zomi aw lung lau ken!

NEWS World News (Zo Kam) Kawlgam ah RC Cardinal Ngah Masa pen
BLUE GREY RED

Kawlgam ah RC Cardinal Ngah Masa pen

PDFPrintE-mail

CharlesMaungBoPopeFrancisAppointsTwenty3IhzDn20LNql

Leitungbup Roman Catholic biakna phualpi Vatican city a om Siampi lian bel Pope Francis in tukum 2015 ading Cardinal thak teelna February 14,2015 ni-in Italy gam Vatican City ah thupitak nei a, gam tuamtuam pan Cardinal thak teel cing mi 20 sungah Kawlgam pan Charles Maung Bo (Kum-66) zong kiteel a Kawlgam RC. tangthu sungah Cardinal ngah masa pen in kiciamteh hi. Hih teel cing Cardinal thak mi 20 te' sungah Asia gam pan Thailand, Vietnam le Kawlgam pan khat ciat kihel uh hi.

Cardinal Charles Maung Bo pen Monhla khua, Shwebo Township, Mandalay Division pan piang hi-in, April 9,1976 kumin Khantawn Siampi suahna ngah a, 1986 kum Lashio Diocease asep laitak in Vatican pan Bishop ngah hi. Tua banah Mandalay Archdiocese, Patein Diocese le tulaitak Yangon Archdiocese ah Arch Bishop asep laitak ahi hi. Abeisa January 5, 2015 ni-in leitungbup Catholic phualpi Vatican pan Siampi lian bel Pope Francis in Cardinal dingin kipsakna a neihsa ahi hi.  

Cardinal Charles Bo pen kum 66 pha pan a hihman in mai lamah Pope asuak dingte teel theihna (Vote) nei bek tham loin, a mahmah zong Pope dinmun a tung thei Kawlgam Catholic Makaai khat hi ci in leitungbup Catholic pawlpi sungah kiciamteh ta hi. Tua bek tham loin, Kawlgam pan Cardinal dinmun hong ngahna hangin biakna lam bek hi loin, gam kikhelna ding bang teng sem zo diam cih leitung mipil pawlkhat in encik dingin kipan ta uh cih zong kizasawn hi.

Source: Pa Khampi Gualnam

Posted: Tongsan tanute

 

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 101 guests online
Joomla Templates and Joomla Extensions by ZooTemplate.com