zomi aw lung lau ken!

NEWS Asia Pacific News Sangai Festival 2014 Thupitak Kibawl
BLUE GREY RED

Sangai Festival 2014 Thupitak Kibawl

PDFPrintE-mail

Sangai Day2 Myanmar 20141122 6

India gam Manipur State sunga om Meitei minamte' ngeina pawi thupi pen khat ahi Sangai Festival  2014 pen Government of Manipur, Department of Tourism i makaihna tawh November 21-30,2014 sung Imphal khuapi ah thupitak bawl uh a, Nov. 21, 2014 (4:00Pm) hun in Mr. Okram Ibobi Singh (Chief Minister of Government of Manipur) in Zingmangpi (Chief Guest) hihna Pawi honna nei hi.

Tua pawipi ah Myanmar pan Pu Hong Ngai ( Chief Minsiter- Chin State) zong Zinmang zahtak (Special & Guests of  Honour) in kihel a, President in Mr. Gaikhangam, (Deputy Chief Minister of Manipur State) pang in, Mr. Mairembam Prithiviraj Singh, (Parliamentary Secretary -Tourism/YAS, Manipur) leh M P Bezbaruah, member, North Eastern Council, Shilong Government of India te kihel ciat uh ci hi. Hih pawipi sim dingin Myanmar le Thailand pan khualzin mi tampi tak pai khawm uh cih kiza hi.

Tua banah November 25, 2014 nitaklam dak 4:30 in Churachanpur District Day’ zong Lamka Public Ground ah thupitak bawl uh a, tua laiah Dist. Level Officer khempeuh kihelkim dingin kicial hi. CCpur Dist. Day zat hun sungah Zosuante ahi; Kom Cultural Troupe (Koirentak); Hmar Youth Association; Young Mizo Association (Lamka Branch); Thadou Kuki Cultural Troupe (M.Songgel); Zou Cultural Troupe; TKSU, CCpur College leh Zomi Cultural Society te’n Cultural show lahna thupitak nei ding uhi.

Tumging le lasa siamte lam pan Musical Band/Artist lamah Six String Musical Band and Artist, ICI Central Choir, Muan Hangzo, Jenet Varte, Benny Khongsai, Eimi Achievers Song, Naemy Haokip leh Joicee Vaiphei cihte in zai ziahziah ci hi. Tua banah Ngeina van lahna (Traditional show) zong om ding a akihel dingte; Paite, Thadou-Kuki, Simte, Vaiphei, Zou, Hmar, Mizo, Chin (Zomi) Gangte leh Kom cihte kihelthei uh hi. DC/CCpur in welcome address genna nei a, CCpur dist. ai tangin Health Minister Phungzathang Tonsing in thugenna nei hi. Dr Chaltonlien Amo (Chairman, Hill Areas Committee) in lungdam thugenna nei cih kiza hi. 

Source : Zogam.com News

Posted: Tongsan Media Group

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 89 guests online
Joomla Templates and Joomla Extensions by ZooTemplate.com