zomi aw lung lau ken!

NEWS Zomi News HPC-D te'n Mizoram Police 3 Kaplum
BLUE GREY RED

HPC-D te'n Mizoram Police 3 Kaplum

PDFPrintE-mail

11075164 10205312326959660 1293757467779237743 n

Mizoram,Aizawl khuapi pan Mizoram Police honkhat March 28,2015 ni-in,Aizawl District sung Assam le Manpipur gamgi neh Sakawrdai khuapi,Tuiruang(Tuiluang lui) kiang Zokhawthiang village ah cidamna lam tawh kisai Zato en dingin a pai kim lai uh Zosuante mah ahi Hmar People’s Convention-Democratic (HPC-D) singnuai mite in lamphung pan kapcip (Ambush) uh ahih manin, a munah palik 3 sipah in a dang 6 te nasiatak liam uh cih Aizawl District Police official in pulakkhia uh hi. Tua tuahsiatna thu akizak phetin Aizawl district police chief C. Laldina makai-in Security forces- te’n a munah delh pah uh hi. HPC-D gamnuai mite in a thaute nangawn uh sutmang lai uh ci hi.

Asi MLA 3 te pen Zoramthara Khawlhring OC, Sakawrdai; Driver Lalchuailova leh Constable Hmangaihmawia ahi hi. Aliam Police 2 te pen Pu Lalthanliana, Nl.Vanlalawmpuii Chawngthu (lone woman MLA) le, adang Hav. Vanthuama, Constable Lalhmangaiha, Constable Lalkhawngaiha, Lalchhuanawma (Driver) le Zohmingthanga ahi hi. A dangte bel Pasian kepna tawh bang mah cilo cih thu Deputy Inspector General of Police (northern range) L.T. Hrangchal in gen hi. Tuahsiatna tuak Mizoram Police teamte pen Palik bupi Pu Zarzoliana (MPS., Sub-divisional police officer -SDPO), Sakawrdai i makaih hi-in, amah zong a gil le a kawngbom teng liam ahih manin Hericopter in Aizawl zatopi puak pahin, aliam dangte akim zatote ah kipuak pah hi.

Hih HPC-D Credre te' suamna tawh kisai Mizoram govt in koih mawk loin, lampi om bangbang tawh nasiatak sual hamtang dingin Mizoram Home Minister R. Lalzirliana in pulak hi. Tua banah misite luang hawm tawh kisai-in, Aizawl Armed Veng a om 1st MAP Ground ah March 29, 2015 (8.00 Am) hunin kumpi ngeina bangin Zahtak piakna tawh thupitak vuina nei uh a, Pu Lalthanhawla (Chief Minister), Minister, Parliamentary Secretary, MLA -te, Chief Secretary te le kumpi ulian tampi in uap uh hi. Tua banah misite innkuanpihte Rs. 7 lakh piak dingin pulak in, a liamte limtak kibawl dingin Chief Minsiter in gen hi.

Source: Vanglaini 

10604644 774198449300144 8442056492312450366 o

13083 860597247337306 8120262456180865343 n

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 94 guests online
Joomla Templates and Joomla Extensions by ZooTemplate.com