zomi aw lung lau ken!

NEWS Asia Pacific News Malaysia UN Card ah RFID Kithuahsak Ding
BLUE GREY RED

Malaysia UN Card ah RFID Kithuahsak Ding

PDFPrintE-mail

img whatwedo
 
Malaysia Home Ministry pan Immigration Department te in UNHCR tawh Refugees vai nasepkhop dingin Minister Datuk Seri Dr. Ahmad Zahid Hamidi in July 11,2013 ni-in Malasyia TV pan pulak khia hi. A mahin agenna ah UNHCR Card tungah Radio Frequency Identification (RFID) Chip kithuahsak dinga, Refugees khempeuh Stellite tung pan ciaptehna bawlsak ding ci hi.
 
Tua akibawlsak UN Card thak tungah Debit card kici Bank ah sumkhol / sumthoh theihna ding zong om pah ding ci hi. Ahmad Zahid in a genbehna ah Malaysia gam a om Refugees te' sung pan 104,070 bang in UN Card tawi uh a, adang 50,000 valin nei nailo uh ci-in, gamdang mite' nasepna Market sung a nasem mite etcikna abawlna pan thei khia uh hi. Malaysia gam a om Kawlgam mi Refugees Card neisate le refugee ahilo thumaanlo (Work permit) neilo a omte August 1, 2011 ni pan July 8, 2013 ni kikal minsazian a ciamtehna ah 25,535 val Kawlgam kipuakkik khin ci-in gen uh hi.  
 
Tua banah Malaysia Immigration Department in a genna ah Market ah nasem mi 90% (za ah sawm kua) pen Kawlgam mi hi uh a, Malaysia gam mite' sepnoploh teng kisemsak ahihna thu zong gen uh hi. Tua Market ah nasemte pen UN Card zong a neilo vive hi uh a, ahi zongin Refugee taktakte ahihna limtak kisittel dinga, a dik amante Immigration Department in Thuman/ thudik tawh naseptheihna ( Work permit) bawlsak dingin gen uh hi. Tua Work permit a kipiak hangin Malaysia thukhun tawh kizui-in gamtat/ nasep kul dingin gen uh hi. 

Tua ahih manin UNHCR pan in Michele Manca di Nissa in agenna ah, " Malaysia kumpi in a mau gam sungah gamdang mi Refugees te hong omsak bek tham loin, nasep theihna ding dongah hong vaihawmpihna thute hangin lungdam thupulakna nei hi. Tua hi a, Malaysia gam a om gamthumna ngak a om Zomite in hih hun kilaihna thute limtak kancian a, pilvangtak om theih ding thupi mahmah ding hi.

Ref: The News Straits Times

Translated by: Joseph Khaipi

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 81 guests online
Joomla Templates and Joomla Extensions by ZooTemplate.com