zomi aw lung lau ken!

NEWS Zomi News Tedim ah Manglai Hilhte Din khawl
BLUE GREY RED

Tedim ah Manglai Hilhte Din khawl

PDFPrintE-mail

Zomi Language 5

Zogam Language & Literature Society (ZOLLS) ii makaihna nuai ah "A 1 Veina Mangkam Sinna 2015" pen 13-27 April 2015 sung Zogam khuapi khat ahi Tedim ah neihding in gelna om himah leh 20 April 2015 ni in kizom thei nawnlo in ki dinkhawl hi.  Zomite' kithutuah ding, ki pumkhat ding, nuntak khuasakna ah nop asak ding ahaza, adeihlo te'n thuneite' tungah hong heek uh ahih manin maban limci khat aki dinkhawl phot ahi hi. Chin State chief minister Hong Ngai in "Election/kitelna hun naita ahih manin buaina aomlohna ding" cih paulap in hong khawlsak ahi hi.

Hih mikang lai/kam hilhding aa Zogam khuapi Lamka pan aa hong kuansuk Zomi 26 te zanni (20 April 2015) in nawhsatak in Cikha lam zuan in taiito kik uh hi. Tedim pan in zingsang nai 5;00 in dingkhia uh a Cikha ah Sun an anek khit uh ciangin Khen Man- Behiang lam tawnin pai uh aa Lamka nitak nai 8: 00 in cidam in tung uh hi.  Tedim pan Cikha dong Tedim ZYA te'n mawtaw nih tawh khato uh aa Cikha ah Pu Pau Lun Min Thang leh Cikha ZYA te'n ankuang a uumpih khit uh ciang un Behiang dong kha uh hi. Behiang pan in Lamka lampan adawnte tawh kituah in cidam lungnuam takin innphual tungkim ciat uh hi. Apai lam un Moreh lampan hong pai uh ahih manin Moreh ah a ID card teng uh nusia uh hi. 

Lamka ah Zomi Council in vaitun muakna thupi takin na nei aa Zomi makai tampite leh mediate zong va kihelthei hi. Zomi makaite' vaimuakna kammal pawl khat:


Pu Rev Dr Luaichinthang, Chairman of ZOLLS  "Tutung kawlgam ah na tampi vasem kha hihang. Kawlgam leh Vaigam a om Zomite lai tungtawn in ih kinai semsem ta hi".


Pu LB Sona, Chairman of Zomi Council  "Hih nasephoih pen mailam ah zop toh laiding hi. Tangthu khat abawl khin ih hita hi". 


Pu K Guite, Adviser of ZRO "Tedim leh mun tuamtuam aa theihhuai thu tampite atheih khit ciang aa hong ciahkikte thupi kasa mahmah hi. Kawlgam ki-ukna ahoihlo in minthang mah tase leh tu'n damdam in hong hoihta ding hi.

Pu K Vungzamawi, ZEPADA "Kawlgam leh vaigam ah hong kikhen zak himah leh, tutung in India pan in mi hizah ih vakuan theihna tungtawn in thu manpha khat ih mukhia hi. Berlin kulhpi (Berlin Wall) asatzan pen mipite mah ahi hi. Mipite in sak leh khang hong khen kulhpi ih satzan ding ahi hi".

Pu Nangmuansang Lethil, Secretary of Siamsin Pawlpi  "Tedim kava tun taktak teh unau khat ih hih taktakna telmuh tektek ing. Tamu-Kawlpi-Tedim ah Zomite vive ana om pen thupi sa mahmah ing. Zong na khangto mahmah ta uh."

Hong hazate leh hong langpante' hang tawh thanem in ih khawl mawk leh mi ginalo ih suak ding i hih manin, mailam ah hih nasep hoihte ih zop tohtoh ding ahi hi. Hibang thu omthei ahih manin mailam ah hoihtak ih kigin kholh ding hilel hi. Lungkiatna ding om peuhmah lo hi. Kihazatna leh ki langpannate pen leitung ngeina hilel in a omden ding hilel hi. Thanemna ding khat zong omlo hi. Sanggamte ana buaipih khempeuh Pasian in thupha hongpia hen.


By: Thangboi
Zangkung Khuahun

Posted: Tongsan Tanute

Tedim English 54

Comments/Ngaihsutnate (1)add comment
...
written by Mangpi , April 24, 2015

Tuma kum tampi lai-a i pu i pate sunmang a semsem ta hi hang. Zogam hong pal ding hi. Lamka lam sanggamte in Kawlgam, Tamu, Kawlpi leh Tedim khua mahmah a hong muhsak uh zong manpha mahmah sa ing. A kuamah peuh ii ngaihsutna tampi kilamdang leh kihong tuam mahmah ding hi. A vaihawmte a kuamah peuh siam leh thupi hong sa ing. Lamka lam pana a hong kuansuk sanggamte teng leh innlam pana a na hanthawn, panpih makai mimal a kuamah peuh zong thupi sa mahmah ing. Tedim ZYA, Cikha ZYA leh makai thupuakte zong kizen, fel thei hong sa mahmah ing.
report abuse
vote down
vote up

Votes: +0


Write comment/Na ngaihsutna gelh in
smaller | bigger
password
 

busy

TONGSAN Video

TONGSAN Photo Gallery

TONGSAN Weekly Journal

Who's Online

We have 155 guests online
Joomla Templates and Joomla Extensions by ZooTemplate.com