zomi aw lung lau ken!

NEWS Zomi News Dr. Stephen Hre Kio le Zomi Makaite Holimna Nei
BLUE GREY RED

Dr. Stephen Hre Kio le Zomi Makaite Holimna Nei

PDFPrintE-mail

10546999 10152623141516326 5750980607632904845 o

Tedim Baptist Church Yangon -TBCY te' innteekna tawh Zomi makai pawl khatin Rev. Dr. Stephen Hre Kio kimuhpihna le holimna pen March 25,2015 ni (10:00Am-12:20 Pm)sung TBCY- Meeting Hall ah Kongpi kikhahkhum thukikupna (Closed Door Meeting) thupitak neih khawm uh cih kiza hi. Tua laiah Chin- Zomi kikal minam vai, CNF in Zomite a thahna vaite le biakna pawlpi kizopzia thu tuamtuamte lungsim siangthotak le suaktatak kikupna (heart-to-heart-talk) nei uh a, Kilemkikna (Reconciliation) bulphuh in holimna nei uh hi. 

Rev. Dr. Stephen Hre Kio in a Nuai abang in thugenna nei hi.

(a) Rev. Hau Go pen the first ZBC GS hi-in, ka pa Rev Sang Fen pen the first ZBC President ahi hi. Amau gel kithutuahna tawh ZBC phutkhia uh a, tuni in ei khangthakte in semkhawm theilo in kikhenkham mawk i hiam? A hang bulpi bang hi a, bang hih khialna nei i hi hiam? (What is the core cause for it? Something wrong with Chin Christians. We have to heal the wounds that we received in the past) ci-in thugenna nei hi.

(b) Tua banah ZBC kikhenkhapna pen minam, pau le ham hang zong hi masa loin makaite hang ahi hi. I pu i pate in nasem khawm thei uh ahih le tuhun ei ten bang hang sem khawm theilo mawk i hiam? I sepkhop theihna ding lampi hoih penpen zon sawnni (Our forefathers did it. Why can't we do it now? Let us find the best solution for unity) cih thute genkhia hi.

(c)  Amah in a genbehna ah, I taang min (Common nomenclature) CHIN pen abeisa kum (100) val lai a Britist kumpi ' hong camtehna ahih manin, tua mah zangh khawm in ei mau pau/ awsuah te ahi; Zomi, Laimi, Cho, Khumi, etc... i kilawhnop bangbang in kilo/ kici lel ni. Min le puam vai tawh kikhenkham kei ta peuh ni ci-in genbeh hi. 

(d) USA ah Chin Baptist Association of America (CBAA) cih ka nei uh a, Tedim mite in tuni dong biakna kipawlkhopna nei zolo lai uh hi. Tua manin Tedim mite koici bangin kipawlkhawm (Organized) thei diang ahiam cih tu ni-in ngaihsutna hong pia un! ci hi. Tua bang Religious Organization/ Association na nei loh manun, no Tedim mi khat bang Chin Baptist Association of America (CBAA) panin Siampi zaa (Ordination) ka na pia uh ci hi. Tua Siapa pen Atlanta a om Rev. Langh Khen Mang ahi hi. Tua manin minam min le biakna minte tawh kikhennate limtak ngaihsun kik dih ni cih gen hi. 

Zomi makaite lam pan thugenna kinei a, CNF te in Tedim mite tungah akhialhna thute limgen uh a, tua tawh kisai zong CNF thuneite in mai ah Zongeina le Pasian thu tawh kituak in, thumna le mawh maisak ngetna cihte neih theihna ding vaihawm pih dingin kikupna kineithei cih kiza hi. Tua holimna hun sungah Zomi sung pan makai 15 kim kihelthei-in, Rev. Khoi Lam Thang (GS of Bible Society of Myanmar) in Chairperson semin, inntek siapipa Dr. Simon Pau Khan En in hunzawh lungdamkohna le Dr. Stephen Hre Kio in thupha piakna a neih khitteh Shwe Restaurant ah Annek khopna nei uh cih kiza hi.

Ref: Dr. Cope Suan Pau & Dr. Mang Do Thang

Posted: Tongsan Media Group

Comments/Ngaihsutnate (4)add comment
...
written by Thangho , March 26, 2015

Ih lawm te ma kai te tawh ki kup na a nei khem peuh Zomi ma kai ki ci thei pah sam ding a hia #toilaimahmahhang
report abuse
vote down
vote up

Votes: +1

...
written by Zomi Lungtup , March 26, 2015

Ei Zomite tawh kilem ding a deih uh leh :

1. Dr. Hre Kiu in Tedim mi cih kammal zangh nawn kei henla, Zomi mah zangh zaw hen.
2. Chin te leh Zomi te cikmah hun in huang khat sungah ki omkhawm thei ngeingei lo ding hi. Tua ahihman in a lawhcing ngei lo ding thu khat buaipihpih zaw dah mai leh hoih pen ding hi.
3. Zomi te tungah CNF hong tatsiatna te hangin kisiik in hong thuumkik uh hangin a sisa te hong thokik tuan lo ding ahiteh Pasian min tawh ih maisak zo ahiphial zongin cikmah hun in kimangngilh ngei lo ding hi. Tua ahihman in khawl bawl zaw hen la, amau mailam ding nawt zaw hen. Hong pawl bawlbawl zah mai hen.

Bangbang ahizongin Chin te leh Zomi te kipawl khawm, lam ton khawm thei ngei lo ding hi. Tui leh mei mah a bang den ding hi ta hi.

report abuse
vote down
vote up

Votes: +4

...
written by ThangSK , March 26, 2015

Zomi makaite' thugenna/dawnna zong thei nuam si hang e mataw.
report abuse
vote down
vote up

Votes: +0

...
written by Singpi Gualnam , March 26, 2015

Dr. Steven Hre Kio ii thugen tawh kisai dawng kikna! (Gamdang tawh kituak dawnna)

Zomi leh Laimi te sungah a kibanglo i dinmun tampi om hi. Tuiphum(Baptist) biakna pen Laimi te lak ah majority hi aa adang biakna tuamtuam te vuknelh zo uh hi. Baptish pai dan mahin mun khempeuh ah organized takin pawlpi phut thei uh ahihman in pawlpi kitam kham cih bang tam kizak ngeilo hi. Pawlpi kem sia te thuthu aa nasep cih bang omlo ahihman zong pawlpi te kip in ka um hi. Amau kansuan zia pen leitung vai mahmah aa religious leh politics pen a khensa kei uh hi. Pawlmi makaih nop man aa pawl a phuan tuamtuam tawm hi. Mipi in nuam a sak kei zong inntuan nuam pahpah sia omlo ahihman in a tai nading uh om tuanlo hi. Kipawl khopna nuam sa semsem aa mun khat leh mun khat kipawl khawm association bawl ding pen haksa sa nawnlo uh hi.

Zomi te sung bel i upzia, i kalsuan zia pen kibang theilo hi. Biakna lam enleng majority cih bang omlo in i mun tek ah kitha hat tek hi. RC, Tuiphum, AG, EBC, Seventh Day, UPC, ...etc cih bangin upna leh paizia kilamdang lua hi. I tun na peuhpeuh ah i tuncil lam mi tawm lua i hihman in Fellowship min khawng tawh i omkhop pong hang pawlcing pian leng ei aa tek mah ki lunggulh zaw veve hi. Ei upna tek tawh Pawlmi kiphuan aa kikhenna hong om tawmtung hi. Hih pen ahi ding mah hi aa i santheih loh pen i khialhna hizaw hi. Fellowship sung khawngah i omsak nop den pen ei khialhna hizaw hi. Upna kibang, tawnzia kibang aa i kikhen pen bel a kilawm lo, a hoih vetlo thu ahihi. Atung aa biakna teng i phuah pen ahi ding mah ahihhangin Baptist pawl nih, AG pawl nih, EBC pawl 2 i om pen i kipawl theih loh man hi. Laimi te danin Association khawng kiphuan zolo ding hi. Hih pen poi peuhmah lo hi. A poi penpen ah Biakna sungah i kithu tuak lohna pen minam sungah i tonpih den pen a hoih lo penpen hi. Tuiphun pawlpi khempeuh i kipawl theihlohna pen ei ginat lohna hi. AG pawlpi khempeuh i kipawl theih lohna len ei kiciat lohna hi. EBC khempeuh i kipawl khop theilohna pen ei kicinlahna hi.

Amau tawh cik mah in kibang thei ngeilo ding hihang. Amau tawh a kituak formula pen ei tawh kituak hetlo ding hihang. Ei dinmun , omzia tawh kituak aa formula dang i bawl kul ding hi. Amau danin religious leh politics kigawm khawm thei lo ding hi. Upna, tawnzia a kibang teng kigawm zo leng aa, minam vai ah i sisan tung bek ah base leng bang a ci tam ci nuam ing!

Singpi Gualnam



report abuse
vote down
vote up

Votes: +1


Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 93 guests online
Joomla Templates and Joomla Extensions by ZooTemplate.com