zomi aw lung lau ken!

NEWS Zomi News Zomi Council Makaipi Ngah Kik
BLUE GREY RED

Zomi Council Makaipi Ngah Kik

PDFPrintE-mail

LB Sona - Zomi Council 1India a Zomite' kikhaikhawmna lian pen ahi Zomi Council (ZC) in General Assembly le Kiteelna (Election) hunpi gawmin April 1,2015 ni-in Khuaminthang, New Lamka, Zomi Innpi ah thupitak kinei a, adem omlo in Pu LB Sona mahin Zomi Council- Chairman ngah kik ahih manin 2015-2018 Term khat sung Zomite makaih kik ding ahihna tungah Tongsan Media Group pan lungdampihna i puak hi. Zomi Council-Chairman teelcing Pu LB Sona pen Pu William Vaiphei (Speaker of Zomi Council) in kiciamsakna nei hi.

Tua Election hunah Pu Khatkhotong Baite (Vice Chairman of Zomi Council) in makai paikhawmte vaidawnna nei-in, Pu L.B. Sona (Chairman of Zomi Council) in Chairman’s Address thugenna nei hi. Pu K.G. Tungnung in Budget pulakna/ luikhiatna nei-in, Pu G. Vungsuanthang (Vice Chairman of Zomi Council) in lungdam thugen in, Rev. Thangno (Pastor, TBC) in thungetna tawh Kiteelna hunte nuamtak kipan thei ci hi.

Hih bangin India lam Zomite in kikhaikhopna Zomi Council (ZC) cih thupitak a neih tawh kiton in Kawlgam (Myanmar Zomite) in zong abeisa 2014 sungin Zomi National Council of Myanmar (ZNC-M) cih phutkhia uh a, March 2015 sungin Myanmar Government theihpihna (Registration) ngah uh cih kiza hi. Myanmar Zomite le India Zomite tuibang gawmna ding le nampi khat suahna dingin mapangkhawm thei ding deihsakna i pulak hi.

Source: Phualva News

Posted: Tongsan Tanute

Zomi Council 1

Comments/Ngaihsutnate (0)add comment

Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 88 guests online
Joomla Templates and Joomla Extensions by ZooTemplate.com