zomi aw lung lau ken!

NEWS Burmese News ASEAN Khawmpi ah Obama le UN Secretary
BLUE GREY RED

ASEAN Khawmpi ah Obama le UN Secretary

PDFPrintE-mail

1377302 300801496794490 1812041664429932722 n

Tulaitak Kawlgam thuthangte sungah akilimgen mahmah ahi A (25) veina ASEAN khawmpi le tua laiah kihel ding UN Secretary Mr. Ban Ki Mon le US President Barack Obama te thu kilimgen mahmah laitak ahi hi. ASEAN khawmpi pen Kawlgam Nyipidaw khuapi ah Kawlgam inntekna tawh thupitak kinei hi. ASEAN khawmpi ah ASEAN President thak ahi President U Thein Sein in pawi honna le thugenna nei hi. Tua banah ASEAN makaite in China leh Japan kikal tuikulh gam vai kitheihsiam lohna leh buaina thu nasiatak kikupna nei uh hi. 

UN Secretary Mr. Ban Ki Mon pen November 11,2014 ni-in Kawlgam Nyipydaw khuapi tung ta a, tuni November 12, ni ASEAN khawmpi honna hunah thugenna zong nei hi. Tua banah US President Obama zong Sen gama kinei Asia Khawk Sumzon Sumzuak Kipawlna " Asia-Pacific Economic Cooperation (APEC)" makaite' Khawmpi (APEC Summit) ah akahna pan November 12,2014 (7:45 Pm) hunin US President vanleng Air Force One tawh Nyipidaw International Airport tungin, Kumpite le US Embassy pan nasem khempeuh in vaidawnna nei uh hi. 

Amau Zinmangpite gelin ASEAN khawmpi akihel banah Kawlgam kimakaihzia le kalsuanzia tuamtuamte a lunghimawhna thu uh Kumpite le Daw ASSK tawh limtak holimna nei uh hi. A diakdiak in Daw ASSK in mai 2015 kiteelpi ciangin President a ngah theihlohna dinga Kawlgam Kumpi' bawl tawm thukhun pena manlang a laihkikna ding uh Kumpi thuneite genpih ding uh hi. Tua banah Kawlgam Rakhine State sung a om Bengali (Rohingya) minamte Kawlgammi a ciaptehna ding vai zong limgenpih mahmah uh ci hi.

Hih ASEAN khawmpi sungah Islamic hiamgam nasem pawlkhat in buaina bawlsawm cih thu kiza ahih manin, bitna lam tawh kisai Kawlgam galkap le Palikte in nasiatak enkolna nei uh hi. Tua bek tham loin, US President Obama ading bitna lam tawh kisai USS Peleliu (LHA-5) kici Galsimna Tembawpi khat Rakhine tuipi tungah a baihsa in kikoih a, US tui galkapte le Kawlgam tui galkapte in muanhuai takin cing uh hi. UN Secretary Ban Ki Mon pen tuni November 12, nitak lamin Australia gam Brisbrane khuapi a kinei ding G-20 Khawmpi kah dingin Kawlgam pan lengkhia kik a, US President Obama bel November 14, ni ciangin Australia lam mah zuan ding cih kiza hi.

Source: VOA, BBC, DVB

Translated & Posted: Tongsan Media Group

3375CEB0-DDE2-4F25-B631-989346BBAB70 cx2 cy0 cw96 mw1024 s n r1

 

 

 

 

 

TONGSAN Video

TONGSAN Photo Gallery

TONGSAN Weekly Journal

Who's Online

We have 113 guests online
Joomla Templates and Joomla Extensions by ZooTemplate.com