zomi aw lung lau ken!

NEWS Burmese News Kawlte in KIO Galkapbu 23 Kaplum
BLUE GREY RED

Kawlte in KIO Galkapbu 23 Kaplum

PDFPrintE-mail

KIO galkap site

Kachin gam Laiza khuapi kiang a om KIO te' Bu sinna sang (Kachin Military Academy) mun pen November 19,2014 ni-in Kawlgam galkapte in Kha-zaa kici mualtung pan thaupi 105 mm namte tang 2 tawh kaap uh a, Bu sin lai taangvalno 23 te sipah bek tham loin, a pumpi kizan dikdek uh a, 15 liam uh hi. A sitelakah CNA gaalkap Training laitak John Biak Tin Lian leh Ram Hngak te lawmta zong kihel uh a, CNA gaalkap bu 3 mah aliamte lakah kihel cih kiza hi.

John Biak Tin Lian pen Pasian lasak zong asiam mahmah khat hi-in, Ram Hngak ahih leh Pu Zing Cung( General Secretary-CNF) i personnel secretary a akoih a mi muan mahmah khat ahi hi. Hih bangin gam le minam ading nasem CNF/A te minih asihna hangin gamsung gampua a om Hakha minam bupin November 19-20,2014 ni-in CNF Dialkhai alang ciang bekah khai in zahtaakpiakna nei uh cih hi. Tua banah mualtung minam tuamtuamte zong khat le nih kihel ciat uh a, Kawlgambup Sangnaupang gaalkaap kipawlna pan zong minih mah kihel uh cih kiza hi.

Aliam abai teng pen Kachin State, KIO phualpi Laiza zatopi ah akibawl sanlaitak uh hi. Hih buaina hangin UNFC,KIO leh NCCT te in Kawlgam kumpite' tungah lungkimlohna lai puak pah ziahziah uh a, ahi zongin Kumpi zumpi lamah vaisaipi U Hla Maung Swe in Kawlgam sungah hih bang kikapna hangin galkap lomsihna pen tutung bek hilo hi ci-in thukkikna kampau ci hi. Tua bek tham loin no, KIO te in zong Kachin gam sung Phakan lamah abeisa hun khat lai-in bomb siah in Kawlgam galkap tampi/ lomsih khin uh hi. Tua manin hih vai tawh kisai-in, gal kidona ahih manin a piang ding thu mah ahi hi cih san ziau ci hi. Ahi zongin President Thein Sein in bel thuman kankhiat ding le theihcian ding kisam ahihna thu November 20, 2014 ni-in pulakkhia demdam sam cih kiza hi. 

Tua banah Kawlgal kumpi le mualmi thautawite kikal ah abeisa akipan galkilemna (Ceasefire) ding akihanciam mahmah laitak in, Kawl galkapte in hih bang abawl kikna hangin, kilemna ding hanciamnate tampi sukha le nawngkaina om pelmawh dingin Politician te le Media lamte lunghimawh uh hi. Tua bek tham loin, KIO makai thuneite mahmah in zong hih thusia in KIO le kumpi kikal vaihawmnate tampi siasak mahmah ding hi cih genkhia uh cih kiza hi.

Ref: VOA, Chinland

Posted: Tongsan Media tanute

10689746 739049359507932 6493877904615822006 n

TONGSAN Video

TONGSAN Photo Gallery

TONGSAN Weekly Journal

Who's Online

We have 63 guests online
Joomla Templates and Joomla Extensions by ZooTemplate.com