zomi aw lung lau ken!

NEWS Burmese News US President & ASEAN Siamsinte
BLUE GREY RED

US President & ASEAN Siamsinte

PDFPrintE-mail

8949 10203216145065276 5395781727164624809 n

A (25) veina ASEAN khawmpi kah dinga Kawlgam Parliament Chairman U Thura Shwe Mann sapna tawh Kawlgam hong zin US President Barack Obama in, ASEAN khawmpi Nyipydaw ah thugenna a neih khit ciangin President Thein Sein le Parliament makaipi Thura Shwe Mann te tawh holimna nei uh hi. Holimna a mankhit ciangin Nov.13,2014 ni mah (6:30Pm) hun pawlin Nyipydaw pan Yangon zuan suak pahin Yangon Intl Airport ah kumpi ulainte le US Emabssy te in limtak dawn uh hi.

A zingciang November 14,2014 ni Daw Aung San Suu Kyi inn ah hawhin Kawlgam dinmun le NLD i nasepna tawh kisai thuthak saite tungah pulakna nei khawm uh hi. Daw Aung San Suu Kyi in a genna ah," Hong tung ding 2015 Kawlgam kiteelpi ah amah (ASSK) kumpi a ngah theihlohna dinga kibawl 2008 Thukhunpi pen akipuahphat mateng Kawlgam kikhelna in Democrecy lampi tungah kipailo ahihna limgen hi. Tua banah Mualmite thautawite tawh kilemna a bawl masiah Upna le muanna kineitheilo ding cihte zong limgen hi. Tua mah bangin US President Obama in zong Kawlgam kumpite in mipite' thukimna omlopi in, kiteelna a bawl hetloh ding thute limgen mahmah hi.

Amau nih holimna (Press Conference) a man khit ciangin nitak lam (4:00Pm) pawl in Yangon University Golden Hall ah ASEAN khangnote leh Kawlgam khangnote tungah thugenna nei leuleu a, 88 sangnaupang makaipi Ko Min Ko Niang leh Daw ASSK te bang in gam le nam khantohna le hoihna ding nasem makai muan huai suak dingin khangnote hanthawn hi. Tua banah USA kumpi in Kawlgam khangnote tawh kizopna ding ngimna in ( Peace Corp) cih a sawt loin kinei ding cih thute pulak hi.

Tua bek tham loin, leitung khantohna tawh kizui in, Kawlgam khangnote le ASEAN khangnote khantohna ding deihsakna tawh US kumpi in panpihna lianpi kinei ding ci hi. Tua hi a, ASEAN khangnote in khuamuhna le pilna lamah a khantohna ding deihsakna tawh ASEAN khangno mi 500 ta kum simin USA ah zinkhiatna ding lampi kibawlsak ding cih thu zong pulakkhia hi. Hih US President Obama le ASEAN khangnote thukikupna sungah a tam zaw Kawlgam siamsin sangnaupangte bekbek hi a, Zomi Siamsin honkhat zong kihelthei cih kiza ahih manin, Zomite' maban lawp huai le khantoh gimnam semsem ahihna kimukhia thei hi. Topa aw... Zomite thupha hong pia in.

Source: VOA, DVB,BBC

Posted : Tongsan Media group

DE065F50-7B0D-48F5-83AD-FFCA887C997B w974 n s

 

 

 

TONGSAN Video

TONGSAN Photo Gallery

TONGSAN Weekly Journal

Who's Online

We have 73 guests online
Joomla Templates and Joomla Extensions by ZooTemplate.com