zomi aw lung lau ken!

NEWS World News (Zo Kam) Pope Francis in Natna Thuaklo a Sihsakna Nial
BLUE GREY RED

Pope Francis in Natna Thuaklo a Sihsakna Nial

PDFPrintE-mail

1415257068Italy gam a Catholic siavuan siamte kipawlna khatin damlo cina gimte natna thuaklo sihsak theihna (Euthanasia) ding a sawmna uh tawh kisai Pasian thu tawh kilehbulh hi ci-in Pope Francis in nung November 8,2014 (Saturday) ni-in khauhtak nial hi. Tukha kipat lamin American numei Brittany Maynard in khuak Cancer nei a, ama lunggulhna tawh kizui-in siavuante’n zatui tawh natna thuak loin a sihsakna uh zong Vatican pan zatui siam mahmah thunei khat in “Hih thu pen maizum huai bek hi loin mihing khat leh khat kineubawlna hi”ci-in mawhsakna pulak hi.

Pope Francis in zong tua numeinu hang bekin hih thu agen hi lo a, Euthanasia (natna thuak lo a sihsakna), Abortion (numei naubu sunga nau siatsakna) leh Vitro Fertilisation (numei naubu sungah Science lam pilna tawh nau piansakna) cihte pen Pope Francis in khauh takin a langdo banah “Hih bang gamtatna pen nuntakna tawh kimawlna nam khat hi” ci hi. Tua banah Pope in a genbehna ah,“Kidawm un, hih bang gamtatna pen na khempeuh a piangsak Pasian deihna tawh kituak hetlo bek tham loin, Pasian langdona zong hi” ci-in mawhsakna gen hi.

Nau suksiatna(Abortion) leh Cina gimte natna thuaklo a sihsak ziauna (Euthanasia) cihte pen Cina gim leh piteek puteek te tungah ih zat ciangin deih loh ciang paih ziauziau theihna ( Throw-away) tawh a kilamdanna om lo ahih manin , mihingte nuntakna in man neilo suaksak hi. “ Hibang gamtatna pen hangsan takin nial in langdo ni. Pasian kammal le Pawlpi thu zuihna tawh zong kituak lo hi” cih thu Zatuisiam siavuante tungah nasia takin genkhia hi.

Source: CANews

Translated: Dalthang Quavadis

 

 

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 92 guests online
Joomla Templates and Joomla Extensions by ZooTemplate.com