, i gam khantohna om toto tak pi in, lungdam mahmah ing. Mipi zong tawldam tuam peuhmah ding ai ve maw, sumkepna zong lem zaw ma te, tenghkhat angip ah pua leng nakpuak mahmah ding ci leng, tua card sungah thunziau thei ding ci mawkleng.

thu hoihzazel i hih manin lungdam mahmah hi. adangdangte zong nong zaksak zel ding ka lam en den a, na na vilvil hi.

report abuse
vote down
vote up

Votes: -1


Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 269 guests online
Joomla Templates and Joomla Extensions by ZooTemplate.com